گرنگی و پێگەی جاڕنامەی بیست ڕێکخراو.. وەرگێڕانی بۆ کوردی: کاوە عومەر
دیمانەی خەلیل کەیوان لەگەڵ حەمید تەقوایی لەبەرنامەی وەڵام
بە پشتبەستن بە چاوپێکەوتنێک لەگەڵ کەناڵ جەدید ئامەدەکراوە
خەلیل کەیوان: شەوی سێشەممە ٢٥ی بەهمەن دەقێک لە ژێر ناوی جاڕنامەی لانی کەمی داواکارییەکانی سەندیکای کرێکاری و ڕێکخراوە مەدەنییە سەربەخۆکانی ئێران بڵاوکرایەوە کە دەستبەجێ کاریگەرییەکی بەرفراوانی لە میدیاکاندا هەبوو. ٢٠ ڕێکخراو لەوان شورای هاوئاهەنگی ڕێکخراوە پیشەییەکانی پەروەردەکارەکانی ئێران، یەکێتی ئازادی کرێکارانی ئێران، شورای ڕێکخستنی ناڕەزایەتیی کرێکارانی گرێبەستی نەوت، سەندیکای کرێکارانی کۆمپانیای قامیشی شەکری هەفت تەپە، دەنگی سەربەخۆی کرێکارانی گرووپی نەتەوەیی پۆڵای ئەهواز ، هەروەها چەندین ڕێکخراوی خانەنشینان، بەرگریکارانی مافی مرۆڤ، خوێندکاران و قوتابیان، ژنان، و پەروەردەکاران واژۆیان کردووە. گرنگی و پێگەی ئەم میساقە چییە؟ بڵاوکردنەوەی ئەم بەڵگەنامەیە چ کاریگەرییەکی لەسەر کەشوهەوای سیاسی و گوتارەکان و پرۆسەی شۆڕش هەیە؟ فرەچەشنی و فرەیی ڕێکخراوە واژۆکارەکان چ تایبەتمەندییەکی پێبەخشیوە؟ ئه م مانیفێسته چ کاریگه ڕییه کی له سه ڕ یه کڕیزی ڕیزه کانی شۆڕش هه یه ؟
حەمید تەقوایی، بڵاوکردنەوەی ئەم بەڵگەنامەیە، کە بە دروشمی شۆڕش واتە ژن، ژیان، ئازادی، دەستپێدەکات، هەر لە کاتژمێرەکانی سەرەتایەوە ڕەنگدانەوەی بەرفراوانی لە میدیا و سۆشیال میدیادا هەبووە. پێویست و گرنگی بڵاوکردنەوەی ئەم بەڵگەنامەیە لەم خاڵەدا چییە؟ چۆن پەیوەندی نێوان ئەم جاڕنامەیە و شۆڕشی ئێستا ڕوون دەکەیتەوە؟
حەمید تەقوایی: بە بڕوای من بڵاوبوونەوەی ئەم مانیفێستە خاڵی وەرچەرخان و خاڵێکی بەرزە لە شۆڕشی ژن ، ژیان ، ئازادیدا. ئەم جاڕنامەیە لە ڕاستیدا دروشمی ناوەندی ژن و ژیان و ئازادی لە بوارە جیاجیاکاندا دیاری دەکات و ڕوونی دەکاتەوە. دەڵێت ئازادی مانای چییە، مانای ڕزگاری ژن و یەکسانی نێوان ژن و پیاو چییە. چۆن ژیان بپارێزین، چۆن ستەم و چەوساندنەوە بوەستێنین، چۆن خۆشگوزەرانی دابین بکەین و هتدو.هتد. بە واتایەکی تر ناوەڕۆکی ئەم مانیفێستە لە ڕاستیدا مانای ڕوون و دیاریکراو و سیاسی و دەربڕینی دروشمی ژن ، ژیان ، ئازادییە. لەم ڕوانگەیەوە پێم وایە ئەم جاڕنامەیە مانیفێستی شۆڕشە. ڕاستە بە واژۆی بیست سەندیکا و ڕێکخراوی مەدەنی بڵاوکرایەوە، بەڵام کاتێک ناوەڕۆکەکەی لەبەرچاو دەگریت، کە زۆر گشتگیر و هەمەلایەنەیە تێدەگەیت کە لیستی داواکاری سەندیکای کرێکارانی سەندیکا جیاوازەکان نییە. ئەوە نییە کە سەندیکای کرێکاری جیاواز یان ڕێکخراوە مەدەنییە جیاوازەکان کۆبوونەتەوە و داواکارییەکانیان کۆکردۆتەوە و ئەمەیان بڵاوکردۆتەوە. ئەم مانیفێستە گوزارشت لە دیدگا و ئاسۆیەک و پێناسەیەکی قووڵی ئینسانی دەکات بۆ ئامانج و ئایدیالی شۆڕشی ئێستامان. لەم ڕوانگەیەوە پێویستە ئاڵای شۆڕش و مانیفێستی شۆڕش بێت، وە خاڵی وەرچەرخان و هەنگاوێکی گەورەیە بۆ پێشەوە لە شۆڕشی ژن،ژیان، ئازادیدا.
خەلیل کیوان: بەڵگەنامەکە ئاراستەی خەڵکی شەریف و ئازادی ئێران کراوە. قسەی بۆ کۆمەڵگا کردووە. بەڵام لە ناونیشانی بەڵگەنامەکەدا داواکارییەکانی سەندیکا و ڕێکخراوە مەدەنییەکان هاتووە. ئایا ئەمە تەنیا بەڵگەنامەیەکی پیشەیی- مەدەنییە یان بەڵگەنامەیەکی سیاسییە؟
حەمید تەقوایی: بەڵێ واژۆکارانی میساقەکە ڕێکخراوە پیشەیی و مەدەنیەکانن و ئەمەش لایەنێکی گرنگی ئەم بەڵگەنامەیە، چونکە ئەمانە ڕێکخراون کە مێژوویەکی چەندین ساڵەیان هەیە، و هەندێکیان دەیان ساڵە، لە بەرەنگاربوونەوەی کۆماری ئیسلامیدان لە بوارێکی دیاریکراودا یان چوارچێوەی چینێکی دیاریکراو کە شەڕیان کردووە. ئێستا کە شۆڕش دروست بووە، ئەو ڕێکخراوانە کۆبوونەتەوە و بەڵگەنامەیەکیان پێشکەش کردووە، وەک وتم، بۆ خستنەڕووی ڕوانگەی شۆڕش، پێشبینی و چاوەڕوانییەکانی شۆڕش، داواکارییەکانی شۆڕش.
دەبینیت ناوی ئەم بەڵگەنامەیە ئاماژەیە بۆ لانی کەمی داواکاری پێشەی و مەدەنیە، بەڵام لە خودی دەقەکەدا دەڵێن تا ئەو کاتەی ئەمە سەرخانی سیاسی بێت، واتە کۆماری ئیسلامی لە دەسەڵاتدا بێت، ئەو داواکاریانە جێبەجێ ناکرێن . لە شوێنێکدا دەڵێن ئەو داواکاریانە “فەرمانی” شۆڕش و “ئەنجامی ناڕەزایەتییە بنەڕەتییەکانی خەڵکی ئێرانن”. بۆیە نووسەران خۆیان ئاگادارن کە ئەمە تەنها بەڵگەنامەیەکی پیشەیی نییە، بەڵکو بەڵگەنامەیەکە بەناوی یەکێتی و ڕێکخراوە مەدەنییەکان بە ڵام ڕوو بە کۆمەڵگە و بۆ ڕزگارکردنی کۆمەڵگەیە.
