Skip to Content

بوونەوەرێکی سەمەرە*! .. هەورامان عەلی

بوونەوەرێکی سەمەرە*! .. هەورامان عەلی

Closed
by تشرینی دووه‌م 24, 2020 General

  • ئاساییە بەلایەوە شکەنجە بدرێت، زیندانی بکرێت، ڕۆژانە کەرامەتی بشکێنرێت لەلایەن موسوڵمانە سەرکوتکەرەکانەوە، بەڵام ڕازی نابێت بە وشەیەکیش ڕخنەیەکی ڕاسگۆیانە لە ئاینەکەی بگیرێت!
  • ئاساییە بەلایەوە ژنێکی بەتەمەن بڕفێندرێت و لە ژێر گوشار و هەڕەشەدا موسوڵمان بکرێت، بەڵام ڕازی نابێت ، کەسێك ئازادانە واز لە ئاینەکەی بهێنێت و فتوای کوشتنی دەدات!
  • ئاساییە “سیسی ” بڵێت ئیسلام لە قەیراندایە، بەڵام ڕازی نابێت ” ماکرۆن” وا بڵێت!
  • ئاساییە بەلایەوە ڕۆژانە دژی ئاینەکانی تر جنێو بدات، دژایەتی و سوکایەتی بە لایەنگرانیان بکات، کەچی شێتگیر دەبێت گەر کەسێك ڕخنەیەکی بابەتی لە ئاینەکەی بگرێت!
  • ئاساییە دەستدرێژی بکاتە سەر ئافرەتانی ئەوانی تر ، بەڵام ژنەکانی خۆیی بە ناموسی خۆی و خێزانەکەی دەزانیت!
  • لە زەلکاوی دوای دواوەی مرۆڤایەتیدا دەژی ، کەچی پێیوایە لەهەموان بەرزترە و باشترین نەوەی سەرزەمینە!
  • خوازیاری جێبەجێکردنی شەریعەتە، شعر و شانامە بەسەر لێبوردەیی و دادوەریەکەیدا هەڵدەدات، کەچی لەو وڵاتانە هەڵدێ کە شەریعەتی تێدا جێبەجێ دەکرێت!
  • خوازیارە ئیسلام تاکە ئاینی فەرمی دەوڵەت بێت ، کەچی لە دەوڵەتانی سۆماڵ، ئەفگانستان و پاکستان کە ئەم خواستەی جێبەجێ دەکەن ، بێزارە!
  • واخۆی نیشاندەدات کە لەسەر چەوسانەوەی ئاینی لە وڵاتەکەی خۆیدا هەڵهاتووە، کەچی سوکایەتی و جنێو بە ئاینی ئەو وڵاتە دەدات کە پەنایداوە و نان و ئازادی بۆ فەراهەم کردووە!
  • واخۆی نیشاندەدات کە ڕێبوارێکی ڕێگەی ئازادیە، بەڵام کە ئازادی بۆ فەراهەمکراوە ، هەوڵدەدات ئەو ژینگەیە وێرانکات!
  • بە چاوێکی سوك تەماشایی وڵاتانی خۆرئاوا دەکات، بەڵام ئامادەیە لە بەلەمە قاچاغەکاندا ڕێگەی هاتوو نەهات بگرێتەبەر و لە دەریادا بخنکێت، بەشکم بگاتە ئەو وڵاتانە!
  • خوازیاری بایکۆدی کاڵای خۆرئاوایەکانە ، کەچی هەموو بەرهەمەکانی ئەوان، لە ژیانی ڕۆژانەیدا بەکار دەهێنێت!
  • پێی شەرم نیە وڵاتەکەی لە لایەن موسوڵمانانەوە داگیر بکرێت، بەڵام توشی هێستریا دەبێت گەر داگیرکارەکە خۆرئاوایی بوو!
  • جەنگ و هەڵمەتی خاچ پەرستەکان سەرکۆنە و شەرمەزار دەکات، بەڵام شانازی بە “غەزا ” و ” فتوحات”ەوە دەکات!
  • پێیوایە تیرۆریستەکان نوێنەرایەتی ئیسلام ناکەن ، هاوکات شانازی بە کار و کردەوە دڕندانەکانیانەوە دەکات!
  • دەزانێ و دەبینێ کە زۆرترین گێچەڵی سێکسی و دەستدرێژی خێزانی ، زۆرترین بینەرانی فلیمە پۆڕنەکان لە وڵاتانی ئیسلامیدایە ، کەچی دەوێت دنیا باوەڕکات وڵاتانی ئیسلامی پاکترین سەرزەمینە کە مرڤ دەبێت لێیەوە فێری ڕەوشت بێت!
  • ئاساییە بەلایەوە ژن بکرێتە کۆیلە و کەنیزە، لە جەنگدا وەك مەڕوماڵات تاڵان و لاقە بکرێت، بەڵام نابێت تەوقە لەگەڵ ئامۆزاکەی خۆیدا بکات، ئاخر تەوقەکردن لەگەڵ ژندا حەرامە!
  • دەڵێت ئاینەکەی فێری بەزەیی و جوانترین ڕەوشتی کردووە، کەچی بۆ بەرگری لەو ئاینەی ،مرۆڤ سەردەبڕێت، بەکاڵی جگەرەکەی دەخوات و گەر بۆشی نەلوا بە ناشیرینترین شێوە جنێو بارانیان دەکات.
