Skip to Content

نیشتمان … سەلام عومەر

نیشتمان … سەلام عومەر

Closed
by December 27, 2019 General, Poems

لە مەملەکەتەکەی مندا
بەرزی و نزمی زۆری تیایە
هەم چیای هەزار بەهەزار دەبینی و
هەم بیابانی وشکوبرنگیش
هەم دەفەری ئارام و
هەم تخوبی پڕ لە جەنگیش
٭٭٭
لە مەملەکەتەکەی مندا
زەویەکانی…..
هەندێ بەراو
زۆرینەشیان دێمەکارن
مرۆی زۆر هەن
خۆ هەندێکیان سوروسپی
ئەوانی تریان بێکارن،
کارەکەری مۆدێرن هەن
ئاغاو کوێخای نوێش دەبینی
کۆیلەش هەیەو
سیمای بێتاموخوێش دەبینی.
٭٭٭
لە مەملەکەتەکەی مندا
بەرزی و نزمی زۆری تیایە
وەکو مەڕۆکەو بزنۆکە
هەم گوانی پڕ لە شیرەو
هەم دیوەخانیش پڕ گیایە.

Previous
Next