Skip to Content

چاره‌نووسی داعشه‌ زیندانی كراوه‌كان به‌ره‌و كوێ…  ئه‌حمه‌د كامه‌ران

چاره‌نووسی داعشه‌ زیندانی كراوه‌كان به‌ره‌و كوێ… ئه‌حمه‌د كامه‌ران

Closed
by December 8, 2019 General

داعش ئه‌و گرووپه‌ تیرۆرستیه‌ی كه‌ له‌ئه‌نجامی ئه‌و ململانێیه‌ی نێو ڕۆژهه‌ڵاتی ناوه‌ڕاست به‌تایبه‌تی كه‌ له‌ عێراق و سوریا درووست بووه‌ كه‌ وای كرد گرووپێكی توندڕه‌و به‌ناوی داعشه‌وه‌ سه‌رهه‌ڵبدات كه‌ خۆیان له‌ ژێر ئاڵای ئیسلامه‌وه‌ ده‌بینیه‌وه‌, كه‌ چه‌ندان كاری قێزه‌ونیان ئه‌نجام دا به‌ درێژایی ئه‌و چه‌ند ساڵانه‌ی ڕابردوودا,به‌ڵام خۆی له‌ ڕاستیدا ئه‌و گرووپه‌ به‌ شێوه‌یه‌كی یه‌كجاره‌كی كۆتایی نه‌هاتووه‌ ئه‌گه‌ر كۆتایش پێهاتبێت به‌ڵام هێشتا فكرو ئایدیاكه‌ی به‌دوای خۆی به‌جێ هێشتوه‌ كه‌ ئه‌مه‌یان له‌ هه‌مووی مه‌ترسیدار تره‌.
هه‌رچه‌نده‌ ئێستا به‌شێكی زۆری ئه‌و داعشانه‌ له‌ نێو كوچی زیندانه‌كاندان به‌ تایبه‌تیش به‌شێكیان له‌ زیندانه‌كانی حه‌سه‌كه‌ن, ئه‌مه‌ش ئه‌وه‌مان پێ ده‌ڵیت: كه‌ جارێ داعش به‌ كۆتایی نه‌هاتووه‌ چوونكه‌ بوونی ئه‌و كه‌سانه‌ له‌ نێو زیندان به‌ مه‌ترسی داده‌نرێت, هه‌رچه‌نده‌ له‌ماوه‌ی ڕابردوودا كوشتنی ئه‌بوبه‌كر به‌غدادی ڕاگه‌ینرا كه‌ سه‌رۆكی ڕێكخراوی داعشه‌كان بوو , به‌ڵام به‌ كوشتنی یه‌ك كه‌س ئه‌م جۆره‌ ڕێكخراوانه‌ به‌ كۆتایی نایه‌ت چوونكه‌ له‌ پاڵی دا به‌ چه‌ندان كه‌سی تر په‌یدا ده‌بن كه‌ خۆیان به‌ سه‌رۆكی گرووپی هاوشێوه‌ی له‌م جۆرانه‌ داده‌نێن, یاخود هه‌تاوه‌كو ئێستاش ئه‌م فكرو ئایدیایه‌ی له‌ نێو هزری خه‌ڵكه‌كان دا ماوه‌ به‌تایبه‌تی ئه‌وانه‌ی له‌ ژێر ده‌ستی ئه‌م گرووپه‌دا بوون بۆیه‌ ده‌بێت كار له‌سه‌ر كۆتایی پێ هاتنی فكری توندڕه‌وی بكرێت كه‌ بۆئه‌وه‌ی جارێكی تر گرووپ و ڕێكخراوی هاوشێوه‌ی داعش درووست نه‌بێته‌وه‌, به‌تایبه‌تی ئه‌وانه‌ی ئێستا كه‌ له‌نێو كووچی زیندانه‌كان دان پێویسته‌ به‌ شێوه‌یه‌ك په‌روه‌رده‌ بكرێن كه‌ جارێكی بتوانن به‌ شێوه‌یه‌كی ئاسایی و ته‌ندروستانه‌ بێنه‌وه‌ نێو باوه‌شی كۆمه‌ڵگاكانیان وه‌ خۆیان له‌و جۆره‌ فكرو ئایدیانه‌ بپارێزن. ئه‌گه‌ر كار له‌سه‌ر په‌روه‌رده‌یه‌كی ته‌ندروست نه‌كرێن ئه‌و زیندنی كراوانه‌ ئه‌وه‌ دووباره‌ ئه‌و جۆره‌ كه‌سانه‌ ده‌بنه‌ هۆكاری مه‌ترسی بۆ نێو سه‌رجه‌م كۆمه‌ڵگاكان , خۆی له‌ ڕاستیدا هه‌ندێكیان كه‌سانی نه‌فام و كه‌م عه‌قلن چوونكه‌ ئاستی ڕۆشنبیریان زۆر لاوازبووه‌ كه‌ خۆیان ڕاده‌ستی ئه‌م جۆره‌ ڕێكخراو و گرووپانه‌ كردوه‌ .
به‌داخه‌وه‌ ئه‌مه‌ یه‌كه‌م گرووپ نه‌بووه‌ كه‌ له‌ نێو ڕۆژهه‌ڵاتی ناوه‌ڕاست سه‌ری هه‌ڵدابێت له‌ ساڵانی ڕابردوو هاوشێوه‌ی گرووپی له‌م جۆرانه‌ له‌ ژێر ناوی جۆراو جۆری دیكه‌وه‌ سه‌ریان هه‌ڵداوه‌ كه‌ له‌ ده‌رئه‌نجام دا كاولكاری وێرانكاریان ئه‌نجام داوه‌ ئه‌وی لێره‌دا جێگای سه‌رسوڕمانه‌ كه‌ نازانم بۆچی ئه‌م گرووپانه‌ سه‌رهه‌ڵده‌ده‌ن و له‌ پاشانیش كۆتایی پێیان دێت به‌ بێ ئه‌وه‌ی هیچ ده‌سكه‌وتێكیان به‌ده‌ست هێنابێت به‌ڵام تاكه‌ ده‌سكه‌وتیان ئه‌وه‌ بووه‌ كه‌ خه‌ڵكی به‌دبه‌خت و داماویان سه‌رگه‌ردان و ماڵوێران كردوه‌ هیچی دیكه‌.

Previous
Next