Skip to Content

تەرمی خەمەکانم.. شەماڵ بارەوانی

تەرمی خەمەکانم.. شەماڵ بارەوانی

Closed
by ئاب 10, 2021 General, Poems

دێمەوەو

جانتەیەک ماچت بۆدێنم

گوڵی شادی

لە ئینجانەی تەمەن دەڕوێنم

.

دێمەوە

ئەزموونی عەشق یاداشت دەکەم

هەموو عاشقانی وڵات پاداشت دەکەم

.

دێمەوەو

مل لە ڕێدەدەم

بەرگی غوربەت فڕێ دەدەم

.

دێمەوە

تاڵی تەنیایی ئۆغردەکەم

 ئاوی چۆمی نیشتمان فڕدەکەم

.

دێمەوەو

هەموو شتێک لەنیگای تۆوە دەناسم

تەرمی خەمەکانم

لە قەنارەی هەناسەکانت هەڵدەواسم

.

دێمەوەو

مێژووی ناکۆکییەکانمان دەسڕینەوە

خەنده دەکەین بە شوێنگرەوەی ئەسرینەوە

.

دێمەوە

لەخەوی دبڕان هەڵدەستین

نوێژی ئامێز دەبەستین

.

دێمەوەو

میحرابی عیشق

بە نزای ڕۆح تەڕ دەکەین

موناجاتی ئاوێتەبوون لەبەردەکەین

.

دێمەوە

دانووستانی ئەوین خۆشدەکەین

ئاگری ڕق خامۆش دەکەین

دێمەوەو

مۆمی پەیمان له ژوانگەی عەشق هەڵدەکەین

هەموو کێشەکان لەڕێگەی ماچ حەڵدەکەین.

Seen by Shamal Ismael Kareem at 4:12 AM

Previous
Next
Kurdish