Skip to Content

تۆری هاوکاری کۆمەلایەتی پاش تێپەڕبوونی سالێک! زنجیرەی دووهەم.. بەهادین حاجی بەکر دارتاش

تۆری هاوکاری کۆمەلایەتی پاش تێپەڕبوونی سالێک! زنجیرەی دووهەم.. بەهادین حاجی بەکر دارتاش

Closed
by May 3, 2021 General

لە ڕۆژگارێکدا کە ڤایرۆزی کۆرۆنا هەڕەشە لە ژیانی کۆمەڵگای مرۆڤایەتی دەکرد، لە رۆژگارێکدا کە ڕۆژانە گوێبیستی هەزاران قوربانی و سەدان هەزار بەرکەوتە دەبووین، کۆمەلڵێک ئینسان بەدەوری ئامانجێدا کۆبوونەوەو بڕیاریاریاندا بەدوای ژان و ژیانی خەولکانەوەبن کە قوربانی یەکەم و ریزی پێشەوەی ئەم کارەساتە نیودەولەتیەن.

ھەموومان دەزانین کە لەماوەی چەند ڕۆژو هەفتەیەکدا ئاراستەی ژیانی رۆژانەمان بەتەواوی گۆراو مشغلەو بیرکردنەوەو بەرننامەو کارو ژیانمان وەک خۆی نەمایەوە و ناچاربووین بەوەی کە خۆمان لەگەل ئەو دۆخە تازە نەخوازراوەدا بگونجینین.

دەبوو دەست لەکارەکانمان هەلگرین و بروینەوە مالەکانمان و خۆمان و ماڵ و منداڵمان کەرەنتینەکەین و خۆمان بپایزین و ئاگاداری ئەوەبین کەمترین بەرکەوتەمان لەگەل کەسانی دەوروبەرمان هەبیت.
لە جەرگەی ئەم جەنجالە تراژیدیایەی ژیانی ڕۆژانەدا کۆمەڵێک ئینسان سەیان لە پەنجەرەکانی مالی خۆیان دەرهیناو بیریان لە دۆزینەوەی ڕێگەیەک کردەوە بۆ بەھاناوە چونی ئەو خێزانە هەژارو نەدارانەی کە خۆیان پێشتر ڕەنجیان دەبرد لە دەست برسیەتی، بیکاری و نەداری و تەنانەت بێ موچەی و چارەکە موچەو ئیستەش دەبیت دەستوپەنجە لەگەڵ بەڵایەکی تری گیان کێشدا نەرم بکەن کە بەڵای ڤایرۆزی کۆرۆنایە، کە بۆ ئەو بەشە لەخەڵکی ئەم کۆمەلگایە بەڵایەکی یەکجار گەورەو جیاوازو ترسناک بوو لەو رۆژگارە پڕ لە قەیرانەدا.
ئاخەر ئەوان سەرباری یەک بەیەکی ئەو کیشانەی کە باسکران یەکجار سەختە کە ناچار بکرین بەوەی لەماوە بمێنەوەو ریگە لە دەستفرۆشی و حەمالی و خزمەتگوزاری وکریکاری و قەرزوقولەیەک بگرن بۆ دابینکردنی شیری مندالەکانیان.
دروست لەوبارودۆخە دژوارو پر بارەدا ئێمە کۆمەلە کەسانێک کە ژمارەمان لە پەنجەکانی دەست تێپەر نەدەبوو ، ووتمان کاتی هاتووەو ئیستە ئەگەر هیچمان پینەکرێت دەتوانین لەتەنیشت ئەو خەلکە بەشمەینەتەوە هاودلیەکیان بکەین و پێکەوە هەست بە دلنەواوی هیزێکی زیاتر بکەین، بۆئەوەی کە لەڕێگەی هاوپشتی و کاری هەرەوەزیەوە بتوانین هەنگاوێک بنین بۆ بەشداری کردن لەباشترکردنی ژیانی ئەو ژمارەیەی کە لەتواناو سنوری ئیمکاناتی ئێمەدایە بۆ هاودلی نیشاندانێک ئەگەر بە کۆمەکێکی زۆر کەمیش بووە.
هەر لەسەرەتای دەست بەکاربوونەوە دەمانزانی کارەکەمان زۆرسەختە، نەک تەنیا لەبەر ئەوەی کە دەبوو یەک بەیەکی ئێمەش وەک ئەو خەڵکە خۆمان بپارێستایەو لەهەوڵی ئەوەدا بووینایە کە بەرکەوتەمان لەگەل دەوروبەرەکەی خۆماندا نەبووایە، بەلکو لە راستیدا دیوێکی سەختیکە

