Skip to Content

شەوی کۆتایی.. شيعر: اردلان سرفراز/ وەرگێڕانی: پشکۆ ناکام

شەوی کۆتایی.. شيعر: اردلان سرفراز/ وەرگێڕانی: پشکۆ ناکام

Closed
by November 21, 2021 General, Poems


” شب آخر “

بێ دەنگیتم نەزانی

سەیرکردنم تێنەگەیشتی

من هیچم نەووت

   و

تۆش هەرگیز نەتپرسی

شەوێک کە ژەمی کۆتایی

خەنجەری  دەستی دۆست بوو

لە نێوان عەشق و ئاوێنەیا

چ جەنگێکی نا بەرابەر بوو

چ چیرۆکێکی بێ مانا بوو

چ سەرەتا و چ کۆتایی

نەمانزانی و کەوتینە عەشقەوە

بێ پرسیار پەیوەست بووین پێیەوە

بەڵام هەرگیز تێنەگەیشتین

ڕاو نراوی سێبەرەکانین

سەفەر لەگەڵتا چەن جوان بوو

وەک جوانی دونیا بینین بوو

ڕۆشتین و نەمان بینی

هەزاران سێبەرمان لەگەڵ بوو

بێ دەنگیتم نەزانی

سەیرکردنم تێنەگەیشتی

من هیچم نەووت

   و

تۆش هەرگیز نەتپرسی   

لەو هەرا و بگرە” جەنجاڵ” ی  گومان

لەو داخرانەی بێ ئومێد

لەو ساتەی کە باغی عەشق

بە دەستی ” با ” هەڵوەری بوو

لەو ساتەی هەزاران ساڵ

بەرامبەر بە یەک ” لەحزە” بوو

دەستپێکی شەوی تەنهایی

شەوی کۆتایی” باوەڕ ” بوو

بێ دەنگیتم نەزانی

سەیرکردنم تێ نەگەیشتی

من هیچم نەووت

   و

تۆش هەرگیز نەتپرسی

Previous
Next