  • دەڵێت ئاینەکەم ئاینی ئاشتیە ، کەچی شانازی بە پەلاماردا، کوشتن، ڕفاندن ، تاڵانی ، لاقەکردن و کۆیلەکردنی مرۆڤ بە زەبری شمشێرەوە دەکات و خەو بە “فەتح”ی ڤاتیکانەوە دەبینێت!
  • بە کوشتاری مرۆڤ دەڵێت “جیهاد”. بە کۆیلە و کەنزەکردنی ژن و مناڵی خەڵکی دەڵێت “غەنیمە” . بە داگیرکردن و تاڵانی کردنی وڵاتان دەڵێ “فەتح”….. کەچی پێستی ڕووی هێندە قایمە قبوڵی نیە پێی بڵێیت ، ئەم پێوەرانەی تۆ بۆ ئەم سەردەمە ناشێن.
  • ئەو قوربانی بە تاوانبار دەبینێت ، بکوژ بە پاڵەوان و شەهید. وشە و کاریکاتێر لای ئەو خەتی سورە، بەڵام لەناوبردنی خودی مرۆڤ و پیرۆزی ژیانی، ئاساییە!
  • لە تاو سەرکوت و زیندان هەڵدێ بۆ وڵاتانی خۆرئاوا ، کەچی دەیەوێت ئەوێش بگۆڕێت بۆ ئەو دەولەتە شکستخواردووەی لێوەی هەڵهاتووە!
  • پەلاماردەدات، تەقنەوە ئەنجامدەدات، سەردەپەڕێنێت، وێرانی دەخوڵقێنێت، کەچی پێی وایە هەرکەسێت دژی ئەم تیرۆرە دڕندانەی ئەو بێت ، ئەوە ڕەگەزپەرستە و نەخۆشی فۆبیایی هەیە!
  • کریستیان و جوەکان بە کافر، گومڕا ، سەرلێشێواو ، ڕێگەونکەر و …. پێناسە دەکات و لە ڕیزی مەڕ، مەیمون و بەرازدا دایان دەنێت ! گەر کەسێك ئەم سوکایەتیەی ئەوی قبوڵ نەبێت، بە دژایەتیکردنی ئاینەکەی تاوانباری دەکات و سەنگەری لێدەگرێت!
  • بڕوای وایە کە خودایەکی بەهێزی هەیە، هاوکات خوداکەی پێویستی بەمە تا بەگری لێبکات و خەڵکی ناچاربن بیپەرستن و لێی هەڵنەیەن!
  • پێیوایە جیهان بەهۆی خوادنەوەی کحولەوە نوقمی بێ ڕەوشتی بووە ، کەچی خەون بە بەهەشتێکەوە دەبینێت تا کحولی وەك پاداشت پێ بدەن!
  • پێوایە موی سەری ژن “عەورە”یە و دەرکەوتنی تاوانە، بەڵام ئاساییە بەلایەوە باسی حۆریەکان لە کتێبە فقیەکاندا بخوێنێتەوە کە هێندە ناسك و جوانن مۆخی ئێسقانیان لەژێر گۆشتەکەدا ، دیارە!
  • گەرچی بە چاوێکی سوکەوە دەڕوانێتە ژن ، کەچی گەورەترین ئومێدی ئەوەیە وەك پاداشت لە جیهانێکی تردا چەند ژنی بەرکەوێت!
  • پێی ئاساییە لەژێر پەرچەمەی ئیسلامدا هەزاران تاوانی جۆراوجۆر ئەنجام بدرێت، کیژۆڵەی نۆ ساڵە لاقە بکرێت، سەری مرۆڤ وەك قچکە پیاز بپەڕێنرێت ، ماڵ و موڵکی خەڵکی تاڵان بکرێت، ئەو هیچ هەڵوێستێك نیشان نادات . بەڵام گەر کەسێك بە کێشانی کاریکاتێرێك گۆشەیەکی ئەو دڕندایەتیە بخاتە ڕوو، ئەم بەلەسە دەبێت و دەیەوێت شار وێرانکات و کاریکاتێریست و ڕۆژنامەوان خەڵتانی خوێنکات!

لە کۆتایدا دەبێت بڵێم : قورسە بۆ کەسانێكی ئەشکەوتنشین کە نوقم بووی نێو تاریکین ، بە ئاسانی بێنە جیهانی پڕ لە ڕوناکی و لەزەت لە جوانیەکانی ژیان ببینن.

…..
*
ئەمە وتارێکی نوسەری ناسراوی ئەمەریکی بە ڕەگەز میسری مەجدی خەلیلە ، من بە دەسکاریەوە کردم بە کوردی
http://brotherrachid.com/%D9%85%D9%82%D8%A7%D9%84%D8%A7%D8%AA/ArticleID/3357/%D9%87%D8%B0%D8%A7-%D8%A7%D9%84%D9%83%D8%A7%D8%A6%D9%86-%D8%A7%D9%84%D8%A7%D8%B1%D8%AA%D9%83%D8%A7%D8%B3%D9%8A-%D8%A7%D9%84%D8%B9%D8%AC%D9%8A%D8%A8?fbclid=IwAR3g-5_5xO7i_gpbcwsmwDMGIukzy1Bs-QaMiAsXOTu_XAxIQ7VCg02vQP8

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish