Notice: Function _load_textdomain_just_in_time was called incorrectly. Translation loading for the health-check domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/dengekan/public_html/wp-includes/functions.php on line 6121

Deprecated: Methods with the same name as their class will not be constructors in a future version of PHP; madarlite_slider has a deprecated constructor in /home/dengekan/public_html/wp-content/themes/madar-lite/widgets/slider-post.php on line 6

Notice: کرداری _load_textdomain_just_in_time بانگکرا بەهەڵە. بارکردنی وەرگێڕان بۆ پاوانی madar-lite زۆر زوو کارا بوو. بەشێوەیەکی گشتی ئەمە نیشانەیە کە هەندێک کۆد لە پێوەکراوەکە یان ڕووکار زۆر زوو کارا دەبن. وەرگێڕانەکان دەبێت باربکرێن لە کرداری init یان دواتر. تکایە تەماشای ڕاستکردنەوە لە وۆردپرێس بکە بۆ زانیاری زیاتر. (ئەم پەیامە زیاد زیاد کرا لە وەشانی 6.7.0.) in /home/dengekan/public_html/wp-includes/functions.php on line 6121
ڕاپەڕینی خەڵکی ئێران، شۆڕشێکی گەورە و مێژوویی.. جەعفەر عەزیم زادە – Denegkan

Skip to Content

ڕاپەڕینی خەڵکی ئێران، شۆڕشێکی گەورە و مێژوویی.. جەعفەر عەزیم زادە

ڕاپەڕینی خەڵکی ئێران، شۆڕشێکی گەورە و مێژوویی.. جەعفەر عەزیم زادە

Closed
by تشرینی یه‌كه‌م 22, 2022 General, Opinion

وەرگێڕانی بۆ کوردی:کاوە عومەر

‎ جیهان شاهیدی پێکهاتنی گەورەترین شۆڕشی سەدەی بیست و یەکە لە ئێراندا. ئه‌م شۆڕشه‌ له‌ ڕێڕەوی داهاتووی خۆی و پێشكه‌وتنه‌كانیدا لە رووی ئه‌و كاریگه‌رییه‌ گه‌وره‌یەی كه‌ له‌سه‌ر ئێران و ته‌واوی ناوچه‌ی رۆژهه‌ڵاتی ناوه‌ڕاست و جیهانی ده‌بێت، ته‌نها له‌گه‌ڵ شۆڕشی مه‌زنی فه‌ڕه‌نسا و شۆڕشی ئۆكتۆبه‌ردا به‌راورد ده‌كرێت.

‎ کۆتایی هاتنی دونیای دوو جەمسەری و شۆڕش و بزووتنەوە رزگاریخوازەکان و گۆڕینی بزووتنەوە تیرۆریستییە تاریکپەرستەکان و تیرۆریزمی دەوڵەتی بۆ ئەکتەر و پێشەنگی ململانێ ناوچەیی و جیهانییەکان لە سێ دەیەی ڕابردوودا، کۆتایی مێژوو نییە وەک هەندێک لە بیرمەندانی جیهانی سەرمایەداری ڕایانگەیاندووە، بەڵام سەرەتای قۆناغێکی نوێ بوو لە ململانێکانی مرۆڤایەتی لە سەردەمی سەرمایەداریدا .

‎شەڕەکان و وێرانکاریەکان و ڕووخانی پێنج وڵاتی گرنگ لە ناوچەی ڕۆژهەڵاتی ناوەڕاست و حوکمڕانی گەندەڵی و تاوان لەم ناوچەیە، جینۆساید لە ئەفریقا و ئەوروپای ڕۆژهەڵات و درێژبوونەوەی مەیدانی جەنگ و تیرۆر و تۆقاندن بۆ ناو دڵی ئەمریکا و وڵاتانی ڕۆژئاوا تا کێبڕکێی ئابووری و سیاسی توند و وێرانکەری، جەمسەرە جیاوازەکانی سەرمایە بۆ دەستەبەرکردنی هەژموونی و کۆنترۆڵیان بەسەر جیهانی دوای جەنگی سارددا لە لایەکەوە، و لە لایەکی دیکەوە، سەرهەڵدانی بزووتنەوە کۆمەڵایەتییە گرنگەکان لە بزووتنەوەی داگیرکردنی وۆڵ ستریتەوە بۆ ڕاپەڕینی ١٣٨٨ لە ئێران، بەهاری عەرەبی و سەرهەڵدانی بزووتنەوە عەلمانی و یەکسانیخوازەکان لە ئەفغانستانەوە بۆ لوبنان و دڵی کۆمەڵگاکانی ڕۆژئاوا، پریشکی گەورەترین و چارەنووسسازترین ململانێکان لە مێژووی مرۆڤایەتی لە سەردەمی دوای
جەنگی سارددابوون.

