Skip to Content

جنێودان وتەشهیرو ناوزڕاندن، لە بڵندگۆی مزگەوتەکانەوە!.. تاهیر عیسا

جنێودان وتەشهیرو ناوزڕاندن، لە بڵندگۆی مزگەوتەکانەوە!.. تاهیر عیسا

Closed
by ئایار 8, 2021 General

د. کەریم شەریف قەرەچەتانی پسپۆڕی دەرونی و مامۆستای زانکۆ لە حەفتەی ڕابردووداو لە لێدوانێکدا بۆ زۆربەی سایدو دەزگا میدیا
کوردیەکان، ڕایگەیاند، لەبەرانبەر ئەو قسە نەشیاوانەی بەرانبەر خۆم و پلەی زانستی و خێزانەکەم کردویەتی بڕیارمداوە سکاڵای یاسایی دژی مامۆستا هەڵۆ مامۆستای ئاینی تۆمار بکەم لەکاتێکدا ئەو مامۆستایە لەناو مزگەوت ئەو کارەی
بەرانبەر من کردووە.
باسی لەوەشکردووە، بەهۆی ئەو بۆچوونانەی لە ڕابردوو لە ئیستاشدا لەسەر دینی ئیسلام و دینداری هەیبووە زۆر جار بە “مەلا کەریم بانگی کراوە”.
هەروەها، لەدرێژەی سکاڵاکەیدا دەڵێت، پێشتر مامۆستا هەڵۆ لە وتارێکی ڕۆژانەی لەناو مزگەوت باسی لەوە کرد کە گوایە د.کەریم شەریف قەرەچەتانی باسی لە ئایەتێکی سورەتی کەهف کردووەو کە دەڵێت “هەرکەس دەیەوێت با باوەڕبهێنێت هەرکەسیش دەیەوێت با کافر بێت” بەڵام ئایەتەکەی تەواو نەکردووەو باسی لەوەنەکردووە کە ئەوانەی کافرن سزای ئاگر چاوەڕوانیان دەکات و ئەوەشی بە هاندان داناوەو بۆ ئەوەش ڕەخنەی توندی گرتووەو بە “تڕۆفیسۆر” و “فڵتەفڵت” ناوی دەبات.
بەڵام دکتۆر شەریف،ئەمڕۆ لێدوانێکی دیکەی بڵاوکردەوەو ڕایگەیاند، سکاڵا لەدژی مەلاهەڵۆ، تۆمار ناکات.چونکە گوایا، مەلاهەڵۆ پەیوەندی پێووەکردووەو پێی گووتوە، کە ڤیدیۆیەکە کۆن بووەو دەستکاری کراوەو مەبەستی لەمامۆستاشەریف، نەبووە، بەڵام لەڕاستیدا، مەلاهەڵۆ درۆ دەکات و مامۆستا شەریفیش، دەزانێت کە مەلاهەڵۆ، ڕاست ناکات، بەڵام مادام تەلەفۆنی بۆکردووە و بەمجۆرە عوزری بۆهێناوەتەوە، ئەمیش سکاڵاکەی کشاندۆتەوە، دەنا لەڕاستیدا وەک لەڕاگەیاندنی سکاڵای مامۆستا شەریفدا، هاتوە، تەشهیرو قسە نەشیاوەکانی هەڵۆ بۆ مامۆستا شەریف، بەڕۆشنی باسکراوە، بەڵام بەهەرحاڵ، ئەوەی من دەمەوێت و مەبەستمە، لەپەڕاوێزی ئەم لێدوانانەدا، شتێک بنووسم ئەوەیە، کە من نازانم مامۆستا شەریف خۆی دەیزانێت و باسی ناکات، یان هەر نایزانێت، کە هۆکارەکانی پشتی ئەم جنێوو قسە نەشیاوانەی مەلاهەڵۆمان بۆڕوونکاتەوە؟!
خۆ ئەگەر دەیزانێت و پێمان ناڵێت، ئەوا بەڕای خۆم، کەمتەرخەمەو گۆشەیەکی گرنگی ئەم بابەتەی جنێوو قسەی ناشیرین و تەوهین وحیقدو قینی ئەم جەمعە لە ئایینزاو مەلاکانی پشتگوێ خستووە، کە بەجۆرێکی بەرفراوان، لەئاستی سایکۆلۆجیای گشتی کۆمەڵگاشدا کاریگەری داناوەو دواجاریش، پەیوەست دەبێتەوە بە پسپۆڕیەکەی مامۆستا شەریفەوە.
لەکوردەواریدا، پەندێکی زۆر باو هەیە، کە دەڵێت، گەورە ئاو دەڕێژێت و بچوکیش پێی تێوەردەدات!
واتە مەلاهەڵۆ و هاوپیشەو هاو فکرەکانی، پێ لەئاوێک وەردەدەن، کەلەبنەڕەتەوە، لەلایەن، ئایینەکەیانەوە بۆیان ڕژێندراوە!
ئەو نەفەسەی مەلاهەڵۆکان، قسەی پێدەکەن و لێدوانی پێدەدەن، لە تێکست و دەقە بنەڕەتیەکانی قوڕئانەکەیانەوە، وەرگیراوە.
