کورتەنامەی شیعریی – 9 – …فەتاح حەسەن
بەشی نۆهەم
بەمن چی
هەموو دنیا، خۆشیبوێم
ئەتۆ،نا!!
لەهەندێك شوێن
لەهەندێك کات
شەرمنانە خۆشتدەوێم
بەڵامدا لەکات لەشوێن
کەی ئەوانە
بەخۆشەویستی ئاشنان.
کە:
هەنگ شیلەی گوڵ دەمژێت
نازانم
خۆزگە بەکامیان بخوازم
بەهەنگ ..
یاخود بەگوڵ؟!
کە دیوارێك،
لە بەینی خۆم و تۆدا هەڵدەچنم.
بۆ ئەوەمە، کەبزانم
دەتوانیت تۆ بیڕوخێنی؟
بەمنداڵی
زۆر لەداخکردن دەترسام
ئێستاش
لەجێهێشتنی تۆ.
تاڵاو لەوە تاڵتر دەبێ چی بێ
ژنێکت خۆشبوێ و..
پێتبڵێ کاکە.
چیدی..
بیرناکەمەوە لەتۆ،
ئەتۆ
خۆت لە تەنهایی مارە بڕیوە
ئەمنیش..
قینمە لە تەنهایی،
هێندەی خۆشویستنی ئەتۆ.
هەرگیز نەمدەزانی
هێندە ئارامگرم
تا، تۆم ناسی.
هەروەك چۆن ناتوانم رقم لێتبێت
ناشتوانم، وەکو جاران خۆشمبوێی.
فەتاح حەسەن
دانیمارك / ڤالبی
2018Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
