تراويلکە.. سەردار جاف

ژێوانێکی سەرەڕۆم و
نيگاکانم بە چەقی هەڵەيەکدا چوون
خەياڵدانم
خەياڵپڵاوی بێدەربەست
بۆ کن ئاوێ
سارايەکی رووتەنيە و
مينا خۆرێ وا لە ئەوک
کەچی نها
گۆچانی رێ و گەيشتنی مەبەستمە
چەند درۆيەکی پێچراو و پڕ پەنهانی
فريودەرێکی سادەن و
عەقڵ خەڵتانی تاوان و گەمەيەکی پوچی دەکا
بە ئاگاييش بێم
ژينە تاڵێکی هەستمە
کەی يەقينی
ئەو وەهمە دڕدۆنگە لە بن عەبايەکا دەردەکەوێ
گەنجێتيم گرينۆک بکا و
سنووری بتەکان ببڕم
دياردەی سروشت، لە هزرما ئارام ئارام بۆ خۆی بنوێ
بەڕێ دەکرێ و زوو دێتەوە
ئەوە جاويدانی کاتە
هەم سەرەتايە و هەم کۆتا
جيهانی روون، سەرابێکە لە گەنجێتيم
بە شەيدایی و تامەزرۆیی
لە سەر زارا هەردەم دەسوێ

ئەڵمانيا
١٠ / ٩ / ٢٠٢٢

Sardar Jaf