غەریبی رۆحی مەرگ؟!
سەرابی نغرۆبوونی عیشق چی رەمزێکە؟
گەڵای ئاوێنەی منداڵی سەوز بکات؟
خومخانەی فیزیایی وێنابوونی عیشقی تیایە ؟
بزانم عاشقی تۆم یان تۆیەک لەمەرگ؟!
بارانی رەمزی رۆح چون دانابارێت؟!
فەزا وێنەی مەرگ بگرێت؟!
عاشق بوونم بەتۆو تۆیەکی مەرگەوە وێنا ببێت؟
هەڕەمی رۆح بوونیان بردەوە سەرەتا؟!
سەرەتاو کۆتا وێنەی دوانەیی تۆی تیایە؟
عاشقی تۆم یان تۆیەکی شێوە مەرگ؟
ئاماژەی شەوارەیی دوای نەبوونیان دەرخستووە؟!
هێلکەی مەرگ بگرنەوە؟!
هەتا تۆو ئەوو ئەوانی دواتر تۆو چەن بکەن؟
هەسارەیەک هەیە لەرۆح؟!
وێنەی هۆمیرۆسی تۆو تۆیەکی تری تیا بێت؟
لەدارستانی نغرۆیی تیشکێک هەیە؟
کتێبی مەرگ بەگەڵای بوردی بنوسێت؟
گەڵای نەمری و غەردەق و شوکران تێکەڵ بن؟
ئەفسانەی تەکنەلۆژی دوانی رۆحیک دەدۆزنەوە؟!
عاشقی تۆم یان تۆیەکی وەک تۆ لەمەرگ؟!
موزیکی رەو زایەڵەی گەردوونی دەگرێت؟َ
چۆن دووانی رۆح و ر ۆح شیتەڵ دەبێت؟!
هەسارەکان تیشکی فیزیاییان تیایە؟!
عاشقی تۆبم یان تۆیەکی تۆیی لە مەرگ؟
یان تۆی تۆیەک نەک تۆیەکی عیشقە مەرگ؟
شارای عیشقی کۆتایی مۆمی سلێمانی تیایە؟!
ببمە گەردەلولی رۆحت ؟
تۆی تۆی تۆیی دەبێتە فۆتۆنی تۆی تۆ؟!
نەک تۆی دوانی تۆیەکی تر لەعیشقە مەرگ؟!
تۆ کام عیشقەیت عاشق بونم عاشق بکەیت؟
لەتۆی تۆیی یان تۆی مەرگ بپرسمەوە؟!
عیشقم ئاوێنە تێزابی دازاینی دوای نەبوونە ؟!
یان وێنەی عیشقە مەرگمیت؟
خۆت جیاکەرەوە رۆحم بەتێزاب گۆڕاوە؟
عاشقی تۆم یان عاشقی تۆی مەرگە عیشق؟!
دەبێت بیرچونەوە شێرپەنجەی دووانی هێنابێت؟
شییزوفرینیای بیرەوەری من و تۆ بێت؟
دوو رەگی عیشقە مەرگت مۆمیا بووە؟
بە ئەهرامەوە تەریب ببیت؟
سیبریای ئەلیکترۆنی عیشقت بڕی؟
عاشقی تۆم یان عاشقی مەرگی تۆیی ؟
کوا رۆحت؟! بەپڕۆمیسۆسەوە تێکەڵ ببین؟
سەمەندەلی دوو رۆحی تەنیایت بیربێتەوە؟
یان هیستریای بیرچونەوەمان گرتووە؟
من لەتۆفانی عەتاری عیشقەوە هاتبێتم ؟!
تۆیش لەڕەوی ئەسپی بیابانی مەرگ؟
موزیکی رەوی ئەسپ کەی دەژەندرێت؟!
ئەستێرە رەشەی مەرگ پەخشت بکات ؟َ!
خۆزگە چوار رەنگەی فیزیایی بەعیشقەوە تێکەڵ دەبوو؟!
لەموزیکا زمانی مەرگت بگرتایە ؟
ببیتە خڕۆکەی خوێنی فیزیا؟
هەتا گەردوون لە زمانی شێتی و مەرگا قفڵ ببێت؟!
رۆحت شەرابی چی عیشقێکی گرتۆتەوە؟
ناونیشانی منی تیابێت؟
یان وێنەی تۆ چییەو چۆنە نەک وێنەی تۆ ؟
کەی دڵۆپێک بخۆمەوە؟
نامەیەک بە مەرگ بنوسم؟
کوا ئەو وشانەی دەچنەوە جێگەی خۆیان؟
کوژاوەکانی ناخ بنوسنەوە؟!
ناوم لە رۆحتا رەنگ بکەن؟
کەوتنەخوارەوەی بیرکردنەوە کەی هەڵ دەکات؟
تیزابی ناخت گڕ بگرێت؟
ببنە هەورێکی سەرەتان؟
ببمە شیرپەنجەی عیشقی تۆو تۆیەکی تر ؟
رەمزی مەرگی عیشقی پەپولەیەک بگرم؟
بۆچی چرکەی شەرابی رۆحت پڕ ژەهرن؟
وێنەی خوکوشتنیان تیایە؟
تۆڕی عیشقت چەقۆی فەلسەفەی مەرگ دەگرێت؟
رۆمانی عیشقە مەرگمان بنوسنەوە؟!
گەردەلولێک هەڵی کردووە رەمزی خۆکوشتنی منە یان تۆ؟
وەرە ساتی تێکەڵ بوونی فەلسەفەیە لەپێکێکا؟
لەرێکەوتەی فەلسەفەی مەرگا نغرۆ بین؟
تۆی عیشق و تۆی ئەفسانە جیا ببنەوە؟
لەم تۆفانە کلیلی مەرگ شارایەوە؟
رۆح بانگەشەی نەبوونی ئەوو ئەوانی تر دەکات؟
دەبێت وشە روت ببنەوە؟!
گەوهەری عیشقیش بزر ببێت؟
وێنەی خومخانەی دوای مەرگ بگرنەوە ؟
دوانەیی مەرگ رۆحێک لەبوون تۆوچەن دەکات؟
من و تۆو تۆی مەرگ و ئەوانی تر وێنا ببین؟!
دۆشاوە رۆحی دوانەیی دەبێتە شەرابی عیشق؟!
لەشوشەی عەتاری زەمەنەوە تێکەڵ ببین؟!
ببینە وێنەی بونێکی تر؟
5/8/2022 نۆی بەیانی
لە رۆژنامەی کوردستانی نوێ/مروارییەکان/ ژمارە8736 لەرۆژی سێ شەممە 23/8/2022 بڵاوبۆتەوە.

ژیاننامەی سەلاح جەلال عبدالله رەحیم
یەكەم
موالیدی 1963 سلێمانی شارباژێڕ. لەدایك بونی دەگەڕێتەوە بۆ رۆژی كەوتنە خوارەوەی(عبدالسلام عارف) لەتەیارە هەروەك هەمیشە دایكی جەختی لەسەر كردۆتەوە.
خوێندنی سەرەتایی و ناوەندی لەسلێمانی بووە.
زانستی ئیسلامی لەمزگەوت و تەكیەكاندا خوێندووە.
دەرچوی ئامادەیی ئاینی ئیسلامیە. لەوەزارەتی ئەوقاف و كاروباری ئاینی لەشاری هەولێر ساڵی 2009 - 2010
دەرچوی زانكۆی عراقییە لەبەغداد. كۆلیژی زانستە ئیسلامیەكان. بەشی بەراوردكاری ئاینەكان و مەزهەبەكان و دایەلۆژی شارستانی لەساڵی.2011-2012 لەساڵی 2014- 2015 تەواوی كردووە.
بڕوانامەی ماستەری بەدەست هێناوە بەپلەی زۆر باشە لەهەمان بەش، بۆ سالی 2018=2021.
ئەندامی یەكێتی نوسەرانی كوردستانە.
ئەندامی یەكێتی گشتی ئەدیبان و نوسەرانی عێراقە .
ئەندامی یانەی رۆژنامەنوسانی كوردستانە.
ئەندامی یانەی رۆژنامەنوسانی عێراقە.
ئەندامی یانەی هونەرمەندانی عێراقە.
دووەم
لەساڵی 1983 دەستی بەنوسین كردووە.
لەساڵی 1989 یەكەم دیوانی شیعری بەناونیشانی (ئیشككر)پێشكەش كردووە بەبەڕێوەبەرێتی رۆشنبیری كورد لەبەغداد. لەلایەن پسپۆڕەكانی رژێمی عێراقەوە لەچاپدانی قەدەغە كراوە.
لەهەمان ساڵدا(كفن پۆش و كەونی) بڵاوكردۆتەوە بە130 دێڕ قرتاندنەوە. بڵاوكراوەتەوە.
زۆر دیوانی شیعری و رۆمان و دەقی تر و لێكۆڵینەوە وتاری بڵاوكردۆتەوە بەهەردو زمانی عەرەبی و كوردی.
سێیەم
ئەو بەرهەمانەی بەزمانی عەرەبی بڵاوبونەتەوە:
1-(سقوگ الكون ) دیوان شعری 2000 .
2-(سدرە الحسین) دیوان شعری 2012 .
3- سور النور. شعر وشهادات. 2024
• چوارەم
ئەو بەرهەمانەی بەزمانی كوردی بڵاوی كردونەتەوە.
1- كەوتنە خوارەوەی گەردون. شارای شیعری. كۆ بەرهەم 1989.2012.
2- كۆجیتۆی جەلال تاڵەبانی. بەرگی1 و2 چ 1 . 2021.
3- ئۆقیانوسی مەرگەسات) شانۆنامە.2003
4- چیای ئاو. شانۆنامە .2003.
5- سیمیا لەشانۆدا.2009 لێكۆڵینەوەی شانۆ.
6- كچانی بەفر (لادۆن سیلا). سیناریۆ. چاپی یەكەم 2021.
7- پێڵاوەكانم و نێرەموكانی فیفا. سیناریۆ. چاپی یەكەم 2022
8- درەختی مەرگ. شانۆنامە. چاپی یەكەم. 2023. سلێمانی.
9- (ئاوێنەی بوركانی ژەنەڕاڵ) رۆمان.1992-2012 بەرگی یەكەم.
10- ئاوێنەی بوركانی ژەنەڕاڵ.رۆمان.بەرگی یەك و دو.چاپی یەكەم.2019 چاپی دووەم 2021.
11- (مۆسیقای مەرگی ناوەختە) رومان.1997-2020
12- (نەفخ و وێنەی با) رۆمان 2020 چاپی یەكەم.
13- ریشاڵی تیۆری رۆمانی كوردی. چاپی یەكەم. 2023.
ئەو بەرهەمانەی ئامادەی چاپن بەزمانی كوردی .
1- كەوتنە خوارەوەی گەردون. شارای شیعریم. كۆی بەرهەمەكانی تا ئێستا ئامادەی چاپە.
2- كرێكارانی مەعریفەو شۆڕشی سپی. وتارو لێكۆڵینەوە.
3- فۆتۆیەك بۆ دۆزەخ. بیرەوەری.
4- بونەوەری فەزایی. رۆمان.
5- سەركردە فەتاح ئاغاو رەمزەكانی شۆڕش.
• شەشەم
ئەو بەرهەمانەی ئامادەی چاپن بەزمانی عەرەبی .
1.لاشخصیە اللغە . مقالات ودراسات.
2. فنون قتالیە فی كردستان. مقالات
3. الشعریە تعنی الرۆیا التی لاتستقر. مقابلات.
4. صلاح جلال كهربە الژات الشاعرە. مقالات ودراسات مكتوب علی دواوینە.
• حەوتەم
ئەو بەرهەمانەی لەزمانی عەرەبیەوە وەریگێڕاونەتە سەر زمانی كوردی ئامادەی چاپن :
1.سەرلەنوێ نوسینەوەی كوژاوەكان. چیرۆكی نوسەرو روناكبیری عەرەب عباس عبدالجاسم. ئامادەی چاپە.
2.(احلام مبللە)دیوان شعری للشاعر(جابر محمد جابر). ئامادەی چاپە.
• هەشتەم
- لەساڵی 1996ەوە دەستی بەكاری رۆژنامە نوسی كردووە، یەكەم بەرهەمی لەرۆژنامەی . المۆتمر العراقی بووە.
- لەرۆژنامەی الادیب الپقافیە لەسالی 2003 تائێستا بەسیفەتی نێرەری رۆژنامەنوسی كاری كردووە دوایی بووە بەدەستەی نوسەران لەرۆژنامەكەدا .
- لەرۆژنامەی المۆتمر العراقی ماوەیەكی زەمەنی كاری كردووە.
لەرۆژنامەی القاصد ماوەیەكی زەمەنی كاری كردووە
- بەرهەمەكانی بەهەردو زمانی كوردی وعەربی بڵاوكردۆتەوە .
- لەفیستیڤاڵەكاندا بەشداری كردووە لەوانە جەواهیری و مەربەد و هی تر.