زمانێک کە لەزۆر جێگادا، بەناوی اللەوە لە دەقی جۆراوجۆردا بەیانکراوە، ئەمڕۆکە لەناو فەرهەنگ ومۆڕاڵی ئینسانیماندا، بەمامۆستای بەڕێزیشەوە، قابیلی قبوڵ نییەو مایەی لێسڵەمینەوەیەو بەکارهێنانیان کە بۆ مەلاهەڵۆکان وهاوشێوەکانیان ئاساییەو بۆتە بەشێک لەفەرهەنگ وئەخلاقیان، سەرچاوەکەی ئەم دەقانەن کە لەخوارەوەدا ڕیزیان دەکەم:-
یا ایها الذین امنوا انما المشركون نجس فلا یقربوا المسجد الحرام بعد عامهم…التوبة/28
واتە ئەی باوەڕداران موشریکەکان گڵاوو پیسن بانزیک کەعبەی پیرۆز نەکەونەوە بۆ هیچ عیبادەتێک، (کە دیارە ئەوانیش حەج وعیبادەتی خۆیان کردووە و هاوشانی محەمەدو هاوەڵەکانی بڕوایان بەپەرستنی بەردە ڕەشەکەی کەعبە هەبووە، بەڵام باوەڕیان بەمحەمەد وەک پێغەمبەر نەبووە، بۆیە پێیان گووتون گڵاوو پیس، واتە سەگ وبەراز…)
أَم تَحسَبُ أَنَّ أَكثَرَهُم يَسمَعونَ أَو يَعقِلونَ ۚ إِن هُم إِلّا كَالأَنعامِ ۖ بَل هُم أَضَلُّ سَبيلًا..الفرقان/44
ئایا واده‌زانیت زۆربه‌ی ئه‌وانه ڕاستیه‌کان ده‌بیستن، یان بیرو هۆشیان ده‌خه‌نه کار؟ ئه‌وانه جگە لەمەڕوماڵات هیچی تر نین، به‌ڵکو گومڕاتریشن له مەڕوماڵات.
مامۆستاشەریف، باش نییە، مەلاهەڵۆ بەمەڕو ماڵاتی نەچواندووی، دەبێت شوکرانە بژێربیت؟!
قُلْ هَلْ أُنَبِّئُكُم بِشَرٍّ مِّن ذَٰلِكَ مَثُوبَةً عِندَ اللَّهِ ۚ مَن لَّعَنَهُ اللَّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ ۚ أُولَئِكَ شَرٌّ مَّكَانًا وَأَضَلُّ عَن سَوَاءِ السَّبِيلِ
پێیان بڵێ: ئایا هه‌واڵتان بده‌مێ به کردارێک که تۆڵه‌که‌ی لای خوا خراپتره له تۆڵه‌ی له‌که‌دارکردنی موسڵمانان، ئه‌وه‌ش کرداری ئه‌و که‌سه‌یه که خوا نه‌فرینی لێکردوه و جامی خه‌شم و ڕقی خۆی ڕژاندووه به‌سه‌ریداو هه‌ندێکیشی کردن به مه‌یمون و هه‌ندێکیشیان به به‌راز و هه‌ندێکیانیشی کرده تاغوت په‌رست و بت په‌رست، (مەبەستی لە جووەکانە)؟! ئا ئه‌وانه خراپترین جێگه و ڕێگه‌یان هه‌یه و گومڕاترین که‌سن له ڕێبازی ڕاست و دروست.المائدة/60
وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ ۚ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ۚ ذَّٰلِكَ مَثَلُ الْقَوْمِ الَّذِينَ كَذَّبُوا بِآيَاتِنَا ۚ فَاقْصُصِ الْقَصَصَ لَعَلَّهُمْ يَتَفَكَّرُونَ
خۆ ئه‌گه‌ر بمانویستایه به‌رزمان ده‌کرده‌وه‌(واتە سەرباری ئەوەی خوا خۆی ویستی بووە کە وابێت، کەچی دواتریش دیقەت بدەن، چۆن جننێوو تەوهین وتەشهیر دەکات)، به‌ڵام ئه‌و خۆی چه‌سپان به‌زه‌ویه‌وه شوێنی ئاره‌زووی خۆی که‌وت، جا نموونه‌یان وه‌کو نموونه‌ی سه‌گ وایه ئه‌گه‌ر ده‌ری بکه‌یت و پیایدا هه‌ڵبشاخێیت هه‌ناسه بڕکێیه‌تی ، یاخود ئه‌گه‌ر وازی لێ بهێنیت ئه‌وه هه‌ر هه‌ناسه بڕکێیه‌تی، ئه‌وه نموونه‌ی ئه‌و که‌سانه‌یه که ئایه‌ته‌کانی ئێمه‌یان به‌درۆ زانیوه و بڕوایان پێی نه‌بووه‌، که‌وابوو ئه‌م جۆره به‌سه‌رهاتانه بگێڕه‌ره‌وه بۆ ئه‌وه‌ی ڕابچڵەکێن و بیربکه‌نه‌وه‌،(لێرەشدا هەر مەبەستی لە جووەکانە، واتە، ئەم ئایینە لەبنەڕەتەوە، هیچ جەدەل وگفت وگۆو پرسیارو گوومانێک هەڵناگرێت و هەرکەسێکیش، پرسیاری هەبوو ڕەتی کردەوە، کەدەقەکان خودایی نین، ئەوا لەڕوانگەی خودای داتاشراوو پێغەمبەرەکەی، وەک سەگ وایە)الاعراف/176

