ژینگە دۆست … عەلی حەمەڕەشید بەرزنجی

لە سەیران و لە گەشتا
لە گرد و دۆڵ و دەشتا
بابە و دایە و خزمانم
لەگەڵ گشت ھاوڕێکانم
وەک (ژینگە دۆست) دەمناسن
ڕێزی زۆرم لێدەگرن
چونکە لەوە دڵنیام
لای ئەوان وەک پێشەنگ وام
دوای تەواو بوون لە سەیران
ئەوانیش لەگەڵ مندان
بە یەکەوە وەک یاری
بە گیانی پڕ ھاوکاری
چی پاشماوەیەک ھەبوو
کۆی دەکەینەوە ھەموو
چەند کیسێکمان ھێناوە
بۆ خاشاک و پاشماوە
تا ئەو شوێنە خاوێن بێ
بۆ ئەوەی دوای ئێمە دێ
……
٢٢/١/٢٠٢٠

Ali Hamarashid