Skip to Content

شیبوونه‌وه‌ … ستار ئه‌حمه‌د

شیبوونه‌وه‌ … ستار ئه‌حمه‌د

Closed
by ئایار 5, 2018 General, Poems

ورشه‌ی گڕێكی ئه‌سكڵی دڵ بووم
به‌ر ژیله‌ی لوتكه‌ی هه‌ستی تۆ كه‌وتم
گه‌رمی هه‌ناوم هاته‌ خواره‌وه‌
له‌سه‌ر به‌رۆكی ئه‌وینت خه‌وتم
…………………….
تۆ توایته‌وه‌و بوویته‌ قومێك ئاو
من خۆڵه‌مێشی كوانووی نه‌دارێ
نه‌تۆ سه‌رابی ناخمت دامركان
نه‌منیش بوومه‌ ژوانگه‌ی یارێ
……………………….
له‌گه‌ڵ زستانا تیله‌ت كوێر ده‌بێ
گوڵێك لاسكی پێت ناشواته‌وه‌
چاوه‌ڕێی كه‌سكیی به‌هارێك ده‌كه‌ی
په‌ڕه‌ی عه‌شقێكت بۆ هه‌ڵداته‌وه‌
…………………..
ساڵ ده‌ڕواو ته‌مه‌ن ئاوه‌ژوو ده‌بێ
سات چركه‌ی خۆزگه‌ت ده‌سڕێته‌وه‌
له‌خه‌ونی ئاڵا چاوان لێك ده‌نێنی
زامێك له‌زه‌مین بۆت ده‌كرێته‌وه‌
…………………………..
كه‌م كه‌م ورد ده‌بیت له‌گه‌رووی خاكا
ئێسك و پروسكت شی ده‌بێته‌وه‌
نه‌گوڵێك رۆژێك دێته‌ سه‌ردانت
نه‌مه‌لێك به‌سته‌ت بۆ ده‌ڵێته‌وه‌

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish