Skip to Content

چەند کۆپلە شیعرێکی خاتوو موژگان کاووسی

چەند کۆپلە شیعرێکی خاتوو موژگان کاووسی

Closed
by كانونی دووه‌م 18, 2022 General, Poems

‌‌لەگەڵتم
لەو کاتەوە کە پەپوولەی دڵم فڕی
لەگەڵتم
هەتا فڕینی دوایین هەناسەم
دێمەوە و
پێکەوە ڕێگای ڕووناکی دەپێوین
دێمەوە
من ئاشق ترین ڕێبوارم ئەگەر تۆ هاوڕێم بی.

ئاو
ئاو
ئاو
لافاو

هێرشی ئاو
ئاوی خنکاند
منم لافاو

لەهوار
هات
برد
تن
من

بە سۆرانی و لەکی

دار سێیز بی
دوماتر
ڕەسن چییە سەرێ

کاشکا دار
سەرنەگرتا..

هەتاو
هەتاهەتایە
هەر تاوە
تاو
تۆ

سووتام

خۆزگە تاوت
هەتاهەتایی بووایا ..

موژگان کاووسی
خەزەڵوەری ۱۴۰۰ی هەتاوی
بەندیخانەی کەچوویی کەرەج .

——————————
*موژگان کاووسی زمانناس و مامۆستای زمانی کوردی، لە کوردە لەکەکانی ناوچەی کەلاردەشتی باکووری ئێرانە، لەسەر گوتنەوەی وانەکانی زمانی کوردی بۆ ماوەی سێ ساڵ خرایە زیندان و لەو رۆژانەدا ئازاد بوو…

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish