کتێبی “كەمێك ڕووناكییەكە زیاد بكە شادییە دوورەكان بێگانەن”.. نووسینی: تەیب قادر

کتێبی “كەمێك ڕووناكییەكە زیاد بكە شادییە دوورەكان بێگانەن”، بەرهەمی چوار ساڵ ئیشكردنی نووسەر و شاعیر تەیب قادرە، وەك شاعیر دەڵێت: لەو دیوانەدا جارێكی تر بە تێڕوانینی جیا لە مرۆڤم ڕوانیوە، كە مرۆڤ لەگەڵ مردن یان لەگەڵ ژیاندا لەگەڵ هەموو ئەو كەرەستانەی دەوروبەری، چۆن مامەڵە دەكات.

تەیب قادر لە لێدوانێكیدا ئاماژەی بەوە دا، ئەم دیوانە ئەزموونێكی جیاواز و جۆرێكی تر لە بیركردنەوەی منە، ئەو بیرۆكانەم هێناوەتە ئارا كە مرۆڤ لە كوێ بوونی خۆی لەبیر دەكات و لە كوێ هەوڵ بۆ بوونی خۆی دەدات. ئەم كتێبە هەم پرسیار دەكات و هەم هەوڵ دەدات شیكار بۆ پرسیار و ماناكانی تر بكات. گەڕانێكە بەناو شوێنە تاریكەكان و شوێنە ڕووناكەكانی گەردوون كە مرۆڤ لەو بەینەدا لە ململانێیە.

ئەم كتێبە دووەم كتێبی بڵاوكراوەی ناوەندی تەم بۆ نووسینی كوردییە، بە هاوبەشی لەگەڵ دەزگای ڕۆسا چاپ و بڵاو دەكرێتەوە. كتێبەكە ٤٦٩ لاپەڕەیە بە قەبارەی ٢١ بە ١٤ كە چوارەم كتێبی شیعری تەیب قادرە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.