ئەم جاڕنامەیە ڕزگاری لە دوو ئاستدا پێناسە دەکات و ڕوونی دەکاتەوە. لە ئاستێکدا قووڵتر دەبێتەوە و “نا” بۆ کۆماری ئیسلامی دیاری دەکات؛ وەک چۆن دین لە هەموو حکومەت داببڕدرێت، لەچارەنووسی سیاسی و یاسا و هتد، وەک هەموو ئۆرگانەکانی ستەم هەڵبوەشێنرێنەوە و دەسەڵاتدارەبکوژەکان دادگایی بکرێن و ئەو سامانەی کە بە دزی و تاڵانکردنی موڵکی گشتی کەڵەکە بووە، دەستی بەسەردا بگیرێت و بۆ سوودی خەڵک.بەکاریان بهێنن ئەمانە لە ڕاستیدا دەڵێن “نا” بۆ کۆماری ئیسلامی چی دەگەیەنێت.
لە لایەکی ترەوە بە ئیجابی دەڵێت چی بکرێت بۆ ئەوەی کۆمەڵگا ئازاد و یەکسان بێت؛ بۆ ئەوەی بتوانێت ژن ، ژیان ، ئازادی بپارێزێت و ماف و خواستی خەڵک بەدیبهێنێت. سەبارەت بە ئازادی بێ قەیدو شەرت، ئازادی ڕێکخراوبوون، حزبایەتی، خۆپیشاندان، مانگرتن و هتد دەڵێت. هەروەها هەندێک داواکاری خۆشگوزەرانی دەوروژێنێت، وەک خوێندنی بێبەرامبەر، چاودێری تەندروستی بێبەرامبەر، دابینکردنی ژیانی منداڵان سەربەخۆ لە داهاتی خێزان، ئاسایشی کار و زیادکردنی دەستبەجێی مووچە. باس لە نەهێشتنی ستەم و هەڵاواردنی نەتەوەیی و ئایینی و چینایەتی دەکات و داوای ڕێگریکردن لە لەناوچوونی ژینگە و دەستەبەرکردنی مافی پەلکەزێڕینەکان و هاوڕەگەزخوازەکان و هتد دەکات. هەموو ئەمانە بە شێوەیەکی گشتگیر لەم بەڵگەنامەیەدا هاتووە. بۆیە هەم لە ڕووی ڕەخنەی بنەڕەتی لە دۆخی هەبوو و چ لە ڕووی وێنەی ئایدیاڵەکانەوە، پێم وایە ئەم بەڵگەنامەیە بە شێوەیەکی زۆر هەمەلایەنە ئەم دوو ئەرکەی بە باشی ئەنجام داوە و وەک خۆی وتی ئەمانە فەرمانەکانن لەم شۆڕشە، ئەو خواست و داواکاریانەی کە دەبێت بە سەرکەوتنی شۆڕش جێبەجێ بکرێن. ئەمانە داواکاریەک نین کە تەنانەت یەکێکیشیان لە چوارچێوەی کۆماری ئیسلامیدا جێبەجێ بکرێت و ئەو بەڵگەنامەیە لە پێشەکییەکەیدا ئەمە ڕادەگەیەنێت.
