Skip to Content

پۆرترێت.. شیعری/ نەوزاد بەندی

پۆرترێت.. شیعری/ نەوزاد بەندی

Closed
by January 31, 2021 General, Poems

تەنانەت
درەختیش بێ موچەیی پێوە دیارە ..
گەڵا وشک و
گەڵا زەرد و
گەڵا چرچ و تۆزاویی ..
تەنانەت
بارانیش بێ موچەیی پێوە دیارە ،
نمە ووشک و
نمە وورد و
نمە کورت و قوڕاویی ..
تەنانەت ،
چۆلەکەیش بێ موچەیی پێوە دیارە ..
بێ جریوە و
بێ هێلانە و
بێ زەڕنەقوتە و
خەماویی ..
تەنانەت پەنجەرەیش
بێ موچەیی پێوە دیارە ..
بێ ڕوناکی و
بێ بریقە و
لێڵ و تاریک و
تەماویی ..

بەڵام گرنگ نیە سەرۆک ..
گرنگ ئەوەیه
تۆ ماوی ..

Previous
Next