Skip to Content

Friday, October 31st, 2025
مەلەفی دەنگەکان سەبارەت بە ئەنفال.. ساڵی ٢٠٠٧

مەلەفی دەنگەکان سەبارەت بە ئەنفال.. ساڵی ٢٠٠٧

Closed
by نیسان 14, 2024 General, Genocide, Opinion

لینکی مەلەفەکە لە ئەرشیڤی دەنگەکان..

حه‌مه‌ فه‌ریق حه‌سه‌ن :
‌ماده‌م باس له‌ داهێنانه‌، له‌دنیای ئه‌مڕۆی جیهانگیرییدا هونه‌رو ئه‌ده‌ب ((کاڵا))ن. ئه‌گه‌ر نه‌بنه‌ کاڵا، کورت و دروست مانای وایه‌ ((بێبه‌هان)) له‌ کوردستان، وه‌ک چۆن به‌فێڵێک ڕۆژنامه‌و ڕووناکبیریی له‌ده‌سته‌ڵات پووچکراون.
شه‌ماڵ عادل سه‌لیم :
 ئه‌نفال ئه‌وکرده‌جینۆسایده‌ بوو که‌ هه‌موو ڕه‌نگه‌ بنه‌ڕه‌تیوسه‌ره‌کییه‌کان   ( زه‌رد ، سوور، شین ) ،ڕه‌نگه‌ قه‌شه‌نگ و بریسکه‌داره‌کانی له‌گه‌ڵ خۆی لوول داو ڕاپێچی ژێرلم و کلووبی شه‌وانی میسریعه‌ره‌بی و   ئه‌شکه‌نجه‌خانه‌کانی  به‌عسی 
فاشی کرد.
نیهاد جامی:
بۆ ئه‌وه‌ى ئه‌و دۆخه‌ ترسناک و هه‌ڕه‌شه‌ ئامێزه‌ بگۆڕین پێویستمان به‌وه‌یه‌ رۆژنامه‌گه‌رى کوردى واز له‌و ستایشکاریه‌ بێنێت و خوێندنه‌وه‌ى ڕه‌خنه‌یى ئه‌نجام بدات ده‌رگا بۆ بۆچونه‌ جیاوازه‌کان ئاوه‌ڵا بکات له‌روانگه‌ى زانیسته‌کانى وه‌کو کۆمه‌ڵناسى کاریگه‌رى ئه‌و رووداوه‌ له‌سه‌ر ئێستاى ئێمه‌ ده‌ست نیشان بکات،..
نیگار نادر:
ئەوە كۆی ئەو زمانە سیاسی و ئایدۆلۆژیه بووە كە كورد بەدرێژایی ئەو نۆزدە ساڵە بۆ ئەنفال دەكاری بردوەو مامەڵەی پێكردوە كەدەكرێ بڵێین زمانێكی كول وكورت بووە بە ورد بینانە بەكارنەهێنراوە..
کاروان کاکه‌ سوور:
گه‌ڕانه‌وه‌ی ئێمه‌ بۆ ناو مێژوو زۆر جار گه‌ڕانه‌وه‌یه‌کی نۆستالۆژییانه‌یه‌، نه‌ک دیسپۆتیکییانه‌. گه‌رانه‌وه‌یه‌که‌ پره‌ له‌ سۆز و میهره‌بانی، بۆیه‌ ناتوانین مێژوویه‌کی جیاواز له‌و مێژووه‌ ره‌سمییه‌ بخوڵقێنین. ئه‌و گه‌رانه‌وه‌یه‌ هه‌ڵگری چاوێکه‌، که‌ هه‌موو رابردوو به‌ پیرۆز ده‌بینێت،..
خه‌لیل کاکه‌یی..
هۆشیاری عه‌بدولعه‌زیز
 پاشماوه‌کانى قوربانى ..
چاوه‌ڕوانى هاتنه‌وه‌ له‌ چاره‌ نووسه‌وه‌ بۆ دوا چاوه‌ڕوانى..؟
محه‌مه‌دى مشیر
یادێکى جه‌رگبڕ و ده‌سه‌ڵاتێکى ساردوسڕ
هەژێن :
 ئێمە ناتوانین ئامانجی ناوەند و کەسانێکی دڵسۆز لەگەڵ ئامانجی پارتێکی سیاسی دا، کە ئەم پرسە وەك تاکتیك و کارتی فشار بۆ سەر دەسەلات بە کار دەبات، هاوتا بکەین..
عه‌لی نارێنی