خەلیل کەیوان: میدیاکان سەبارەت بەم کارە وشەی “بێوێنە”یان بەکارهێناوە. شوێنی ئەم ژمارەیە لە ڕێکخراوەکان و پێکهاتە هەمەچەشنەکەی ئاماژەیە بۆ ئیرادە و هەوڵێکی بەهێز بۆ یەکخستنی بزووتنەوە کۆمەڵایەتییەکان و کێشانی یەک ئاسۆ. دەزانن زیاتر لە ٥٠ ڕێکخراو بانگەوازی ناڕەزایەتی هاوبەشیان بۆ ٢٧ بەهمەن بڵاوکردۆتەوە. بڵاوکردنەوەی مانیفێستەکە لە سەروبەندی ٢٧ی بزووتنەوەی بەهمەن مانای چییە؟ ئەمانە چۆن پەیوەندییان بە یەکەوە هەیە و چۆن کاریگەرییان لەسەر یەکتر هەیە؟
حەمید تەقوایی: لە شۆڕشدا ئێمە لەبەردەم دوو جۆر ڕێکخراو و گردبوونەوە و دامەزراوەی شۆڕشگێڕانەداین، دەستەیەک ئەوانەن کە بەرهەمی ئەم شۆڕشەن، یان دەکرێ بڵێین ئەو ڕێکخراو و کۆبوونەوانەن کە لە شۆڕشەوە سەریان هەڵداوە، وەک ئەو پەنجا ڕێکخراوەی کە باست کرد. ڕێکخراوەکانی لاوان و خوێندکاران و پزیشکان و ژنان و چین و توێژە جیاوازەکانی کۆمەڵگا کە داوای ٢٧ بەهمەنیان کردووە. پێشتر بانگەوازی هاوشێوەیان کردبوو، بۆ نموونە بۆ ١٤ تا ١٦ی ئازەر و ٢٩ بۆ ٣٠ی ئازەر و خۆشبەختانە ژمارەی ئەو کۆبوونەوانە زیادی کردووە. ئه مانه ڕێکخراو و کۆبوونه وه کانن که له ناو دڵی شۆڕشدا پێکهێنراون و ڕۆڵێکی گرنگ و کاریگەریان له شۆڕشدا هه بووه و به رده وامن.
دەستەی دووهەمیش ئەو ڕێکخراوانان کە لە ماوەی ساڵانێک و بەشێکیشیان دەیان ساڵەی خەبات دژی کۆماری ئیسلامی پێک هاتوون. ئەمانە ئیرادەدار و شارەزان. کۆمەڵەی یەکەمی ئەو ڕێکخراوانەی لەناو شۆڕشەوە سەریان هەڵدا، هەرچەندە ناوی ڕاستەقینە و ڕەوان و چالاک و کاریگەرن، بەڵام بەهۆی بارودۆخی شۆڕش و هەلومەرجی ئەمنیەوە، نهێنین و هەڵسوڕاوەکانیان ناناسرێن. بەڵام ئەو ڕێکخراوانەی ئەم جاڕنامەیەیان دەرکردووە، ڕێکخراوی ناسراو و متمانەپێکراون، چەندین ساڵە چالاکن و زۆرێک لە سەرکردە و چالاکوانەکانیان زیندانی کراون، هەندێکیان تا ئێستاش لە زینداندان و لە هەر حاڵەتێکدا، سەرقاڵی بوون ململانێیەکی بەردەوام لەگەڵ کۆماری ئیسلامی. بەشێک لە داواکارییەکانی میساقەکە لە شەڕە جۆراوجۆرەکاندا وروژێنراون، بۆ نموونە لە یەکی ئایار و ٨ی مارسدا. ئەم ڕێکخراوانە بەم ڕابردوو وکارنامە دەوڵەمەندە هاتوونەتە پێشەوە. ئەمانە ئەو ڕێکخراوانەن کە لە بزووتنەوە ناڕەزایەتییە حەق و ئازادیخوازەکانی ناو کۆمەڵگەی ئێراندا سەریان هەڵداوە، خاوەنی ئەزموون و مێژوویەکی زۆرن. ئەمانە دەبێ بە بڕبڕەی پشتی شۆڕش هەژمار بکرێن. شۆڕشی ژن ، ژیان ،ئازادی لەسەر شانی ئەو دەزگا و ڕێکخراوانە دروست بووە. بۆ نموونە لە ساڵانی ڕابردوو و بە گشتی لە سەردەمی دەسەڵاتی کۆماری ئیسلامیدا بزووتنەوەی کرێکاری زۆرترین مانگرتنی هەبووە، تۆماری مانگرتنی هەبووە و دەزانن کە هەفت تەپە لە جیهاندا بە پایتەختی مانگرتن ناسراوە. ئێستا هەفت تەپە یەکێکە لە واژۆکارانی ئەم جاڕنامەیە.
