چیرۆكی لیلی و گورگه فێڵ بازهكه … وهڕگێرانی : ئهحمهد كامهران
تێبینی: ئهم كورته چیرۆكه لهلایهن نوسهر و شاعری فهرهنسی (شارل بیرۆ) نووسراوه.
دهگێرنهوه كه له گوندێكی بچوكدا, كچێكی جوان و بچووك ههیه ناوی لیلی یه وه خهڵكی گوندهكه پێی دهڵێن كچه عهبا سۆرهكه, چوونكه لیلی زۆر حهزی له ڕهنگی سوور بوو , به تایبهتی كه له ڕۆژی له دایكبوونی , داپیری به دیاری عهبایهكی سووری بۆ دههێنێت , كه ئیتر لهو ڕۆژهوه لیلی بچكۆله ئارهزووی له ڕهنگی سوور دهبێت,دایكی لیلی بهیانیهكی زوو چهند پارچه كێكی گهرم ئاماده دهكات و, دهیانخاته نێو سهبهتهیهكی بچووكهوه , وه به لیلی دهڵێت: كچه بچووكهكهم ئهم پارچه كێكانه بۆ ماڵی داپیرت ببه ,داپیری لیلی زۆر نهخۆش بوو تهندروستیهكی زۆر خراپی ههبوو, لیلیش دهڵێت: بهچاوان دایكه گیان ئێستا دهیان بهم بۆ داپیرم, بهڵام پێش ئهوهی بڕوات دایكی پێی دهڵێت: له ڕێگا ئاگهداری خۆت به كچهكهم تهنها ڕێگای بهرهو ماڵی داپیرت بگره,وه بهرهو هیچ شوێنێكی تر نهڕۆیت با دوایی شتێكت بهسهردا نهیهت.
لیلیش گوێرایهلی قسهكانی دایكی خۆی دهبێت و تهنها ڕێگای ماڵی داپیری دهگرێته بهر , وه لهههمان كاتیشدا ماڵی داپیری له كۆتایی ڕێگای دارستانهكهیه , ئیتر لیلیش بهنێو دارستانهكه بهڕێ دهكهوێت , بهڵام له ناكاو گورگێك دهبینێت كه بهڕویهوه دا دێت,كهچی لیلی بههیچ شێوهیهك ناترسێت چونكه ئهو زۆر بچووكه تهنها له مانای خۆشهویستی دهزانێت, بۆیه وادهزانێت كه ئهم گورگه كهسێكی به سۆزه بۆی, بهڵام نازانێت كه چهند ئاژهڵێكی خراپه كار و فێڵبازه,
گوركه خۆی له لیلی نزیك دهكاتهوه وه پێی دهڵێت : ناوت چیه بچكۆل؟ ناوم لیلیه بهڵام خهڵكی گوندهكهمان به كچه عهبا سۆرهكه بانگم دهكهم, گورگهكه پێی دهڵێت: بهم بهیانیه زووه بهرهو كوێ دهڕۆیت لیلی؟ لیلیش دهڵێت: دهڕۆم بهرهو ماڵی داپیرم چوونكه ئهو زۆر نهخۆشه وه ههروهها دایكم كهمێك كێكی بۆی ئامادهكردوه , وه بهمنی داوه كه بیبهم بۆ داپیرهم,
گوركهكهش به ڕوویهكی پێكهنیناوی پڕ له فێڵهوه پێی دهڵێت: تۆ كچێكی جوان و زیرهكی, لیلیش به گورگهكه دهڵێت: سووپاس گورگهكه تۆش زۆر باشی من تۆم خۆم خۆشدهوێت, كهچی لیلی هیچ كات ههستی نهدهكرد ئهمه گورگێكی فێڵبازه,وه ههروهها
گورگهكه زۆر دڵخۆش بوو كه توانی به قسهكانیهوه.لیلی بچكۆله ههڵبخهڵهتێنێت و متمانهی تهواوی لیلی بهدهست بهێنێت, ئهمهش وای كرد كه گورگهكه له پلانهكهی نزیك بێتهوه كه بۆ لیلی دایڕشتبوو , گورگه به لیلی دهڵێت: ماڵی داپیرت له كوێیه؟ لیلیش به ههموو پاكی و سادهییهكهی دهڵێت: ماڵی داپیرم له كۆتایی دارستانهكه له خانوویهكی بچوك دا كه له دار درووست كراوه.
گورگهش دهڵێت : زۆر چاكه لیلی وهره با من و تۆ یارییهك ئهنجام بدهین, ههردووكمان بهڕاكردن بهرهو ماڵی داپیرت ڕادهكهین , بزانین كێ زوو دهگات بهرهو لای ماڵی داپیرهت, لیلیش دهڵێت: زۆر چاكه گورگه من ئامادهم,گورگهكهش پێی دهڵێت: تۆ بهو ڕێگایه بڕۆ منیش بهم ڕێگایهدا دهڕۆم,
ئیتر ههردووكیان دهكهونه ڕێ وه گورگهكه بهخێراییهكی زۆرهوه ههنگاو دهنێت تاوهكو بگاته ماڵی داپیری لیلی, بهڵام لیلی له ڕێگادا كۆمهڵێك گوڵی زۆر جوان و ڕهنگاو ڕهنگ بهر چاوی دهكهوێت, وه لیلی ناتوانێت بهرهنگاری جوانی گوڵهكان ببێتهوه , بۆیه دهست دهكات بهههڵكهندنی چهند دانهیهكی زۆر , وه لهههمان كاتیشدا چهند دانهیهك بۆ داپیری وهكو دیاری بۆی ئاماده دهكات , وه دهڵێت : دڵنیام به بۆن كردنی ئهم گوڵه جوانانه داپیرم ههست به چاك بوونهوهی خۆی دهكات.