مَثَلُ الَّذينَ حُمِّلُوا التَّوراةَ ثُمَّ لَم يَحمِلوها كَمَثَلِ الحِمارِ يَحمِلُ أَسفارًا ۚ بِئسَ مَثَلُ القَومِ الَّذينَ كَذَّبوا بِآياتِ اللَّهِ ۚ وَاللَّهُ لا يَهدِي القَومَ الظّالِمينَ
وێنه‌ی ئه‌وانه‌ی که باری ته‌وراتیان لێهەڵدراو هەڵیان نەگرت، وه‌ك گوێدرێژێك وان که باره کتێبێکی هه‌ڵگرتبێت، ئای که چه‌نده ناشیرینه وێنه‌و نموونه‌ی ئه‌وانه‌ی که ئایه‌ته‌کانی خوایان به‌درۆ زانیووه و بڕوایان پێی نه‌بوو، بێگومان خوا هیدایه‌ت و ڕێنموویی سته‌مکاران ناکات(لێرەشدا، بەگژ جووەکاندا چۆتەوەو جنێوباران و تەشهیر بارانیان دەکات، (بەڵام لەچەند جێگایەکی دیکەش فەزڵی بەنی ئیسرائیلی داوە، بەسەر هەموو گەلانی دیکەی جیهاندا:- يابني إسرائيل اذكروا نعمتي التي أنعمت عليكم و أني فضَّلتكم على العالمين، 122/البقرة، ئەم پەڕاوە لەکەشکۆڵ نەبێت لەهیچیتر ناچێت، ئەم هەموو جنێودانەو لەچی ئەم هەموو فەزڵدانە بە بەنی ئیسڕائیلت لەچی؟ ). الجمعة/5
وَأَتبَعناهُم في هٰذِهِ الدُّنيا لَعنَةً ۖ وَيَومَ القِيامَةِ هُم مِنَ المَقبوحينَ
هه‌ر له‌م دنیادا نه‌فرین و لەعنەتمان خسته شوێنیان، له ڕۆژی قیامه‌تیشدا ئه‌وانه زۆر ناشیرین و ڕەزاگرانن. القصص/42
وَلَا تُطِعْ كُلَّ حَلَّافٍ مَّهِينٍ. هَمَّازٍ مَّشَّاء بِنَمِيمٍ. مَنَّاعٍ لِّلْخَيْرِ مُعْتَدٍ أَثِيمٍ. عُتُلٍّ بَعْدَ ذَلِكَ زَنِيمٍ، سورة القلم/
ئەوەی لێرەدا شایانی باسە، بڕگەی..
عُتُلٍّ بَعدَ ذٰلِكَ زَنيمٍ،،،ه کە قسەیەکی زۆر نەشیاو و تەشهیر ئامێزو زۆر بازاڕییە، کە لەبەرامبەر، “وەلیدی کوڕی موغیر” دا لەژێر ناوی ئایەتی ئیلاهی، واتە نیشانەی ئیلاهیدا دابەزێندراوە، کە بەمانای
ڕەزاگران و ڕه‌وشت نزم و ناکه‌س به‌چه‌و باوك نادیارو کوڕی زینا، دێت،،، (بەڵام بابزانین بۆچی ئەم تەشهیرات وبێڕێزیەی پێکراوە؟؟) چونکە:-
إِذا تُتلىٰ عَلَيهِ آياتُنا قالَ أَساطيرُ الأَوَّلينَ..واتە کاتێک ئایەتەکانمان بۆدەخوێندەوە دەیگوت ئەوانە لەئەفسانەو ئستوڕەکانی پێشینانن!
