Skip to Content

129 Views

مارسی ماریا …. حەمەی شانۆ

مارسی ماریا …. حەمەی شانۆ

Be First!
by March 13, 2018 General
image_print

حەوتی بەیانی هەڵدەستم لەخەو ڕۆژ باش لەباڵندەکان دەکەم و ئاوی گوڵەکانی نێو ئینجانەی تەنهایەکە ئەدەم ،
سەعات هەشت قژم دەهۆنمەوە و نینۆکەکانم بۆیەی شین دەکەم بە کراسێکی سوری گوڵدارەوە دچم بۆ بازاڕ یەک کیلۆ و نیودڵخۆشی ئاڵ دەکڕم هێندە کەیفم سازە هەستەکەم خەریکە
لەخۆشیە بگرم دووباڵ ،هەر لەڕێگای ماڵ بە شەقامەکانی کەرزۆخ دەڕۆمە سەرەوەو بۆ کتێبخانەی یادگاری ،دەچمە پرسیارەکەم لەکارمەندی کتێبخانەکە ، ئەرێ بەشی من هەیە ؟ خەمگینانە دەڵێ ببەخشە گوڵ خانم هێشتا مەعسوم لەسەفەری بێ ئینسانیتە ونەهاتووە بۆلای ئێمە ، سپاسێکی ئەکەم و سەرم کزەکەم دێمە دەرێ بەڵام ئەو هەواڵەش نەیتوانی ڕۆژەکەم لێ تاڵ کە شەقامەکان لەگەڵ قاچەکانم ببون بەدۆست چیتر لەیەکتر نەدەترسان گوێم لێ بوو زەوی پێکەنینی پێڵاوەکانمی ئەدا دەنگی قاقای پێڵاوەکانم دەیگوت :تەق تەق تەق ، گەیشتمۆ لای ماڵ هاوسێ کەمان ئاوی بەردەرگای بەڵاڵایی ئەدا ، سڵامم لە حاجی ئاغای کەریمی کرد کە پیرەپیاوێکی لچ بەیکدەچوبو لەسەر تەمەنی سەروی شەست ساڵ سفڵەیی بوو بەیانیان لەچاوەڕوانی عەزرائیل دەهاتە پێش قاپی بەتەزبیحێکی دەنک گەورەوە تەزبیحەتی ئەکرد ، کەبینم هەستم کرد کەناریەکان خەریکە بەدەنگی ترپەکانی دڵم کاس دەبن سەیری ئەوەم ئەکرد دەنک دەنک وە تەزبیحەکەی دەستی حاجی دەگاتە کۆتایی ، بەپەلە ڕۆشتمە ماڵەوە چومە بەردەم دووشی گەرماوەکە ، ئاخر بۆنی ڕۆحی سوتاوی پەپولەم گرتبوسەروچاوم چبوو بەیەک نازانم مانای ئەو ڕوانینە هەرچی و پەرچیانەی گەڕەک وشەقامان چیە ؟ من هێڵنجم دەهات ، بەڕووتی هاتمە دەرێ لەسەر پلیکانەکانی دنیای مەحویەوە چوم شەکرە سێوەکانم بەتەنەفی بەدفەڕیەوا هەڵواسی با لەدوورەوە کەشتیەکانی جەنگ بزانن ژنێک هەیە لێرە هێشتا ماڵەکەی بۆن و بەرامەی خەنەی لێ دێ ،گوڵەکان هێشتا گەمە دەکەن لەسەرگوڵەکان ، لەسەربانی سەرکۆنەکانمەوە دێمەخوارەوە ،بولبولی نێو قەفەسەکە ئەیەوێ ئازاد بێ و بفڕێ بێتە شۆڕشگێڕێک لەسەر گردە توندەکانی باخی میهربانیم بنیێشێتەوە بژێ ، هەموو خەریتەکانی جوگرافیاش نوقستانن باخی سینەی منیانیان نەنەخشاندوە لەسەری ، سەرم گێژەخوات و خواخوامە تا ناوهەیوانەکەبڕۆم وخەریکە زەرداوی گۆشگیری دەهێنمەوە ، هێواش هێواش گەیشتمە لای تەسجیلەکۆنەکە و کاسێتێکی سروودی ئاسودەیی ئەخمە سەری ، لەگەڵ خۆم ووێنەی چاوەڕوانی سەمادەکەم هەواڵدەم تاگەرووم هێزی تیایە بقیژێنم ڕازەبێدەنگەکانی ڵاپەڕەدڕاوەکانی دەفتەری تەمەنم بڵێم ، چون قریشکەی هەوری گریان ، بڵچکەیەکی بێڕەحمی ئازار لەدڵم دەبریسکێنێ ،بەزۆرخۆم دەگەیەنمە زەنگی تەلەفۆنەکە ژمارەی ژانی ژیانم لێ ئەدەم بەڵام دەبیستم ئێژێ لە دەرەوە بازنەیە . پەیامێکی بۆ جێ دێڵم دەڵێم ساڵانی دووریت سەختە بو نەفرەت لەجەنگی هەشت ساڵی مەرگ ، سەیردەکەم میلی سەعاتەکە لەسەر کاتژمێر دوانزەی شەوە پەردەی تاریکی و شەرم ماڵە بووکەشووشەیەکەی منی داپۆشیوە ،چرکە چرکە هەست بە چرچ بونی ڕوومەتەکانم و کزبوونی چراکانی نوری ئەوینم ئەکەم ئەچمە سەر پەرچەکەم چاوم لێک دەنێم ، دەچم بۆ وێستگەی پاسەکانی سەفەری ئەبەدیت و سەرم دەنێم بەجەمی پاسەکەشینەکەوە تادەگەم بە جادەی فیردەوس و ، نوقتەی کۆتایی بەو پەڕی ماندوێتیەوە دەڵێم بێزەحمەت دابەزین هەیە.ئینسانێک بەو پەڕی بێتاقەتی و ناهەقی بەرامبەرکراو دەیەوێ دابەزێت..

“حەمەی شانۆ”

Previous
Next

Leave a Reply