بە واتایەکی تر، سەرمایەیەکی خەباتگێڕی، ئامراز و دەسەڵاتێک کە لە ماوەی دەیان ساڵ خەباتدا پێکهاتووە، لە پشت ئەم جاڕنامەدایە و بەم مانایە، جاڕنامەکە لە قووڵایی کۆمەڵگەوە سەری هەڵداوە، دەنگی لە قووڵایی شۆڕشەوە بەرز دەبێتەوە و نوێنەرایەتی هەموو خەڵکی ئێران دەکات.
بە بڕوای من ئەم دوو جۆرە ڕێکخراوانە کە لە شۆڕشەوە سەریان هەڵداوە، و ئەو ڕێکخراوانەی کە مێژوویەکیان هەیە لە بەرەنگاربوونەوەی بزووتنەوە ناڕەزایەتییەکان، دەتوانن لە دەوری ئەم جاڕنامەیە کۆببنەوە، ئێستا ئەم بزووتنەوەیە دەستی پێکردووە. هیوادارم ئەم جاڕنامەیە یەکەمجار لە لایەن زۆرترین ڕێکخراوی ناڕەزایەتی کۆمەڵایەتییەوە پاڵپشتی بکرێت و دووەمیش ئەو ڕێکخراوانەی لە شۆڕشەوە سەریان هەڵداوە پەیوەندی پێوە بکەن و بەم شێوەیەش ئەو یەکگرتووییەی کە هەمووان بەدوایدا دەگەڕێن واقیعییە و لەسەر زەمینە، لە قوڵایی کۆمەڵگەوە.لە ناخی ململانێی مەیدانی و شەقام و ناڕەزایەتییە جۆراوجۆرەکاندا، گۆڕەپانێک پێک بێت و ببێتە دەسەڵاتێک کە بە هەموو شێوەیەک زامنی سەرکەوتنی ئەم شۆڕشە بکات.
خەلیل کەیوان: ئەم جاڕنامەیە بە ١٢ بڕگە بڵاوکراوەتەوە. هەڵسەنگاندنی ئێوە بۆ ناوەڕۆکی داواکارییەکانی چییە؟ تایبەتمەندی و گرنگی ناوەڕۆکەکەی چییە؟
حەمید تەقوایی: ناوەڕۆکی جاڕنامەیە لە دوو لایەنەوە گرنگە. لایەنێک بریتییە لە گشتگیربوونی. من هیچ بەشێک لە کۆمەڵگا ناناسم کە داواکارییەکەی لەم جاڕنامەدا دەرنەبڕێت. لایەنی دووهەم ڕادیکاڵبوون و مرۆڤایەتی و ماکسیمالیزمی داواکارییەکانییەتی. ئایدیاڵە. وەک وتم ئایدیاڵەکانی ژن ، ژیان ، ئازادی لە شێوەی خواست یان ئامانج یان بەپێی خودی جاڕنامەکە فەرمانەکانی شۆڕش لەمجاڕنامەیەدا خراوەتەڕوو.
لە ڕووی گشتگیرییەوە دەبینین کە داواکاری کرێکاران و مامۆستایان و خانەنشینان لەم جاڕنامەیەدایە، باس لە مافی منداڵان دەکات، باسی ئازادی ژنان دەکات، مافی کۆلکەزێڕینەکان و LGBQ بەرز دەکاتەوە، داوای ئاسایشی کۆمەڵایەتی و خۆشگوزەرانی گشتی دەکات.هەروەها داواکاری شۆڕشگێڕانەی هەمووجەماوەری دژی حکومەت بەرزدەکاتەوە، وەک بەتاوان کردنی چالاکییە سیاسی و مەدەنییەکان ڕابگیرێت، هەموو زیندانییەکان ئازاد بکرێن، سزای لەسێدارەدانمان نەبێت، هەموو دەزگاکانی سەرکوت هەڵبوەشێنرێنەوە، هتد. لەم ڕوانگەیەوە پێموانییە بەشێک لە کۆمەڵگا هەبێت لێرەدا داواکاری و داخوازییەکانی خۆی نەبینێت. لێرەدا بزووتنەوەی دادگاییکردن نوێنەرایەتی دەکرێت، بزووتنەوەی ژینگەپارێزی نوێنەرایەتی دەکرێت، بزووتنەوەی پەلکەزێڕینەکان، بزووتنەوەی کرێکاری، مامۆستایان، بزووتنەوەی خانەنشینان، ژنان و هەموو بزووتنەوە ناڕەزایەتییەکان و هەموو چین و توێژەکانی کۆمەڵگا، بە یەک وشە، ئەمڕۆ بەناو لەسەدا کان٩٩ .
