Skip to Content

76 Views

پرسیاره‌كانی نائومێدی! … وریا مه‌عروف

پرسیاره‌كانی نائومێدی! … وریا مه‌عروف

Be First!
by May 20, 2019 General
image_print

ئه‌و نائومێدیه‌ قووڵه‌ی ئێمه‌ تیایدا خه‌ریكه‌ غه‌رق بین له‌ كوێیوه‌ هات! بۆچی ناتوانین لێی ده‌ربازبین؟ و تا بینه‌ قاقامان له‌ ژان و ئازاری هه‌ڵكێشاوین، ژیانی لێ كردووینه‌ته‌ زبڵدان، مرۆڤ بوونه‌وه‌رێكی بیركه‌ره‌و و داهێنه‌ره له‌ هه‌ره‌ تایبه‌تمه‌ندیه‌ گرنگیه‌كانی مرۆڤ ئه‌وه‌یه‌ كه‌ نابێ بخاپێندرێت، به‌ڵكو ده‌كرێت ڕێنیشانده‌ر بێت و په‌ی چاكه‌ و ڕاستی ببات و ڕێگاكانی بدۆزێته‌وه‌، ئه‌ی بۆچی تاكی ئێمه‌ كوێرانه‌ خۆی ده‌خاته‌ ته‌ڵه‌ی ته‌ڵه‌كه‌بازانه‌وه‌؟ ئه‌و چاوچنۆكی و جوانی و باشی ئارامی كردنه‌ قوربانیه‌ له‌پێناو چی؟ مه‌گه‌ر ئامانجی ژیان چیه‌؟!
خواستی مرۆڤ له‌ چوارچێوه‌ ئینسانیه‌كه‌یدا چیه‌؟ جه‌وهه‌ری ژیان چیه‌؟ كێن ئه‌وانه‌ی ده‌خاپێندرێن؟ بۆچی سه‌ره‌ڕای بوونی هه‌ست و درككردن به‌ خراپیه‌كان و تێپه‌ڕبوونی ئینسانی كورد به‌ ده‌یان ئه‌زموونی هاوشێوه‌ كه‌چی ده‌كه‌وێته‌ هه‌مان ته‌ڵه‌وه‌؟ بۆچی فێڵ و ته‌ڵه‌كه‌ و خاپاندن بووه‌ته‌ موده‌ و ڕۆژ به‌ڕۆژ ڕاستی و جوانیه‌كان ده‌كوژن ده‌یگشتێنن!.
بۆچی ڕۆژ به‌ڕۆژ چاولێكه‌رانی ئینسانه‌ خراپه‌كانی ئێمه‌ ڕوو له‌زیادبوون ده‌كه‌ن؟ بۆچی گه‌ر خراپه‌كار نه‌بیت هه‌ست به‌ كه‌می ده‌كه‌یت؟ بۆچی گه‌ر ته‌ڵه‌كه ‌و فێڵ نه‌كه‌یت ئه‌وانیتر به‌كه‌مت ده‌زانن و گۆشه‌گیر ده‌كرێی؟ بۆچی مرۆڤه‌ باشه‌كانی كۆمه‌ڵگای ئێمه‌ په‌راوێز ده‌خرێن؟ بۆچی جوانی و باشی شه‌رمه‌زار ده‌كرێ؟ ئه‌ی باشی و چاكی له‌ كوێوه‌ بێت؟ ئه‌ی جوانی له‌ كوێوه‌ بێت؟ ئارامی له‌كوێوه‌ بێت؟ بۆچی بیركردنه‌وه‌كانمان ده‌مانباته‌ سه‌ر رێگاكانی یه‌هودا و ریش سپی و پیاو ماقوڵانی دۆزه‌خ…
ئێمه‌ له‌چی ده‌گه‌ڕێین به‌دوای چیدا وێڵین؟ چ ڕێگایه‌كی تر ماوه‌ تاقی‌بكه‌ینه‌وه‌؟ له‌ چه‌قی زبڵخانه‌یه‌كداین و زیاتر ڕۆ ده‌چین، به‌كوێ ده‌گه‌ین؟ به‌ره‌و كوێ هه‌نگاومان هه‌ڵگرتووه‌ بۆ كه‌وتووینه‌ته‌ سه‌ر ئه‌م ڕێگایانه‌ كه‌ ڕێگای ئینسان نین!
ئه‌م كێبه‌ركێی كوشتنی جوانی و چاوچنۆكیه‌ به‌كوێمان ده‌گه‌ینێ؟ به‌ته‌ماین كه‌ی بگه‌ڕێینه‌وه‌ سه‌ر ئه‌سڵی خۆمان؟ كه‌ی پرسیار له‌خۆمان ده‌كه‌ین ئه‌م هه‌موو ژانه‌ ئه‌م هه‌موو ئازاره‌ ئه‌و نائارامیه‌ی به‌هیچ شتێك ئارام نابێته‌وه‌ له‌كوێوه‌ سه‌رچاوه‌ی گرتووه‌؟

Previous
Next

Leave a Reply