Skip to Content

پێکەنینی ناو گریان.. عەلی حەمەڕەشید بەرزنجی

پێکەنینی ناو گریان.. عەلی حەمەڕەشید بەرزنجی

Closed
by كانونی دووه‌م 5, 2021 General, Kids Literature

منی بچکۆلە ھەر کە ھاتمە ژین
بە گریانی من کەوتنە پێکەنین
فرمێسکی شادی لە ڕووتان باری
بۆ ئێوە بووم بە مایەی بەختیاری
ھەریەک بەجۆرێک وەسفی دەکردم
چی جوانیم ھەبوو بۆ خۆی دەبردم
یاخود ھەرکەس کێی خۆشبوویستایە
دەیوت بەبە گیان وەکو ئەو وایە
ھەر ڕۆژەی جۆرێک خۆم نیشان دەدا
ھەتا دڵخۆشی بە ھەمووان بگا
ڕۆژێک وەک بابە ڕۆژێک دایە گیان
ڕۆژێکیش تەواو وەکو ھەردووکیان
بەڵام ئێستاکە ھەروەکو خۆم وام
نازدار و شیرین جوان و بێ ھاوتام
ھەر سەرنج دەدەن لە دەست و قاچم
بۆ تەنھا ساتێک لەبیرتان ناچم

٢٠٢١/١/١

Previous
Next
Kurdish