Skip to Content

57 Views

لە سێپتێمبەردا … زانا سامان

لە سێپتێمبەردا … زانا سامان

Be First!
by October 3, 2019 General, Poems
image_print

ئایندە وەهای خواست
دەستم بچێتە گەردنی پیرۆزیی عیشقەوە،
تووند بەخۆمەوە بیوشم و
ئیدی ئاگایم
لای غەریبی و
تەنیایی دراوسێم نەمێنێت،
لە سێپتێمبەردا
خووڵقی ژنێک
لە شیعر ناسکتر
بەگەرووی قەسیدەما نووسا
تا ڕادەی بەرکەوتن
هەتا بارینێکی ئەبەدی
تا حاڵگرتنی ئەوینێکی درووست
هەتا لای خودا،
ئەو هاتوو منی بە فەقیانەی ڕۆحی خۆیەوە لکاند
مناڵیمی ئاوەدانکردەوە
لەمسی ڕابردووی کردم
تا سڕینەوەیەکی مەحاڵ،
ئەو دەڵێت:
چەند خۆشە لەگەڵ تۆ
دەربڕینی شیعر
چەند بەتامە
گوێگرتن لە ماملێی٭ ژێی دەنگت،
چەند ناسکترە
ئیسماعیل سابووریی٭
کە تۆ بۆم دەڵێیتەوە
وەهای وت ئەو …
وتی خانەنشینی ڕۆحی خۆمم کردوویت
وتی ئیتر ناترسم
باشترین پاسەوانی دڵی خۆمم هەیە،
لە سێپتێمبەردا وەهای وت
لە سێپتێمبەردا عاشق بەیەکدی بوون
لە سێپتێمبەردا بووین بەیەک.

زانا سامان

٭ماملێ، واتا مامۆستا محەمەدی ماملێ، کە دەنگم دەچێتەوە سەر ئەو زادەیەی گۆرانی کوردی
٭ ئیسماعیل سابووریی، هاوڕێی کۆچکردووم یادی بەخێر

Previous
Next

Leave a Reply