Skip to Content

91 Views

بەرەبەیانی بەهار … شیعر : محمد علی اصفهانی … و: پشکۆ ناکام

بەرەبەیانی بەهار … شیعر : محمد علی اصفهانی … و: پشکۆ ناکام

Be First!
by September 13, 2019 General, Poems
image_print

شیعر : محمد علی اصفهانی
ئاواز : محمد شمس
گۆرانی : داریوش اقبالی
“”””””””””””’

هەوری باراناوی ،
باران ببارێنە..باران
لە بەهارا وەرەوە
ئەی خوڕە خوڕی باران
بۆ جەستەی دەریا
ڕووباری عەشق ڕزگار کە
لە دڵی بیابانا هەڵقوڵە
ئەی کانیاوی ڕوون
درز بخە خاکەوە
تا باغ و و سەوزایی بەرپا بێ
جرۆ بکرێتەوە
و
گوڵ سەر دەرهێنێ

شەماڵ بەدەم ڕێگەوە
عەتری سبەی بێنێ
ڕۆژهەڵات ، باڵندە
لەخەو ڕامانچڵەکێنێ
بانگخواز، دەنگ بەرزکاتەوە
تا خەڵک بکەوێتە خۆی ، بجوڵێ
ناوی خودا بێنە
تا ” دێو” هەڵبێ..وون بێ
شایەتی بە
بیسەلمێنە
پشتیوان بە
بڵێ : ئەمە..ئەم و ئەو
هەر چیت ئەوێ بڵێ
بڵێ : شەو ڕۆشت
و
هێڵی جیاکردنەوەی دوێنێ
لە ئەمڕۆ لە ئارایە
بە خەبەر بوون و چاوکراوەیی
كە ئەڕوانێتە سبەی
لە شاخەکان ، ڕووناکی
ڕوو لە بەرزییە

پشتیوان بە…پشتیوان بە
لە خۆمانەوە تا خۆمان بە ڕێ کە

بمبارێنە..بمبارێنە
هەور منم…
بمڕوێنە..بمڕوێنە
بەهار منم…
رەوانەی دەریام کە
ڕووباری شیرین و پاک منم
لە بیابانا هەڵمقوڵێنە
كانیاوی تەقیو منم
خاکم … درز ئەبەم..هێنانە کایەی باغم
شەماڵم..گوڵ ئەگرم
عەتری سبەیم
باڵندە : خودی خۆمم
فڕین لە منەوەیە
پاکیی خاوەن بوونی خۆمم
ناوی خودا بێنە
كۆڵە پشتم پێ یە
وورەی ڕێ بڕینم هەیە
……….ئەیسەلمێنم

“””””””””””””’
وەرگێڕانی:
پشکۆ ناکام

Sept/2019

Previous
Next

Leave a Reply