Skip to Content

166 Views

بێوازی … عارف کوردە

بێوازی … عارف کوردە

Be First!
by December 24, 2019 General, Poems

وەڕسم.. وەڕس
ناتوانم مانشێتی ڕۆژنامەکانیش
بخوێنمەوەو
گوێ لە هەواڵەکانیش ناگرم
جیهان خێوەتگەیەکە
بای ڕێکخراوەکان
ونجڕ ونجڕی کردووەو
شەقە شەقیەتی..
لەو فریشتەیەش بێزارم
دوو چرا لەسەر شانیەتی و
دێ بۆ لام و منیش،
دەچمەوە ژێر نوێنەکەم و
نامەوێ بە ئاگابێمەوە
غەریبی،
لەتەونی جانجڵۆکەیەکدا
لولی داوم و
خەمەکان دەمکرۆژن و
دەمکەن بە بنێشتی دارەبەن و
دەمجاون..، خۆ کاڕێژەیان
هیلاک نابێ
ئەوان سیرمەی بێ ڕوویین
نە پێناسەیان هەیە
نە بنەچەو ناسنامە
لە منداڵدانی سیاسەتەوە
لەدایک بوون
ناوکیان بەچەقۆی
گەمەی سەر مێزوو
پێکی شەوانەوە بڕاوە
سلسار بەلا جانگیانا
دێتەخوارێ و
وێنەی شەقامێکی نووستوو
بە تەوێڵیانەوەیەو
مەمە کۆتەیەک لێوەکانی قڵیشاوەو
لەنێو سەرەنویلکدا فڕێدراوەو
کسۆکێک پاسەوانی دەکات
لەترسی دایک و باوکەکان..
بێوازم.. بێواز
دەمەوێ لەم جیهانە پڕوپوچەدا،
لەشەقەی باڵ بدەم.

Previous
Next

Leave a Reply