Skip to Content

24 Views

کزە شیعرێک بۆ ڕۆژاڤا ….. ملکۆ

کزە شیعرێک بۆ ڕۆژاڤا ….. ملکۆ

Be First!
by October 14, 2019 General, Poems
image_print


تەماشاکە
پێرێ ئەنفال
دوێنێ ھەڵەبجە و
ئەمڕۆش ڕۆژاڤا
تەماشاکا ووڵاتم نووقمی خوێناوە
تەماشاکا لەسەد لاوە زۆرێک گوێ ھەیە نابیستن
زۆرێک دەم ھەن کە گۆناکەن
زۆرێک چاو ھەن کە نا بینان
پف لەووشەی مافی مرۆڤ
تڕحێو ووشەی دیموکراسی
خوێنی زاڕۆڵە دەفرۆشن
ڕیشی چەرمووی باپیرە گەورەی مێژوومان
لەمۆزەخانەی جیھانا
بەنرخێکی کەم دەفرۆشن
مێژووی ئێمە پڕ ھەڵوێستە و
مێژووی ئەوان پڕ خەوش و عار
پیرۆزی گڕی ئاڤێستا والەلوولەی تفەنگتانا
نەک بۆ ئەمڕۆ بۆ ئایندەش
پێشەنگی ڕۆژێکی ڕوونن
ڕۆژاڤاکەم
بێشەڵانی نوێھەڵکەوتووی شۆڕشگێڕان و جیھانم
سەلمانتان کە تیشکی خۆرن
زەنگۆڵەکەی ملی ڕاستین
لە نەبوون ھەن
لە بوون بوونن

Previous
Next

Leave a Reply