‎ئەگەر ڕاپەڕین و پێکهاتنی شۆڕش لە ئێران کەمترین پشتیوانی کرێکاران و هونەرمەندان و وەرزشوانانی دیاری جیهان، بزوتنەوەی جیهانی ژنان و مافی مرۆڤ، بیرمەندان و سیاسەتمەداران و فەیلەسوفەکان و ڕای گشتی جیهانی بۆ لای خۆی ڕاکێشابێت، ئەوە تەنیا هۆکاری خۆی نییە بەهۆی بوونی حکومەتێکی بێزراو و دژە ژن لە ئێراندا دروست دەبێت، بەڵام لەوەش زیاتر بە هۆی پێویستی جیهانی مرۆڤایەتی و هیوا و خەونەکانی بۆ دۆزینەوەی جیهانێکی باشتر لە چوارچێوەی قۆناغێکی پاشەکشەی خوێناوی و دژە مرۆڤی زیاتر لەسێ دەیەی ڕابردووە.

‎ شۆڕش و ئازادی و جۆش و خرۆشی بۆ گۆڕانکاری دوای ئاوابوونی ئازادی و یەکسانی و زاڵبوونی تیرۆر و تۆقاندن و وێرانکاری لە جیهاندا دوای جەنگی سارد، لە ناخی یەکێک لە تاریکترین حکومەتەکانی جیهانی ئەمڕۆدا سەرهەڵدەدات.

ئەو دروشمانە و هەموو ئەو شتانەی کە لە ماوەی مانگی ڕابردوودا بە پێشەنگی ژنانی چەوساوەی ئێران لە ناوەڕاستی ئاگر و خوێن لە شەقامەکانی شارەکانی ئێراندا دەرکەوتن، تەنیا نوکی شاخی سەهۆڵینی شۆڕشێکی مەزن و مێژووییە.

‎ بۆ یه‌كه‌م جار له‌ مێژووی شۆڕشه‌ هاوچه‌رخه‌كاندا، ژنان ئاگری شۆڕشێكی گه‌وره‌یان هه‌ڵیانگرساندوە و خۆیان به‌ ئاستی ملیۆنان له‌پێشەوەیدا بوون. ئەم دیاردەیە دیاردەیەکە لە قووڵایی و پانتایی خەباتی چینایەتی لە ئێران و جیهانی ئەمڕۆدا سەرهەڵدەدات.

‎ئەم شۆڕشە شۆڕشی ژنان و گەنجان و هەرزەکاران و کرێکاران و مامۆستایان و خوێندکارانی سەردەمی ئینفورماتیک و ئاڵوگۆڕی خێرای زانیاری و جیهانگیرییە. پاڵپشتی سەرسوڕهێنەری جیهانی بۆ ڕاپەڕین و شۆڕشی ئێستای ئێران ڕەگ و ڕیشەی لە چارەنووسی هاوبەشی مرۆڤایەتی لەگەڵ خەڵکی ئێراندا هەیە، کە لە ماوەی سی ساڵی ڕابردوودا، لە دابڕانی بزووتنەوە ئازادیخوازە گەورە و مێژووسازەکان و نەبوونی ئاسۆیەکی جیهانی و کاریگەر بۆ پێشخستنی لایەنە مرۆییەکانی شارستانیەتی مرۆڤایەتی، لە ژێر زاڵبوونی ڕەشترین ڕەوتی دەستکرد و نافەرمانڕەوا لە هەموو بەشەکانی جیهان بەیانی گەیاندوەتە شەو.

‎لەسەر بنەمای وەها پشتیوانیەکی ئازادیخوازانە و یەکسانیخوازانە لە شۆڕشی ئێستای ئێران کەبێوچان شەپۆل ئەدات و ئەو ڕۆڵە مێژوویی و چارەنووسسازەی کە چینی کرێکاری ئێران لە داڕشتنی ئاراستەی ئەم شۆڕشەدا دەیگێڕێت، سەرەڕای ئەو وێستگەیانەی کە لە هەلومەرجی ئێستای كۆماری ئیسلامی و لە پێشهاتەكانی دوای كۆماری ئیسلامیدا، کۆنەپەرستی ناوچەیی و تاوانبارانی نێودەوڵەتی، لەبەرانبەر پێشڕەویەکانیدا.سازش ولێبوردن لە نێوان وڵاتانی رۆژئاوا و رۆژهەڵات و ناوچەكە دروستی دەكات بۆ پاراستنی نامرۆڤانەترین پەیوەندییە سیاسییە كۆمەڵایەتی و ئابوورییە زاڵەکان بەسەر ناوچەی رۆژهەڵاتی ناوەڕاستدا. وە هیوا و ئاواتە سنووردارەکانی زۆرێک لە هێزە کۆمەڵایەتی و سیاسییەکان کە هاوتای قۆناغی شۆڕشی ١٩٧٩ن و بە تایبەتی ئەوانەی کە بەهۆی ئەو شۆڕشەوە بێدەسەڵات بوون، کاریگەرییەکی مێژوویی و چارەنووسساز لەسەر داهاتووی ئێران و ناوچەی ڕۆژهەڵاتی ناوەڕاست و جیهان بەجێدەهێڵێت .


وەرگێڕانی بۆ کوردی:کاوەعومەر

Previous
Next
Kurdish
Powered by TranslatePress