گێسووی شەو.. شعری ڕەهی معیری.. وەرگێڕانی لە فارسییەوە: شەهلا نوری
Closed
شەو ئەو گێسووەی نییە کە لە تۆدایە
باوەشی گوڵ ئەو عەترەی نییە کە لە تۆدایە
نێرگس کە بە ناز، دڵ له ڕەندان دەڕفێنێ
ئەو چاوە پڕ لە ڕازەی نییە کە لە تۆدایە
نیلوفەری پاراو، کە زوڵفی بڵاو کرد،
ئەو خەرمەنی پرچەی نییە کە لە تۆدایە
پەپوولە کە هەر دەمێ لە گوڵێک ماچێ دەدزێ،
ئەو خووە دڵبازەی نییە کە لە تۆدایە
جگە لە دڵی جانسەختی “ڕەهی” قەت لە تۆ نەڕەنجا
کەس تاقەتی ئەو ڕەفتار و نازەی نییە کە لە تۆدایە!
