گهمه قورسهكه نزیك بۆتهوه ….. 5 …. سهردار جاف
( بهشی پێنجهم و كۆتایی/ ئێراق ) …
ئێراق ئهو وڵاتهی ههموو دونیای تهماعكار چاوی تێبڕیوه، ههر له بلۆكی خۆرئاوا و خورههڵاتهوه تا به ئاسیای دوور و ناوهڕاست دهگات، له ناو به بههاری عارهبیش یهكهم وڵات بوو بهر پهلاماری هاوپهیمانان كهوت و سهرۆكه دیكتاتۆرهكهی بهكۆتا هات و دواتر ژیانیشی ههمان چارهنوسی پێبڕا و له سێداره درا، ئهم وڵاته كهخۆی له خۆیدا كۆكراوه و به پێی نهخشه رێگای رێكهوتننامه نێودهوڵهتییهكانی سهد ساڵی بهری ئێستا دروستبوو نهخشهیهكی نوێشی به ناوچهكه دا، ئێستا ههمان وڵات ئهو رۆڵه دهگێرێتهوهو كێشمهكێش و ململانێیهكه لێرهوه پهره دهسێنێ و ههر یهك له رۆژئاوا و رۆژههڵات ههوڵی سهپاندنی ههژموونی خۆیان به سهر ناوچهكهدا دهدهن، چونكه ئهم وڵاته كلیلی كۆنترۆڵ كردنی خۆرههڵاتی ناوینه، ههروهك چۆن میسر ههمان رۆڵی ههیه و به پهله پرووزێ فریای كهوتن و دهسهڵاتی سیاسی ، سهربازی خۆیان بۆ گهڕاندهوه، به هۆی لێكهوتهیی سنووری ئهم وڵاته به ههردوو وڵاتی توركیا و ئێران و ههندی وڵاتی دیكهی ههستیار له ناوچهكهدا وهك ئوردن و سعودیه، هاوكێشهكه تیایدا ئالۆزه و چهشتنی تهونی جاڵجاڵۆكهیه و یهكلایی كردنهوهی سانا نییه بۆیه كورد و سوننه بوونیان ههبێت یان نا لهم وڵاتهدا ههر دهبێ ههڵبوهشێتهوه.
ئهگهر به وردی دیقهتی ئێراق بدهین له پاش 2003 وه له ناوخۆ وهك وڵات بوونی نهماوه و میلیشیا و گروپی سیاسی ههر یهكه و به مهیلی خۆی دهسهڵات دهباته رێوه كهسیش بریار و فهرمانهكانی حكومهتهكهی بهلاوه نهپهسهنده و نه گرینگه و نهجێبهجێشی دهكات، كهچی وهك فۆرمهلهیهكی یاسایی خودان قهوارهیهكه له ئاستی نێو دهوڵهتی، وڵاتانی زلهێزیش ههموو ئاگاداری ئهم حاڵهتهن و چاوی خویان لی نوقاندووه زۆر زۆر به نهرمی ههنگاوی بۆ دهنێن، كه سوپای ئهمریكا له ئێراق دهركرا، رێكخراوێكی وهك (( داعشیان )له خهڵك و میللهت كرد به زلهیزترین وڵاتی دونیا كه خۆی له راستیشدا وا نهبوو جگه له مهبهستی گهڕانهوهی ئهمریكا و هێزی دهیان وڵات به ناوی مهشقی هێزه ئهمنی و سهربازییهكان، كه ئهمه خوی له خۆیدا ئهو پێگه ستراتیژییهی ئێراق له ناوچهكه به دهردهخات و ناكرێ جێبهێڵدرێت و پشتگوێ بخرێت، ههندێ زلهێزان خهڵكی پێیان وایه ههنگاوی ههڵهی دژی ئهم یان ئهو پیاده كردووه، له راستیدا مهبهست پهرده لادانه له نیاز و مهبهستی وڵاته ههرێمایهتییهكان، لهم سۆنگهیهوه ئێستایش ههمان ئاماژه ههن كه ئێراق یهكهم وڵات دهبێت له رۆژههڵاتی ناوهڕاست ههڵدهوهشێتهوه و دوا به دوای ئهویش وڵاتانی تر دێت ئیدی ههر لایهكی زلهێز به پێی رێكهوتن پشكی خۆی دهبێت له خاك و ئهو وڵاتانهی بۆ ئهو ساغ دهبێتهوه، به پێچهوانهكهیشی سهر ههڵدانی ئهو ئیمپراتۆرییهته ئیسلامییه كه ئێران رابهرایهتی دهكات و سنووریشی بهرهو دهریای سپی و دهریای مردوو و دهریای سوور و خوار یهمهن و بهرهو كوهیت دێتهوه، لهم حاڵهتهیشدا ئهو بیرۆكهیهی بیرمهند هنكتون سهر دهگرێت كه له كۆتاییهكانی سهدهی رابردوو باسی له شهری شارستانیهت كردووه، لێرهدا پرسیارێك زهق دهبێتهوه ئاخۆ روسیا قایله بهوهی ئهو ئیمپراتۆریهته ئیسلامیه به سهركردایهتی كۆماری ئیسلامی ئێران جێگرهوهی ئهو بێت له رۆژههڵاتدا؟ باشترین وهڵام بۆ ئهمهیش رۆژی 23 / 10 / 2017 وهزیری دهرهوهی روسیا وهڵامی وهزیری دهرهوهی ئێراقی دایهوه كه پشت له كوردستان ناكات، و كونسوڵخانهیان داناخات و پهرهیش به بواری ئابووری دهدات له گهڵ ههرێم ، ئهمه له خۆشهویستی چاوی كاڵی كورد و كوردستانیان نییه، بهڵكۆ هاوكێشهیهكی نێودهوڵهتییه و له رێگای توركیایشهوه روسیا دهتوانی گرهوی خۆی بباتهوه و ئهو دوای نهخشهكان پوچهڵ بكاتهوه، ئهوهی كهسێكی راگوزهری ئاساییش بیری لێبكاتهوه ئهوهیه گۆڕانكاری بهڕێوهیه و نزیك بۆتهوه، چونكه گهمه سهربازییهكان بهرهو لێوار دهچن كه ئهمهیش ناكرێ كۆتایی پێ بێت چونكه هێشتان حیساباتی سیاسی یهكلا نهبۆتهوه . كهواته با ههموو له چاوهنواڕی گۆڕانكاری ناوچهكهدا بین رهنگه ئهو گۆڕانكارییه بۆ سهد ساڵ درێژه بكێشێت یانیش زیاتر كه ئێمه نایبینین. رۆژگاری ئاینده شتێكمان پێ دهڵێ .
