Skip to Content

193 Views

کورتەنامەی شیعریی – بەشی یانزەهەم … فەتاح حەسەن

کورتەنامەی شیعریی – بەشی یانزەهەم … فەتاح حەسەن

Closed
by March 3, 2020 General, Poems


ئەتۆ..
بازنەی خۆشەویستیی منی
کۆتاییەکەت..
سەرەتایە.


بڕوام نەدەکرد
خۆرئاوابون
هێندە جوان بێ
تا لەنێوان
گەردنی دوو گەنجدا دیم،
لە ساتی ماچی ناودەما.


ئەگەر
تەنها یەک کەس
حەز بە بیستنی
ترپەی دڵم بکا
حەز دەکەم
تۆبی و بەس.


لەو ساتەدا
كە دوو ئاشق
خوا حافیزی لەیەك دەكەن
دڵم لەخۆم دادەمێنێ و
زیاتر
ھەست بەتەنھایی دەكەم.


ئەوی ئەتۆ
ناوی دەبەی
بەدواھەمین ماچ
لەلای ئەمن،
گەر دوەم نەبێ
یەكەمە. دكتۆر وتی:-
ئەتۆ كۆڵی لەژماردنی ماچ.


ئەگەر
مانای خۆشەویستیی نازانی
خۆت نەخەیە، داوی عیشقەوە،
خۆشەویستیی
گەمەی منداڵان نییە
هەی ماڵ خراب.


کە،پێیدەڵیم.. خۆشمدەوێی
واهەست دەکەم
پیت بەپیتی خۆشەویستیی
کلوە بەفرن و
بەسەر تۆی دەریادا، دەبارێ.

فەتاح حەسەن
دانیمارك/ ڤالبی

Previous
Next