Skip to Content

412 Views

مەملەکەتێک پڕ لە داهۆڵ … شاخەوان ئەحمەد

مەملەکەتێک پڕ لە داهۆڵ … شاخەوان ئەحمەد

Be First!
by July 26, 2018 General, Poems
image_print

تۆ قسە ناکەیت
تۆ پێناکەنیت
تۆ ناشگریێیت
تۆ نە مرۆڤی و نە نامرۆڤ
نە وەهیمی و نە ڕۆح
نە خەونی و نە ڕاستی
تۆ
بە دەستی درووستکەرێکی خێڵ
یان جوتیارێک یان شوانێک
ڕەنگە بجوڵێیت
ترسێکی لە ڕاوەستاوی

تۆ
وە نیو ڕۆحی بەشێکمان دەڕژێتە ناو مرۆڤ
دەستێکت و دەستێکمان بەدیار یادەوە لەسەر یەکدی دادەنێین
چاوێک و ڕویێکت بەدیار خەساندنی تەنیاییدا لێکدەکەینەوە
بە چاوێکیدی پەرێشانی و جەنگی چینەکانی مەملەکەت شەدەکەین

نیو ڕۆحەکانیدیکە و دەستەکانیدیکە و چاوەکانیدیکە و ….
کەمەک لە زەین و بیری ئێرە خۆش ناکەن
بەڵام
ئەوان بکوژی سوودەکانی دەست بریندارەکانن
دەوڵەمەندکردنی قاچاغەکان و
بکوژی هیواکان و
خەساندنی کەرەکان و
کرمیبوونی دارەکان و
ساوابوونی نەوەکان و
لەناوبردنی گەنجینەی گەنجەکانن و
تەمڕێژکردنی زەوی

مەملەکەتێک کە تێیدا
ڕۆح وەهمی جەنگەکانە و
ژیانێک و زەویێک و چێژێک تێیدا خەونێکی بە ئازارە
برین بەشێکی دانەبڕاوی بەردەوامی دەروونی مامزەکان و کۆترەکان و مرۆڤەکانە.

خەونم دەدیت نەمردبووم و داهۆڵ نەمابوون
سەردەمێکبوو کە
ئاشتی و دیموکراسی زنجیر نەکرابوون
بن کۆشکەکانی ڕۆمان و فارس و خەلافەت زیندان نەبوون
چ سەردەمانێکی درەنگبوو خودا!

خودا درەنگبوو ئەو خەونە چاوەڕوانکراوە!
باسی مردنی ئاشتی بڕابوەوە
شەوە تاریکەکانی ستەم ڕوناک ببونەوە
ترس ئاواببوو

ئەو ڕۆژە دورە لە خەونمدا دییاربوو کە
داهۆڵ لاوازترببوون
ئاوازی مردنییان چڕ ببوو
ترسیان پشتگوێ خستبوو

دەرەبەگیان سووک کردبوون
چۆڵەکە گەمەیان پێ دەکردن

جوتیارەکان ئەنجومەنیان درووستکردبوون
لە دواهەمین کۆبوونەوەدا باسیان لە کۆتایی هاتنی ترسی خۆیان دەکرد
باسی بەهەست هاتنەوەی ڕۆحی خۆیان و
مرۆڤبوونی خۆیان و داهاتووی خۆیان دەکرد
خودا چ خەونێکی دوربوو!

شاخەوان ئەحمەد

Previous
Next

Leave a Reply