ئەو هەڵانەی دەبێتە رێگر لەبەردەم هیواکانت.. سامان خضر محمد
خەونەکان یاخود هیواکان زۆرن و هەریەکێک لە ئێمە بەدوای کۆمەڵێک ئامانج و هیواوەیە و دەیەوێت لە ماوەی ژیانیدا بەدەستی بێنێت یان بیهێنێتە دی، چونکە ژیان و هیوا دوو پەیوەندی بەهێز لەنێوانیاندا هەیە، چونکە کاتێک هیوا نەما ژیان هیچ نرخێکی نامێنێت لە ژیان ئەو کەسەدا، خودی ژیان بەو شێوەیە بەردەوام پێویستمان بە هیوا هەیە ئامانج هەیە تا هەوڵیان بۆ بدەین و لەهەمانکاتدا وامان لێدەکات ژیانمان خۆشبوێت و چێژی لێببینین.
هەندێک کات خەونێک یاخود هیواکانمان شکست دەهێنن و بەدی نایەت، بەڵام ئەمە مانای کۆتایهاتنی ژیان یان ڕاوەستانی نییە، دەتوانیت هەندێک ڕێنمایی یاخود ڕەفتار پەیڕەوبکەیت بۆ ئەوەی هیواکانت بێ بەربەست بەدیبهێنیت و هەوڵی بۆ بدەیت.
بێگومان یەکێک لە هەڵەکان ئەوەیە کە زۆر بە گڕوتینەوە هەوڵ بۆ هیواکانت دەدەیت، بە جۆرێک هەندێک کات هیواکانت دەچێتە باری خەیاڵەوە بەتایبەت لای گەنجان، واتە خەون بە شتێکەوە دەبینیت کە مەحاڵە، ئەمەش باش نیەو زیانی زۆری هەیە دواتر تووشی خەمۆکی و بێزاریت دەکات لە ژیان و هیواکانت پێویستە سنوورێک بۆ هیوا و خەونەکانت دابنێیت.
کاسانێک هەن بەردەوام دەترسن لەوەی شکست بێنن لەسەرەتاوە، بەهەمان شێوە کارێکی هەڵەیە، چونکە ترس کاریگەری خراپی هەیە لەسەر بەدیهێنانی ئامانج و خەونەکانت.
کاتێک شکست دەهێنیت، ئاسایی وەریبگرە، چونکە شکست گەورەترین تاقیکردنەوەیە لە ژیاندا بۆ ئەوەی دواتر گەورەترین و باشترین سەرکەوتن بەدەستبهێنیت.
هەرگیز مەترسە لە قسەکردن و ڕەخنەکانی کۆمەڵگا، ئەگەر شکست بهێنیت.
ترس خۆی لە خۆیدا هۆکارێکە بۆ نەمانی متمانە بەتواناکانت، بەهێزی تۆ لەناودەبات بەرامبەر بە ئامانجەکانت و ڕووبەڕووبوونەوەی ڕاستیەکان، هەوڵبدە ئازابە و بەهێزبە بزانە چۆن یەکەم هەنگاو دەنێیت و دور بە لەو هۆکارە خراپانەی ،کەوا بێ ئومێدت دەکات لەگەیشتن ئامانج و هیواکانت لەژیاندا.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