زمانى ئه‌ده‌ب زمانى باڵاى هه‌ر میلله‌ت ونه‌ته‌وه‌یه‌که‌ به‌ڵام له‌ ئه‌ده‌بى ئێمه‌ى تایبه‌ت به‌ ئه‌نفال ئه‌و زمانه‌ باڵایه‌ دابه‌زیوه‌ته‌ ئاستى دروشمێکى سیاسى وبووه‌ته‌ زمانى ژماره‌و قاره‌مان وکڕوزانه‌وه‌و ..
مه‌جید ساڵح
میدیاى ئێمه‌ جوغزێکى به‌رته‌سکى ناوچه‌یىء ئایدۆلۆژى بۆخۆى ده‌ست نیشانکردوه‌و نایه‌وێت لێى ده‌رچێت. مامه‌ڵه‌کردنى ئه‌وانه‌ى له‌ پشتى ئه‌و میدیانه‌ون، زۆر سه‌ره‌تایىء بێ مه‌نهه‌جیانه‌ په‌یامێک ئاراسته‌ ده‌که‌ن وه‌ک خۆتان ناوتان ناوه‌ ته‌نیا له‌ “مه‌وعزه‌” ونه‌سیحه‌ت ورێنمایى ده‌چێت..
ئاسۆعه‌بدولله‌تیف
ئه‌نفال رۆژنامه‌یه‌کی بێ سه‌رنوسه‌ره‌ ؟!
ئه‌نفال له‌ده‌ستی حیزبدا خه‌ریکه‌ ئه‌گه‌نێ ، تکایه‌ بیده‌نه‌ ده‌ست میدیا!؟
ئه‌حمه‌د معین
ئه‌نفال :
جینۆسایدی دوێنێ وپیلانی ئه‌مڕۆ
 عومه‌ر محه‌مه‌د:
دادگاى باڵاى تاوانه‌کان له‌ سه‌ره‌تاوه‌ باش هاته‌ ناوه‌و دواتر خراپ مامه‌ڵه‌ى کرد، خۆ لایه‌نى قوربانى هه‌رئه‌وه‌ نیه‌ کۆمه‌ڵکوژکراوه‌، کۆمه‌ڵکوژى یه‌کێکه‌ له‌ جۆره‌کانى جینۆساید، دادگاکه‌ ئه‌و ئه‌رکه‌شى له‌سه‌رشانه‌ بریار له‌چاره‌نوسى قوربانیه‌کان بدات…
ئه‌میر قادر :
سه‌ره‌تا ئه‌وه‌ بڵێم ئه‌و فرسه‌تانه‌ی که‌ دێنه‌ ڕێگا بۆ ئه‌وه‌ی قوربانیه‌کان ڕوو به‌ڕوو وه‌ ڕاسته‌وخۆ له‌گه‌ڵ تاوناباراندا ڕووبه‌ڕوو ببنه‌وه‌ له‌به‌رده‌م دادگادا یان تریبۆنێکی عادیلانه‌دا به‌درێژایی مێژوو زۆر دانسقه‌و ده‌گمه‌نن،
که‌مال ڕه‌ئوف:
ئه‌نفال وه‌ک یاده‌وریى تاڵ له‌ ڕابردووماندا
ئه‌نفال وه‌ک ترس له‌ئاینده‌ماندا
مه‌هاباد قه‌ره‌داغی:
کاتاسترۆفی ئه‌نفال ژه‌هره‌وزه‌ی له‌ کارمای مرۆڤی کورد دا چاند
عومه‌ر جه‌لال:
کوا رووفاتى ئه‌نفالى ناوچه‌کانى دى؟
بۆ ئه‌وه‌ى ئه‌نفال وه‌ک جینۆساید بناسرێت و ببێته‌ شوناسێک بۆ بوونى کورد،ئه‌وه‌ گه‌وره‌ترین کاره‌ساته‌ تا هه‌نووکه‌ حیزبی کوردى نه‌یتوانیووه‌ وه‌ک رێکخراوى چاک و چه‌ند رێکخراوێکى دى ئازاد و ئاکتیڤ بێت له‌ ناساندن و گه‌وره‌کردنه‌وه‌ى چه‌مکى ئه‌نفال،..
خه‌تاب سابیر:
له‌رووی یاسایی و ستانداردی نێوده‌وڵه‌تییه‌وه‌ هێشتا ده‌بێ به‌ که‌مێک چاوقایمییه‌وه‌ ئۆپه‌راسیۆنه‌کانی ئه‌نفال به‌ جینۆساید بناسین یان بناسێنین. ئه‌گه‌ر ورد سه‌رنج بده‌ین، ..
سه‌ردار عه‌زیز :
گومان له‌‌وه‌دا نیه که ئه‌و گۆرانانه‌ی به سه‌ر ناوچه‌ی عێراق و سیاسه‌تی ئه‌مریکا به‌رامبه‌ر به ناوچه‌که‌دا هات بۆیه‌که‌م جار له مێژوودا، تا نووسینی ئه‌م دێرانه قازانجی له زیانی بۆ کورد زیاتربووه…….
ئه‌نفال.. قوبادى جه‌لى زاده‌

