Skip to Content

شیعر/ وشکە ساڵی تەمەن.. شەماڵ بارەوانی

شیعر/ وشکە ساڵی تەمەن.. شەماڵ بارەوانی

Closed
by November 9, 2021 General, Poems

لێم گەڕێن با جامی خەمەکانم بڕژێت
با شوشەی ئازارەکانم هاڕەبکات و
وردبێت

دەمەوێ چیتر لە حوزن بەتاڵ ببمەوەو
بڕۆمەوە سەر ڕەنگی جارانم

دووبارە وەرزی بەهار بپۆشم و
وشکە ساڵی تەمەنم دابڕزێت

تەنیایی یەقەی وشەکانم بەربدات و
ئاوەدانی لەدەفتەری ڕۆحم بڕوێت

لێم گەڕێن با یەئسەکانم پەرت بن و
چاوەڕوانی لەناو کتێبی خەونەکانم بمرێت

لێم گەڕێن با بڕۆمەوە وەرزی بەختەوەری و
شیعرەکانم بۆنی بەرائەتی منداڵی و
ڕەنگی ئاویان لێ بڕوێت

وەکو جاران لێوی دێڕەکانم
هێشووی خەندە بگرن
و
تەلاری بێ تاقەتیم بڕمێت

..
شەماڵ بارەوانی

Previous
Next