Skip to Content

چۆن و بە کێ … کەنعان مدحەت

چۆن و بە کێ … کەنعان مدحەت

Closed
by September 9, 2020 General, Poems


سەرقاپی هەر بابەتێ هەڵدەدەمەوە
هەڵمی دۆڕان
خۆ هەرزان فرۆشی و
سڕینەوە
چاویلکە پزیشکییەکەم تەماویی و
بەرد بە بەردی بنیاتنراوی نەتەوایەتیم
رادەماڵێ.
کێبڕکێی نێوان زایەڵە و
هەورەتریشقە
هەمو ئەو پەلوپۆ تێر و تەسەڵانەی
لە کوردایەتی و هەڵویست و
کەسایەتی..
دەرووتێنێ.
ئەی برینە کولاوەکە
چەکوشە بە هەڵمەتەکەی کاوە
ئەم هەمو زوحاکە خۆماڵییانە ،
چۆن و
بە کێ ،
گزک دەدرێ ؟!!

١٨/١٢/٢٠١٨
مالموێ / سوید

Previous
Next