(بەڵام بابزانین بەپێی زانیاریە زانستییە بەردەستەکانی جیهانی ئەمڕۆ لەهەمبەر گەردون و فراوانیە بێکۆتاییەکەی، ئەم دەقە چەندە، مایەی پێکەنینە!
واتە ئەوان ئیدیعای ئەوە دەکەن، کە خودای خاوەن ئەم تێکستە، کە جنێو بەوەلیدی کوڕی موغیر دەدات، ئافڕێنەری زەوی و ئاسمانەکانە، ئەو ئاسمانەی بەپێی نوێترین زانیاری، دوورترین ئەستێرە کە لە ئێمەوە هەتا ئێستا دۆزرابێتەوە، 9ملیارو 300 هەزار ساڵی ڕووناکییە، کە ناونرا، “ئیكاروس” بەڵام بابزانین، ساڵێکی ڕووناکی چەندە، دەبێت لەچرکەیەکەوە دەست پێبکەین، واتە یەک چرکەی ڕووناکی 300 هەزار ساڵی ڕووناکییە، کە بەکورتی دەکرێت بەمجۆرەی خوارەوە لێکی بدەینەوە:-
1سەعات=3600 چرکە
1ڕۆژ=86400 چرکە ، واتەتێکڕای خێرایی ڕووناکی لەڕۆژێکدا دەکاتە: 86400×300000=25920000000 واتە زیاتر لە 25 ملیار کیلۆمەتر.
واتە، بۆ بڕینی هەمان ڕێگا، ئێمە لەماوەی 102 ساڵدا، پێویستیمان بە هەمان ئەو ساڕۆخەی چین هەیەکە لەکۆنتڕۆڵ دەرچووە و دەوترێت سبەینێ دەکەوێتە خوارەوە، کە خێراییەکەی لەسەعاتێکدا، 18 هەزار میلە کە دەکاتە نزیکەی 29 هەزار کیلۆمەتر لەسەعاتێکدا، بەڵام ئەگەر دوورایی ئەو ئەستێرەیەی کە 9 ملیارو 300 هەزار ساڵی ڕووناکی، لەئێمەوە دوورە، بۆ بڕینی هەمان ماوە بەهەمان خێرایی ساڕۆخە چینیەکە، چەند کاتمان پێویستە؟ کە بۆئەم ژمارەیەش، پێویستمان بەڕیز کردنی هێندەسفرە هەیە، کە لەلەژمارەنایەن، کە ئەوەش هێشتا دواخاڵ و دواپنی ئەم گەردونە نییە!).
ئەمەو چەندین ئایەتی دیکەی پڕ لە نەفرین ولەعنەتی دیکە، کە لەبەرامبەر ڕەخنەگران و بیرو بۆچوون وڕای جیاوازی دیکەو ئایینی دیکە وتراوە، کە بەهیچ جۆرێک لەگەڵ گیانی مۆڕاڵیانەی ئێمەمانادا ناگونجێت و لەگەڵ فەرهەنگی مەدەنیانەو سەردەمیانەی ئەمڕۆدا، سەرلەبەری ناکۆک وناتەبایە!
تێبینی:ناو کەوانەکان، تێبینی وسەرنجەکانی خۆمن.


تاهیر عیسا
/7.5.2021

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish