خۆشم دەوێت … تەحسین ئیسماعیل

ئەوەی تا ئێستا
لەهزرم چەکەرەی کردوە
وەک خۆی ماوە
جوانترین دیاری
لە قاموسی
عەشق و دڵداری
خۆشترین ئاوازی
ووشەی سەرلێوت
کاتی دوبارەت دەکردەوە
دەتووت
خۆشم دەوێت
بەردەوام لە گوێچکەم
وەک سەمفۆنیا
دەزرنگێتەوە
ئەشک و فرمێسکم
نهێنیەکانم
ئاشکرا دەکەن
هەواڵم بروسکە ئاسا
بۆ ئەم و ئەو دەبەن
خەیاڵ نەکەی
بڵێی دووری
تۆی لەبیر بردومەوە
دووری تۆ و ناڵەی خەم
ڕەشەبای غوربەت
گڕی لەدڵ هەڵکردوە
هەر بە خۆم ئومێد دەدەم
بەمانی دڵ تاکو ماوە
بەڵێن دەدەم
ووشەی…..
خۆشم دەوێت
دەتبەسەرەو بەندکراوە
لە ناو دڵم
هەرگیز تا مردن ئازاد نەکەم
٭٭٭٭٭٭٭
تەحسین ئیسماعیل

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.