ئیتر من وام … نەوزاد بەندی

نە سیاسەت ئەزانم
و
نە شارەزای گەمە و
فێڵی سیاسیشم ..
بەڵام کە مناڵێ ئەبینم
وا ئەکوژرێ
لە کۆرپەکەی
عومەری خاوەر
ھەتاکو
محەمەد دوڕە و
ئەیلانی لە ئاوا خنکاو
تا کۆرپەکانی
عەفرین و کانی سپی
زامدارکراو..
ھەرچی تف و
جنێوێ درکی پێ بکەم ،
بۆ زلھێز و چڵکاو خۆرانی
ئەنێرم..
ھەرچی چۆن بێ بیانوو
بەڵگە و
لێکدانەوە سیاسیەکان
بە قەدەر وەڕینی سەگێ
من گوێیان بۆ ڕانادێرم ..

Nawzad Bandi