لەم جاڕنامەدا داواکارییە ڕەواکانی خۆیان دەبیننەوە. لە ڕاستیدا ٩٩٪ی کۆمەڵگا بەم جاڕنامە داوانامەی خۆیان لە دژی فەرمانڕەوای لەسەدا یەکە مفتەخۆرەکان ڕادەگەیەنن. ئەم جاڕنامەیە دژی چەوساندنەوەی چینایەتییە و باس لە هەڵوەشاندنەوەی کۆیلایەتی کرێکاری دەکات. باس لەوە دەکات کە خەڵک ڕاستەوخۆ بەشداری لە چارەنووسی خۆیان بکەن و خۆیان لە شوراکاندا ڕێکبخەن و هەرکاتێک بیانەوێت بتوانن هەر بەرپرسێک لە کارەکانیان دووربخەنەوە. واتە جەختکردنەوە لەسەر دروشمی ئیدارەی شورایی کە کرێکارانی هەفت تەپە چەند ساڵێک لەمەوبەر بەرزیان کردەوە و لە کۆمەڵگادا پێشوازییەکی باشی لێکرا. ئەم ڕێکخراوە شورایانە تەنیا لە بزووتنەوەی کرێکاری یان ئەم بزووتنەوەیە یان ئەو بزووتنەوە سنووردار نین، بەڵکو هەموو کۆمەڵگا دەگرێتەوە. شوراکان فۆرمێکی دیاریکراوی ڕێکخستنی جەماوەری خەڵکە کە نیشان دەدات کۆمەڵگا، لەسەدا ٩٩، چۆن دەبێت خۆیان لە ڕێکبخەن بۆ ئەوەی کۆنترۆڵی چارەنووسیان بکەن. بۆ بەدیهێنانی دروشمی ژن ، ژیان ، ئازادی بە شێوەیەکی کردەیی و ئەرێنی، لێدانی ڕیشەی تەواوی نەزمی هەبوو. هەر بەم ئامانجانەشە کە جاڕنامەکە نووسراوە و بە باشی نوێنەرایەتی ئەمە دەکات.
بەکورتی گرنگی جاڕنامەکە لە دوو لایەنەوەیە، یەکێکیان ئەوەیە کە گشتگیرە و داواکارییە حەقەکانی هەموو چین و توێژەکانی کرێکاران و زەحمەتکێشان و کۆمەڵگای ستەملێکراو لەخۆدەگرێت و ئەوەی دیکەشیان ئەوەیە کە زۆر مرۆڤدۆستانە، ڕادیکاڵ، مۆدێرن، شارستانی و هاوچەرخ و لە هەردوو لایەنەوە ڕەنگدانەوەی باشی هەموو ڕووخساری شۆڕشی، ژن ژیان ئازادییە و ئاڵای ئەم شۆڕشەیە.