ئەوەبوو کە ئایدیایەکی زۆرباش و ئینسانیمان هەبوو بەلام لە خالی سفرو لەگیرفانی رۆژانەی بێکاری خۆمانەوە دەستمان پیکرد، سەختە بۆ ئەوەی کە ئێمە ڕوو بە کوردستان کارمان دەکردو بەلام ئەو ڕۆژانە تەنیا یەک کەسیشمان لەگەلدا نەبوو کە لەوێ ھاوکارمان بێت.

بەلام بەتەواوی مانا بروامان بەوە هەبوو ئەم سەختیە لە ئاستانەی مستەحیلدا نیەو دەبێت دەستی بۆ بەرین!
بۆیە لەهەنگاوی یەکەمدا بیرمان لەوە کردەوە کە لەهەولی دابینکردنی بەستەی خواردندابین بۆ ژماریەک لەو خێزانانەی کە پێویستیان بە نانی وشکی ڕۆژانە هەیە، دواتر بیرمان لە دابەشکردنی جلوبەرگ کردەوە پاشان کۆمەلێک کەسان بەرۆکیان پێگرتین کە لەرووی تەندروستیەوە لە دۆخیکی سەخت و پر معاناتدا ژیانیان بەسەر دەبرد .
تا سەرنجام کە ئیستە ئاوریک لەو رۆژانە دەدەینەوە دەبینین توانیمان هاوکاری زیاتر لە دوو هەزار خیزان بکەین بە دابینکردنی بەستەی خواردن، وە زیاتر لە دوو تەن جلوبەرگ بگەیەنینە دەست ئەو کەسانەی کە پێویستیان پیەتی لە کوردستان… تەنانەت لەماوەی ئەم یەک ساڵەدا توانیمان کە زیاتر لە بیست کەس بەهرمەند بکەین لە دەرمان و پێداویستی تەندروستی بۆ ماوی چەند مانگێک، ھەروەھا عەمەلیاتی 7 کەسیش بکەین.

