Skip to Content

121 Views

سێ هۆنراوە بۆ مناڵان … ..ئاکۆ محمەد سابیر

سێ هۆنراوە بۆ مناڵان … ..ئاکۆ محمەد سابیر

Be First!
by February 7, 2019 General, Kids Literature
image_print

پێویستە نوسین بۆمنداڵان بەپێی خواست و ئارەزوی منداڵان بێت ، نەک بەپێی پێویستی نوسەران . مەکسیم گورکی.

ئاکۆ محەمەد سابیر
میوان

پشیلە جوانەکەی کۆڵان
وەرە بۆماڵی خۆمان
میاو میاو ی چیتە
دەزانم زۆر برسیتە
دایکم چێشتی لێناوە
بەشی تۆشم داناوە
ئای چەند نەشمیلەو جوانی
بچوکترین میوانی
هەرگیز ئازارت نادەم
کلک و گوێچکەت بانادەم
لەسەر بانی ماڵەکەم
جێی پشوت بۆ ساز دەکەم
دەی خۆت هەڵدە باوەشم
خنجیلانەی چاو گەشم

—————-

ژمارە ی گوێزەکان

نۆ دانە گوێزم ڕیزکرد
دوو سمۆرە دەست برد
هەریەکەو دانەیەکیان برد
من زانیم برسیانە
دڵخۆش بووم هیچم نەکرد

قەلێکش لە کولانە کە
سەری هێنایە دەرێ
وتی کیژە جوا نە کە
برسیمە گوێزم بە رێ
دوو دانە گوێزم پێدا
یەکسەر خواردی قوتیدا
خۆشم یەک دانەم شکان
کاكڵە کەیم دا کرمان
منداڵە خۆشەویستەکان
ئێستا دە پرسم لێتان ؟
ئە وگوێزانەی پێم ماون
لەگیرفانما دامناون
دەزانن چەند دانە یە؟
بینوسن بە ژمارە یە

——————

پشیلەلەکە

پشیلەکە پشیلەکە
پشیلە بچکۆلەکە
وەرە ژورێ خێراکە
ئێوارەیە ،دە ی ڕاکە
دای دەخەم دەرگاکە
پشیلەکە پشیلەکە
پشیلە بچکۆلەکە ە
ئەوەچیتە ئە وەچیتە
وابزانم برسیتە
خەپە گیان خەپە گیان
هانێ شیرهانێ نان
دەی بازدە چاو گەشم
خۆت هەڵدە باوەشم
پشیلەکە پشیلەکە
پشیلە بچکۆلەکە

..ئاکۆ محمەد سابیر

Previous
Next

Leave a Reply