خەلیل کەیوان: کاریگەری ئەم بەڵگەنامەیە لەسەر پرۆسەی شۆڕش و بەهێزبوونی چییە؟ پەیوەندییەکەی لەگەڵ ئەڵتەرناتیڤی سیاسی و داهاتوودا چییە؟
حەمید تەقوایی: ماوەیەکی زۆرە لەلایەن حزب و هێزەکانی ناوخۆ و دەرەوەی وڵاتەوە باس لەوە دەکرێت کە یەکڕیزی گرنگە و لەڕاستیدا یەکڕیزی ڕیزەکانی خەڵک بە کلیلی سەرکەوتنی شۆڕش دەزانن، بەڵام کۆی گشتی مەسەلەکە ئەوەیە کە یەکێتی لەبارەی چییەوەیە؟ لێرەدا کلیلەکە دەخەینە ڕوو. یەکگرتنبە وتنەوەی یەکڕیزی یەکڕیزی و هەموو هێزەکان پێکەوە بن، ناگاتە هیچ شوێنێک. یەکگرتوویی تەنیا دەتوانێ لە دەوری قووڵترین ئارەزووی ئینسانیەکان ڕووبدات چونکە هەشتا و حەوت میلیۆن کەسی ئێران، هەرچەندە خاوەنی ئایین و نەتەوەی جیاواز و ڕەگەزی جیاواز و ئاراستەی سێکسی جیاواز و پێگەی کۆمەڵایەتی و چینایەتی جیاوازن، بەڵام لە یەک شتدا یەکگرتوون، ئەویش ئەوان هەموویان ئینسانن و وەک هەموو خەڵکی جیهان دەیەوێت لەگەڵ یەک یەکسان بن و کەرامەتی ئینسانیان هەبێت. هەر بۆیە دروشمی ژن ژیان ئازادی بۆتە ئایکۆنێک، هێمایەکی جیهانی. هەموو خەڵکی جیهان لە بەردەم شۆڕشی ئێراندا کڵاوەکانیان دادەکەنن و ئەم شۆڕشە بە شۆڕشی خۆیان دەزانن چونکەئینسان دۆستانەیە. جاڕنامە نوێنەرایەتی و بەرزکردنەوەی خواست و ئایدیاڵە قووڵەکانی ئینساانیەکانی جەماوەری خەڵکی دەکات و هەربۆیە بە تاکە ڕێگەی دروست و کردەیی و ڕاستەقینەی یەکخستنە.
ئەگەر گرنگی بە باس و بۆچوونەکانی تر بدەیت سەبارەت بە یەکگرتوویی و یەکگرتن، هیچ شتێک لە تەوەری یەکڕیزیدا نابینیت. لەسەر ئاستی گشتی باس لە یەکڕیزی دەکرێت دژی حکومەت و بۆ ڕووخاندنی. بەڵام خاڵی سەرەکی لێرەدا ئەوەیە کە تێگەیشتن و مەبەستمان لە حکومەت و ڕووخاندن چییە. لە جاڕنامەکەدا هاتووە کەدەڵێت بمرێت خامنەیی بە واتای مردنی تەواوی سیستەم و ڕووخانی سیستەمەکە بە ڕوونی مانای ئەوەیە کە من لە سەرەوە ڕوونم کردەوە. هەروەها لە جاڕنامەکەدا بە تایبەتی و بە ڕوونی دروشمی ناوەندی ژن، ژیان، ئازادیی هاتووە. واتە ئازادی، مانای ژیانە، بە مانای یەکسانی ژن و پیاو و بەم شانازییە دەتوانێ میحوەر و ئاڵای یەکگرتوویی بەشێکی بەرفراوانی کۆمەڵگا بێت. جاڕنامه ده توانێت خه ڵکی پارێزگا سنوورییه کان به تاران، شیراز، ئیسفههان و هه موو شوێنێک به ئێرانییه کانی تاراوگه وه یه ک بخاته
لەسه ر بنه مای میحوەرێک که به ڕاستی یه کگرتوویی زامن ده کات و به هێزتری ده کات و سه قامگیری ده کات. بە بڕوای منجاڕنامە ٢٠ ڕێکخراو پایەیەکی گرنگی یەکڕیزی و هاوپشتی و سەرکەوتنی شۆڕشی ئێستایە.
١٥ی شوباتی ٢٠٢٣، ٢٦ی بەهمەن ١٤١٠
سوپاس بۆ ئەمیر تەوەکولی بۆ نوسینەوەی دەقی سەرەتایی ئەم چاوپێکەوتنە
