Skip to Content

56 Views

ھاتووم بە گوێتدا بچرپێنم … یوسف ابراھیم

ھاتووم بە گوێتدا بچرپێنم … یوسف ابراھیم

Be First!
by July 24, 2019 General, Poems
image_print

ھاتووم بتبینم
پەیڤی جوان
لە نیگایەکت بچنم
و بیرفێنم بۆ دێرەکانم
وەک ھەنگاوەکانتـ
ڕیز کەم و
لە پاڵتەوە
بەوریایی بەگوێتدا بچرپێنم
و بتھۆنمەوە
ھاتووم نیگارکێشێکم پێ بناسێنی
بەدیارتەوە دانیشێ
لە خۆرھەڵات تا خۆرئاوا
بتوانێ تابلۆێەک بنەخشێنێ
دەرحەق بە جوانی تۆ بێ
ھاتووم شاعيرێکم بۆ بدوێنی
بە وشەکانی بتوانێ
بە دیوانێکیش بێ
وێنای جوانی تۆ
بە گوێی گوێگرا بچرپێنێ
رێبوارێکم بۆ بدۆزیەوە
بەدەوری زەوی
وڵات وڵات سورابێتەوە
تۆی پیشان بدەم
سەرسام ڕا دەمێنێ
ھەروەک تازە ئەوەی بینیبێ
کە بەدوای دەسورایەوە
ھاتووم پێت بڵێم
بەزمانێکی بازاڕی بنووسم
وشەکانم لەنگیش بێت
باسی تۆ بکەم
جوانترین شیعر دەبێت

یوسف ابراھیم

Previous
Next

Leave a Reply