بەلام هەقیقەت ئەوەیە کە بارودۆخی تەندروستی خەلکی کوردستان پێویستی بەوە بوو کە تۆڕەکانی ئێمە لەئاستێکی تردا مامەلەی لەگەل ئەم بابەتەدا بکات و پرۆژەیەکی تایبەت یان تۆریکی تایبەت بە باری تەندروستی خەلکی کوردستان دروست بکات وەک یەکیکی تر لەتۆرەکان .
بۆیە دوابەدوای شەش مانگ کارکردن لەم بوارەدا سەرئەنجام توانرا پاش دیدارو بەسەرکردنەوەی دەیان دکتۆر و پزیشکیار لە کۆنگرەیەکی رۆژنامەگەریدا تۆرەکە راگەیەنین و هاوکات دوو پرۆژە وەک ئەولەویەت بخریتە دەستوورکارەوە کە دروستکردنی تیمێکی گەرۆک و کلینیکیک بوو، کە یەکەمیان تائیستە یەکەمین دەرچوونی سەرکەوتوانەی خۆی ئەنجامداوەو دووهەمیشیان تا ئیستە توانراوە بەبڕی زیاتر لە 250 هەزار ئیورۆ ئامیری تەندروستی بۆ پەیدا بکریت کە لەئیستەدا ئەم ئامیرانە بەریوەن بۆ کوردستان .
بەم بەشێوەیە توانیمان ژمارەی تۆرەکانمان بکەین بە 22 تۆر لە کوردستان و هەندەران کە تائێستە جێگەی پێشوازی و پشگیریەکی بەرفروانن چ لە ئاست ناوخۆی کوردستان و چ لە ئاستی ولاتانی دەرەوە، بەجۆرێک کە سەدان کەس تائێستە لەگەڵ تۆرەکانی ئێمەدا کار دەکەن!
بۆیە بەدەر هەر لاوازی و کەموکوریەک کە تۆری هاوکاری کۆمەلایەتی هەبیت، بەلام ڕادەی بەرەوپیش چوونی ئەم پرۆژەیەو فراوان بوونەوەو بەردەوام بوونی بووتە ئەو ئەمری واقعەی کە دۆست و نەیار دان بوونی ئەم تۆرانەو کاریگەریان لە ئاست کۆمەلگەی کوردستاندا دەنیت.
بۆیە جێگەی خۆیەتی پاش یەک ساڵ کارو هەڵسوران و ماندوبوونی کەسانێک کە بەکردەوە مایەیان لەسەر ئەم پرۆژەیە داناوە، دەکری
پێکەوە شانازی بە کارەکانمانەوە بکەین دلخۆش بین بە پێشەرەویەکانی تائیستەی و لەهەولی فراوان کردنەوەیەکی بەرچاوی ئەم تۆرانەدابین بە رادەیەک ئەوەی کە لە ئیستەدا هەیە وەک ماترلیالیک بکریتە ھەوێنی بەرپاکردنی بزوتنەوەیەکی فراوانی کۆمەلایەتی، کە ئەمە تائێستە بەو خاڵە لاوازە ھەژماردەکرێت کە دەبێت ئێمە تەوای هەول و توانای خۆمان بەدەوری بەگەڕخستنی ئەو بزوتنەوەدا بەگەڕ بخەین و لە ئاست ئەو بەرپرسیاریەتیەدابین، کە ئەو ماتریالەی لە کۆمەلگادایە بە دەخالەت و نەخشەی رۆشن و پلان وتاکتیکی دروست ریکیبخەین و هەول بدەین بۆ بنیادنانی ئەو بزوتنەوەر فراوانەی کە دەتوانێت تەوای تانوپۆی کۆمەڵگا بتەنێتەوە!

دیارە زۆر لایەنیکەی شێوەکارو تاکتیک و میکانیزمی فراوان بوونەوەو ڕاگەیاندن و فۆکۆس کردن لەسەر ئاراستەی کاری کۆمەڵایەتی و بنیادنانی کاری محەل و شوێنی کار وەک بنکەی دروستکردنی تۆڕەکانمان دەگرێتەوە ، کە ھەوڵ دەدەین لە زنجیرەکانی تردا ئاوڕیان لێ بدەینەوە. لێرەدا جێگەی خۆیەتی بانگەوازی ھەموو ئەو دۆست و ھاوڕێ و ئەزیزانە بکەین کەتائێستە چوارچێوەی گشتی کارەکانیان پێباش و پەسەند بووە، پەیوەست بە ئێمەوەو خۆشیان ببنە بەشێک لەو ماتریاڵەی کە دەتوانێت پێکەوە بەھێزی یەکگرتوومان و دەخالەتگەری عەمەلیمان ئەم تروسکەیە بگەشێنینەوەو جوڵانەوەیەکی بەھێز بەدەوری ڕێکخستنی ئەو خەڵکە ھەژارو کەمدەرامەتە بەرپابکەین بۆ پاشترکردنی ژیان و گوزەران و ئایندەیەکی شایستەو ئینسانی بۆیان !
تائێرە ماوەتەوە بە یەک بەیەکی ئەو ھاوڕێ و دۆست و ئەزیزانە بڵێن کە لەماوەی یەک ساڵی ڕابردودا بەھەرجۆرێک و لەھەر ڕێگەیەوە ھاوکارمان بوون دەستەکانتان خوش بێت بە دڵنیای بەبێ ھاوکاری و دەخالەت و دڵسۆزی ئێوە ئەم تۆڕانە نەیاندەتوانی ئەم سیماو جێگەو ڕێگەیان ھەبێت و ھیوادارین کە لە ئایندەدا بەگوڕوتینێکی زیاترەوە ھاوکارو ھاوڕێمان بن، چونکە ئەمڕۆ لە ھەرسەردەمێکی تر زیاتر خەڵکی ستەمدیدەی کوردستان پێویستیان بە ڕێکخستن و ھاوکاری ھاودڵی کردنە، خۆشحاڵین بە بوونتان و سوستان دەکەین!

Previous
Next