منداڵێک له‌ ژێر لمى ( عه‌رعه‌ره‌ ) وه‌ ،
به‌ حاجیه‌کانى گوت :
من مه‌مکى دایکم به‌ ده‌مى ( سه‌گ ) ێکى ره‌شه‌وه‌ بینى !
من مێخه‌کبه‌ندى داپیره‌م به‌ ده‌نووکى ( قه‌ل )ێکه‌وه‌ بینى !
من مه‌تاره‌ى بابه‌ گه‌وره‌م له‌ ملى درێژیى ( حوشتر ) ێکەوە بینى !
هه‌ندرێن
ده‌مه‌وێ بێژم، ده‌بوو مرۆی هوشیاری کورد له‌ ده‌ستپێکدا له‌وه‌ تێگه‌یشتبا که‌  دادگاییه‌کی له‌و جۆره‌ی که‌ خودی ئه‌مریکا وه‌ک نمایشێک له‌و دیمۆکراتیی و ئازادییه‌ی له‌ قوتووکراوی بۆ عێراقی هێنا بوو به‌ڕێوه‌ی برد، …..
شاخه‌وان شۆڕش
سه‌دام له‌ تاوانی گه‌لکوژی ئه‌نفال بێبه‌ری کرا و تاوانه‌کان به‌رامبه‌ر به گه‌لی کورد کۆتاییان نه‌هاتووه‌..  
رێکپۆش عه‌زیز :
 ژنی کورد نه‌ک هه‌ر کێشه‌ی ژنانی ئه‌نفال، به‌ڵکو هیچ  شتێکی نه‌کردووه‌ له‌مه‌ڕ پرسی ژن له‌ کوردستاندا..
دارا مه‌حمود :
به‌داخه‌وه‌ بارودۆخی ناله‌باری عێراق ، که‌وه‌ک پڕمه‌ترسیترین وڵاتی جیهان ده‌ناسرێت، و کێشه‌و گرفته‌ ئاڵۆزه‌کانی وایکردووه‌، دۆزی ئه‌نفال و دادگاییکردنی سه‌رانی ڕژێمی به‌عس که‌مڕه‌نگ بێته‌وه‌و بچێته‌ ڕیزی خواره‌وه‌ی کێشه‌و ڕووداوه‌کان..
شیلان جه‌بار:
تاكو ئێستا زۆرله هونه‌رمه‌ندان هه‌وڵیان داوه به‌كاری هونه‌ری چ هونه‌ری شێوه كاری بێت یاخود هونه‌ری شانۆو مۆسیقا،گوزارشت له كاره‌ساتی ئه‌نفال بكه‌ن ..
حه‌مه‌ كاكه‌ڕه‌ش:
ئێمه‌ ده‌بێت بزانین ئه‌ده‌بێكمان نییه‌ له‌ ده‌ره‌وه‌ی كاریگه‌ری حیزبه‌ سیاسییه‌كان بتوانێت بیربكاته‌وه‌و قسه‌بكات ..
دارا ئارام :
ئه‌گه‌ر ڕه‌نگ و هێڵه‌کان به‌ هێزتر نه‌بێ له‌ ده‌وری وشه‌کان ئه‌وا که‌متر نییه‌ له‌و ده‌ربرینانه‌ی که‌ به‌ وشه‌ بۆ ئه‌نفال ده‌رده‌بڕرێت. چونکه‌ ره‌نگ و هێڵه‌کان زمانێکی جیهانین و مرۆڤ به‌ هه‌موو زمانه‌ جیاوازه‌کانه‌وه‌ ده‌توانن له‌ مانای ئه‌نفال تێبگه‌ن..
سمکۆ ئه‌حمه‌د :
ره‌نگ و فۆرم رێگایه‌کی کورتری هه‌یه‌ له‌ وشه‌کان بۆ گه‌یشتن به‌ زهن و ئه‌قڵ..
جه‌مال مه‌حموود:
ئه‌نفال ئه‌و زامه‌ قووڵه‌یه‌ که‌ تا ئێستاش نه‌ک هه‌ر هه‌وڵی ساڕیژکردنی نه‌دراوه‌ به‌ڵکو خوێ به‌برینیه‌کانیه‌وه‌ ده‌کرێت…
 ئه‌نفال و ره‌هه‌نده‌ سۆسیۆلۆجییه‌کانى
توێژینه‌وه‌یه‌کى تیورى و مه‌یدانییه‌
ئاماده‌کردنى
محه‌مه‌د ره‌ئوف عه‌بدولعه‌زیز

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish
Kurdish
Powered by TranslatePress