Skip to Content

تەنز/ مانگە دەسکردەکان.. ــنەوزاد بەندی

تەنز/ مانگە دەسکردەکان.. ــنەوزاد بەندی

Closed
by August 10, 2021 General

Nawzad Bandy

ئەوەی ئەڵێ کورد خاوەنی مانگی دەسکرد نییە ، سەری دای لە بەرد ..باشە ؟ ..ئاخر بێ ویژدانییەکی گەورەیە داهێنەرانی کورد نائومێد بکەیت و ..وایان لێبکەیت لە داهێنان ساردبنەوە و ڕاهێنانی داهێنان ڕابگرن ..
مانگی سی و پێنج ڕۆژیی ..
مانگی چل ڕۆژیی ..
مانگی پەنجا و تەنانەت شەست ڕۆژیی ..
ئینجا ئەمڕۆ چووم کارتێک بکڕم بۆ هێڵی کۆڕەکەکەم ، کابرای کارتفرۆش ووتی : وەڵا برا ئێستا مانگەکەیان کردووە بە بیست ڕۆژ ..!!
واتا کە پارەکە خۆیان وەریبگرن ، مانگ ئەکەن بە بیست ڕۆژ بۆت ، بەڵام پارەکە فەرمانبەران وەریبگرێ ، مانگ ئەکەن بە چل و پەنجا و شەست ڕۆژ ..
دەی ؟ هێشتا ئەڵێن کورد مانگی دەست کرد دروست ناکا ؟
هەر کەسێ وا ئەڵێ ، سەری دای لە بەرد ..
میللەتێکی سەیرین ، چاومان بە داهێنانی ناوخۆدا هەڵنایەت و ..لە جیاتی پشتگیریی ، وورەی داهێنەرەکانمان ئەڕوخێنن ..
ووتیان ئاسیا سێڵیش هەمان مانگی دەسکردی بیست ڕۆژی داهێناوە ..
ئیتر بۆ پێشەوە ، بژی کورد ..

Previous
Next