Skip to Content

کتێبی ” مارکس لە ئێستادا” لە چاپ هاتە دەر

کتێبی ” مارکس لە ئێستادا” لە چاپ هاتە دەر

Closed
by ته‌مموز 1, 2018 Books, General

مارکس لە ئێستادا، مەلەفێک بوو ماڵپەڕی دەنگەکان بە یارمەتی چەند هاوڕێیەک لە 2010وە وەک پرسێکی ڕۆشنبیری دەستی بۆبرد، لەو بارەوە ڕووی کردە کۆمەڵێک نووسەر بە میتۆدی فیکری جیاوازەوە، بۆ ناسینی جێگاو ڕێگای مارکس.
ئەم پرۆژەیە درێژەی کێشا تاوەکوو 2017 و ئەنجام وەک کتێبێک بەچاپکراوی کەوتە بەردەستی خوێنەران. شایانی باسە لە درێژەی ئەو ماوەیەدا چەندینجار هەوڵی چاپکردنمان دا بەڵام بە هۆکاری جیاواز کارەکە ئەنجام نەدرا.

ئەم کتێبە لە ئێستادا لە کتێبخانەی (جێژوانی خوێنەر و ئەندێشە) لەشاری کەرکوک، چەمچەماڵ – کتێبخانەی چەرموو، سلێمانی کتێبخانەی ئەندێشە دەستدەکەوێت. لە داهاتوویەکی نزیکیشدا دەگاتە کتێبخانەکانی تر لە شارو شارٶچکەکانی تری کوردستان.

بەشدار بووانی ئەم مەلەفە:
عەدنان کەریم – بێن لویس – دلێر محەمەد شەریف – هەندرێن – هێلیل تیکتین – جۆگیبینس- جێسیکا کاسڵ – کامیار سابیر – کاروان عومەر کاکەسوور – پرۆفیسۆر لارس تی لی – مایکڵ مەکنێر – پێر ئاک وێستەرلاند – نزار عەبدوڵڵا – سەڵاح ئەحمەد – سیروان عەبدول – سیاوەش گودەرزی.

داڕشتنی پرسیارەکان: نیهاد جامی، گۆران عەبدوڵڵا
وەرگێڕانی بابەتە ئینگلیزێکان بۆ سەر زمانی کوردی:
ڕۆژ ئەحمەد و نەجات عەزیز
ئامادەکردن و سەرپەرشتیاری مەلەف : گۆران عەبدوڵڵا
دیزاینی بەرگ: ڕۆدا مدحەت
چاپی یەکەم 2018 کەرکوک، چاپخانەی ڕوئا بۆ چاپ و بڵاوکردنەوە

mm

نووسەر و رۆژنامەنووس نەوزاد مدحت ناسراو بە (گۆران عەبدوڵڵا) لە شاری کەرکوک لە دایک بووە خوێندنی لە( ئامادەیی ثورە) تەواو کردووە، دوواتر لە پەیمانگای هونەری موسڵ بەشی موحاسەبە وەرگیراوە. بەهۆکاری نەچوونە جەیشی شەعبی لە دووا قۆناغ فەسڵکرا. وەک کەسێکی سیاسی و ناڕازی درێژەی بە کاری سیاسی خۆی دا، لە پاش ڕاپەڕین لە شاری هەولێر یەکێک بووە لە دامەزرێنەرانی یەکێتی بێکاران و ئەندامی دەستەی نووسەرانی رۆژنامەی( دەنگی بێکاران) بووە تا ناوەڕاستی ساڵی ١٩٩٥. لە ١٩٩٦ ەوە نیشتە جێی وڵاتی کەنەدایە. لە ١ی حوزەیرانی ٢٠٠٢ وە ماڵپەڕی دەنگەکانی(www.dengekan.com) وەک رۆژنامەیەکی ئەلیکترۆنی رۆژانە دامەزراندووە وە تا ئێستاش بەردەوامە. لە ٢٠٠٥ بەشی وێب پەیج دیزاینی لە (Durham computer & Business college) تەواوکردووە. لە درێژەی کارە رۆژنامەوانێکەیدا سەرباری بڵاوکردنەوەی بابەتە سیاسی و ئەدەبی و کەلتورێکان چەندین مەلەفی جۆراو جۆری کردۆتەوە سەبارەت بە بارودۆخی سیاسی عێراق و کوردستان لە بوارەکانی دیموکراتی، ژنان، گەندەڵی و ئازادیدا وە چەندین چاوپێکەوتن و گفتوگۆو کۆڕی وەک ماڵپەڕی دەنگەکان ئەنجام داوە. وە بەشێک لە لەو چاوپێکەوتنانە لە شێوەی کتێب چاپکراون وەکو: مارکس لەمڕۆدا، بەزمانی کوردی، بزووتنەوەی سۆشیالیستی لە کەنەدا بە زمانی ئینگلیزی سەرباری کاری رۆژنامەوانی بەشداربووە لە دامەزراندنی رێکخراوەی (پەیوەندی کوردی دژی جینۆساید) کە هەستان بە رێکخستنی چەندین بۆنە لە شاری تۆرۆنتۆ و دەوروبەری لە پێناو ناساندنی جینۆسایدی گەلی کورد بە دەوڵەتی کەنەدا.

Previous
Next
Kurdish