Skip to Content

سێ … یوسف عەبدوڵڵا

سێ … یوسف عەبدوڵڵا

Closed
by ئایار 30, 2017 General, Poems

لە ٣ چرکەدا
ئەو خەیاڵەم پچڕا..
کەچی
هێشتا هەر چاوم لەسەر هەمان جێگەیە و خەیاڵم لە
٣٠ شوێن!

پاش ٣ خولەک
ئەو رێگایەم جێهێشت..
تائێشتاش نەگەشتومەتە کۆتایی و
بە ٣٠٠ هەنگاوی تر ئەوێ تێناپەڕێنم!

دوای ٣ کاتژمێر
ئاسمانەکە شینایی لێبڕا..
وەلێ
لەچاوی مندا
٣٠٠٠ تەبەقەو شین دەکاتەوە!

دوای ٣ هەفتە
بەفرەکە توایەوە..
بەڵام
لەسەری مندا
٣٠٠٠٠ تاڵی سپییەو ئەڵێی ئەمڕۆ باریوە!

دوای ٣ مانگ
درەختەکە گەڵای پێوەنەما..
کەچی
٣٠٠٠٠٠پەلی بە قەدی منەوە سەوزدەکەنەوە!

٣ ساڵ لەمەوبەر
روبارەکە وشکی کرد..
هێشتا
لەکەناری منا
بە ٣٠٠٠٠٠٠شەپۆلەوە هاژەی دێت!

بە ٣ شنە باوە
ڕۆیی دوکەڵەکە..
تا ئێستاش
٣٠٠٠٠٠٠٠ حەسرەتی لەسینەمدا دێن و دەچن!

تەنیا ٣ دڵۆپی بارانەکە
لەسەر رومەتم ماوە..
بەڵام
٣٠٠٠٠٠٠٠٠ فرمێسکی لەچاوانما خورەیان دێت!

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish