Skip to Content

366 Views

هاوپشتی ئەنتەرناسیونالی لە دژی هەڕەشەی جەنگ

هاوپشتی ئەنتەرناسیونالی لە دژی هەڕەشەی جەنگ

Closed
by December 24, 2019 General

کرێکارانی تورکیا، یۆنان و قوبرس هیچ سوود و بەرژەوەندییەکیان نییە لە دوایین ململانێ و کێشمەکێشەکانی کەناری دەریای سپی ناوەراست لە زۆنی ئابووری دیاریکراودا. بە پێچەوانەوە ئەگەر هاتوو ڕوو بە رووبوونەوەی سەربازی رووبدات. ئەوە ئێمەین هەموو شتێك لەدەست دەدەین و زەرەرمەند دەبین.
بەڵێنەکانی چینە دەسەڵاتدارەکان و فەرمانڕەواکانی ئێمە بۆ گەران و دۆزینەوەی تازەی نەوت و گازی سروشتی لە دەریای سپی ناوەراستدا، گوایە خۆشگوزەرانی و گەشەکردنی دارایی لەگەڵ خۆیدا دێنێت ئەمە قسەیەکی ڕاست نییە. بەڵكو تەنها قازانجی گەورە بۆ كۆمپانیا فەرەنەتەوەكانی وزەی، وەك ئیكسۆن، تۆتال و ئینی (كۆمپانیای وزە) دەهێنێت. ئەم گەڕانە بەدوای وزەكانی سووتەمەنییدا گۆڕانی كەش و هەوا خراپتر دەكات، لەگەڵ ئەوەشدا و نەیاریی و پێكدانانەكانی نێوان دەسەڵاتە ئیمپریالیستیی و ناوچەییەكان خێراتر و توندوتیژ تر دەكات.
ئەم بەربەرەکانێیە لە هەموو لایەکەوە کۆنەپەرستانەیە. ئەو هەوڵانەی لەلایەن حوكمڕانەكانمانەوە دەدرێن کە دەیانەوێت نیشانی بدەن گوایە ئەم کارەیان “بەرگرییە لە نیشتیمان” درۆیەکە و ڕاستی تێدانییە. زۆر بە ڕوونیی و بە بەڵگەوە دیارە حکومەتەکەی ئەردۆغان و میتۆتاکس لە لیبیا پشتگیری لە دوو هێزی جیاواز لە شەڕ دەكەن. بنغازی بەشێک نییە لە “نیشتیمان”ی یۆنان، ترابلوسیش بەشێک نییە لە “نیشتیمان”ی تورکیا.
چارەسەری دروست، هەرگیز لەڕێگای ناوبژیکردنی ناتۆ (NATO)، یەکیتیی ئەوروپا (European Union)یاخود نەتەوە یەکگرتووەکانەوە (United Nations) بەدینایەت. ئەم ڕێکخراوە نێودەوڵەتییانە “دەڵاڵی سەربەخۆیی” ئاشتیی و دادپەروەریی نین. ئەمانە بەكرێگیراوەكانی دەستتێوەردانی ئیمپریالیستین كە دەیانەوێت لەڕێگای ئابووریی و سەربازیی و دبلۆماسییەوە ئەم کارە ئەنجام بدەن. ئەم کردوەیەیان بۆ چەندەها جار لە وڵاتانی ناوچەکە لە سوریاوە بۆ یەمەن دووبارە بۆتەوە، هەروەها لە ئەفغانستانەوە تاوەکو ئۆقیانووسی ئەتڵەسی کە قوبرسیش دەگرێتەوە.
ئەڵتەرناتیڤ بۆ “ناوبژیكردن”ێكی وەها ئامادەکاری نییە بۆ جەنگ. ئێمە دژایەتیی هەموو ئەم هەوڵانەی پارتە ئۆپۆزیسیۆنەکان دەکەین کە فشار دەخەنە سەر حکومەتەکانیان بۆ ووتاربێژیی ناسیۆنالیستیی و پێشبرکێی خۆپرچەککردن. ئەمجۆرە سیاستە دەرگا دەکاتەوە بۆ بەهێز بوون و گەشەکردنی هێزە ڕاسترەو و فاشیستەکان. ئەمەش مایەى قبوڵكردن نییە بەشێک لە چەپ لەگەڵ داواکاری سەپاندنی ئابلوقەی یەکێتیی ئەوروپان. ئەم سیاسەتە هەڕەشەی زیاترە لە گەشتی بچووک لە ئیجە و دەوروبەری قوبرس و لە گەل ئەوەشدا پاڵپشتی کردنە لە چەوساندنەوەی گەلی کورد.
تەنها گەرەنتی بۆ ئاشتی و دادپەروەری پەرەسەندنی خەباتی کرێکارانە. ئێمە ئیلهام وەردەگرین لە بیرۆکەی شەپۆلی شۆرشی جیهانی لە چیلی یەوە بۆ لوبنان هەروەها لە سودانەوە بۆ فەرەنسا. ئێمە داواکاری دەستبەجێ بەرز دەکەینەوە بۆ:
کۆتایی هێنان بە هەموو دەستتێوەردانێکی ئیمپریالیستی لە ناوچەکەدا، هاتنە دەرەوەی یۆنان و تورکیا لە ناتۆ. داخستنی هەموو بنکە سەربازییەکانی (Incirlik, Souda, Akrotiri) لە قوبرس و یۆنان تورکیا.