له كۆتایی دا گورگهكه توانی بگاته پێش دهرگای ماڵی داپیری لیلی .وه بههۆی ئهوهی كه گورگهكه ساڵانێكی زۆره له نێو ئهم دارستانه ژیان به ڕێدهكات, بۆیه توانی به خێرا بگاته پێش دهرگای ماڵی داپیری لیلی, كاتێك كه گهیشته پێش دهرگا گورگهگه له دهرگای ماڵی داپیری لیلی دهدات و داپیری دهڵێت: ئهوه كێیه؟ گورگهكه دهنگی خۆی دهگۆڕێت و دهڵێت: منم داپیره لیلیم دهرگاكه بكهوه, بهڵام داپیری لیلی ناتوانێت ههڵسێتهوه سهر پێكانی بههۆی نهخۆشیهكهیهوه, بۆیه پێی گوت: دهتوانی دهرگاكه ڕابكێشیت و بێیته ژوورهوه, گورگهكهش دهرگاكه دهكاتهوه دهڕواته ژوورهوه, كاتێك داپیری لیلی گورگهكه دهبینێت زۆر تووشی شپرزهیی دهبێت و ههوڵ دهدات ههستێتهوه سهرپێیهكانی و داوای یارمهتی بكات, بهڵام گورگه ڕاستهوخۆ پاڵێك به داپیری لیلی دهدات و دهیخاته نێو دۆڵاپێكهوه وهههروهها داپیری لیلی له هۆش خۆی دهچێتهوه. وه گورگهگهش خۆی دهخاته شوێنی داپیری لیلی واته گورگه خۆی دهكاته داپیری لیلی دهڕواته نێو جێگاكهی داپیری, وه چاوهڕێی لیلی دهكات تاوهكو ئهو پلانهی دایناوه جێ بهجێی بكات, لیلی نزیك دهبێتهوه لهلای ماڵی داپیری و له دهرگا دهدات , گورگهكهش دهنگی خۆی دهگوڕێت دهیكاته هاوشێوهی داپیری , دهڵێت ئهوه كێیه؟ منم داپیره لیلیم, گورگهكهش دهڵێت:ناتوانم كچم ههڵستمهوه سهر پێ من زۆر نهخۆشم ئهتوانی لهلای خۆتهوه دهرگاكه بكهیتهوه و بێیته ژوورهوه, لیلیش دهرگاگه دهكاتهوه ,وه دهڕواته ژوورهوه,ئهوهی جێگای نیگهرانیه بۆ لیلی بچكۆله كهماوهیهكی زۆره ڕووخساری داپیری خۆی نهبینیوه. گورگهكهش پێی دهڵێت: بهخێربێت كچه بچكۆلهكهم ئهوه چیه بۆمنت هێناوه, داپیره ئهوه گوڵه, لیلی گوڵهكان دهخاته ناو شووشهیهكی ئاوهوه له شوێنێك دایان دهنێت , بهڵام لیلی بێ ئاگایه لهوهی كه ئهوهی له ناو جێگا پاڵكهوتوه داپیری نیه بهڵكو گورگه فێڵبازهكهیه, لیلی دهڕوات بهرهو لای داپیری و لهتهنیشتیهوه دادهنیشێت, بهڵام لیلی ههست بهشتی زۆر نامۆ دهكات, دهڵێت: داپیره بۆ چاوهكانت زۆر گهوره بوونه, گورگهگهش دهڵێت: كچم ئهوه چاویلكهم له چاوكردوه تاوهكو تۆ بهجوانی ببینم,بهڵام لیلی گومانهكانی بهردهوام دهبێت, دهڵێت:باشه ئهی داپیره بۆ گوێچكهكانت گهورهیه,گورگهكهش بهڕوویهكی فێڵاوی , پێی دهڵێت: تاوهكو به جوانی گوێبیستی قسهخۆشهكانی تۆ بم, تاوهكو دههات لیلی ههستی بهگومانی زیاتر لهسهر شێوهی داپیری دهكرد, بۆیهگورگهكه ههستی كرد كه كارهكهی بهرهو ئاشكرابوون دهڕوات بۆیه ڕاستهوخۆ له نێو جێگادا ههڵدهستێتهوه بۆ ئهوهی لیلی بخوات بهڵام لیلی به دهنگی بهرزهوه هاوار دهكات و , چهند ڕاوچیهك له شوێنهوه نزیكن بۆیه خۆیان دهكهنه ژوورهوه و دوو تهقه له گورگهكه دهكهن و دهیكوژن.
بهڵام لیلی زۆر دهگریا و بهدوای داپیری دهگهڕا لهگهڵ ڕاوچیهكان, بهڵام توانیان بیدۆزنهوه و له نێو دۆڵابهكه دهری بهێنن, بهڵام لیلی زۆر ههستی به شهرمهزاری دهكرد چوونكه ئهو لهنیوهی ڕێگا ئامۆژگاریهكانی دایكی توانی پشت گوێی بخات و بهقسهی گورگه فێڵبازهكه ههڵبخهلهتێنرێت,بۆیه ڕاوچیهكان به لیلیان گوت: بچكۆل گیان جارێكی تر له ئامۆژگاریهكانی دایكت ههرگیز دهرنهچیت, چوونكه ئهوه دایكی تۆیه تۆی زۆر خۆش دهوێت نایهوێت هیچ شتێكت بهسهردا بێت…
كۆتایی... 