 کۆتاییهێنان بە گەڕان و هەڵکەندنی نەوت و گاز لە دەریای سپی ناوەراست. پێویستە سووتەمەنییەکانی کانە بەردەکان لە ژێر دەریا بمێننەوە.
 کۆتاییهێنان بە پێشبڕکێی سەربازی. ڕاگرتنی بەفیڕۆدانی پارە بۆ فڕۆکەی جەنگی، کەشتی بچووک و مووشەک، جا چ رۆژئاوایی بێت یاخود ڕووسی.
 کردنەوەی سنوورەکان بە رووی پەنابەران. پێشوازی کردن و لەخۆگرتنی هەموو ئەو خەڵکانەی کە بەهۆى ترسی جەنگ و برسێتیییەوە ئاوارە بوون. پەنابەری و پەناگە بۆ گشتیان. کۆتاییهێنان بە سیاسەتی "سەنگەریی ئەوروپیی". کۆتاییهێنان بە ڕێکەوتننامەی دژەكۆچبەریی یەکێتیی ئەوروپا لە لیبیا و تورکیا کە کۆچبەران شەرمەزار دەکەن و بە چاوێکی وا تەماشایان دەکەن کە هەڕەشەن بۆ سەر ئەوان.
 کرێکارانی تورکیی و یۆنانیی لە قوبرس مافی خۆیانە لە سەر داهاتووی دوورگەکەیان بڕیار بدەن، دوور لە هەر دەستتێوەردانی دەرەکی.

کرێکارانی یۆنان، تورکیا و قوبرس نەرێتێکی دەوڵەمەندی خەباتکارانەیان هەیە لە دژی قوربانیدانەکان کە قەیرانی ماوە درێژیی سەرمایەداری بەسەریدا سەپاندوون. بونیادنانی بزووتنەوەیەک بۆ داواکارییەکانی وەک دژی سیاسەتی (سگهەڵگوشین) دەستپێوەگرتن و چەوساندنەوە، شانبەشانی لە گەل ئەوەشدا داواکارییە ئەنتەرناسیونالەکانمان کە لە توانایدایە لەشکرێکی بەهێز بونیادبنێن بۆ ئایندەیەکی باشتر. ڕێکخراوەکانی ئێمە خۆی بە بەرپرسیار دەزانێت بە نەریتی شۆڕشگێرانە بۆ دژایەتیکردنی جەنگی ئیمپریالیستی و لە هەمانکاتدا خەبات دەکەین بۆ سۆسیالیزمی ئەنتەرناسیونالی. ئێمە داوا لە هەموو ئەو خەڵکانە دەكەین کە ئاشتیخوازن پەیوەستبن بە ڕیزەكانی ئەم تێكۆشانە هاوبەشەوە.


پارتی کرێکارانی سۆسیالیست – یۆنان
پارتی کرێکارانی سۆسیالیستی شۆڕشگێریی – تورکیا
ڕێکخراوی هاوپشتی کرێکاریی – قوبرس
١٦/١٢/٢٠١٩
و. لە ئینگلیزییەوە: ئازاد ئارمان


Socialist Workers Party – Greece (SEK – Sosialistiko Ergatiko Komma) Revolutionary Socialist Workers Party – Turkey (DSİP – Devrimci Sosyalist İşçi Partisi) Workers Solidarity – Cyprus (Ergatiki Dimokratia)

December 16, 2019

Previous
Next