Skip to Content

394 Views

تیرۆری جه‌سته‌ له‌دوای تیرۆری فیكر  … به‌ختیار محه‌مه‌د

تیرۆری جه‌سته‌ له‌دوای تیرۆری فیكر … به‌ختیار محه‌مه‌د

Be First!
by November 26, 2016 General, Opinion, Slider
image_print

هه‌ر ده‌سه‌ڵاتێك خه‌ڵكی ئازادیخواز (یان حه‌قبێژ) تیرۆر بكا، ده‌سه‌ڵاتێكی فاشییه‌. ئه‌و ده‌سه‌ڵاته‌ی (یان حزب و لایه‌نه‌ی) له‌ ده‌نگی دلێرانه‌ی ڕای جوداواز (یان ڕه‌خنه‌گر) ده‌ترسێ، ده‌سه‌ڵاتێكه‌ تیرۆریست و نابووده‌ و هێواش هێواش مه‌رگی مێژوویی خۆی ڕاده‌گه‌یه‌نێ.
له‌ ڕاستیدا تیرۆر له‌ پشت په‌رده‌دا، كارێكی یه‌كجار ترسنۆكانه‌یه‌. خه‌ڵكی بوێر ڕوو به‌ ڕووی ئه‌وی دیكه‌ ده‌بێته‌وه‌؛ به‌ڵام ترسنۆكه‌كان (ئه‌وانه‌ی فۆبیایان له‌ ڕه‌خنه‌ هه‌یه‌) له‌ پشته‌وه‌ خه‌نجه‌ر ده‌وه‌شێنن.
ئه‌وانه‌ی هه‌رگیز ئیمانیان به‌ دیموكراسییه‌ت نییه‌، تیرۆر ده‌كه‌ن. ئه‌م جۆره‌ تیرۆره‌ ترسنۆكانه‌یه‌ زۆر قێزه‌ونتره‌ له‌ تیرۆره‌كانی ڕێكخراوێكی وه‌ك داعش: داعش له‌گه‌ڵ خۆی ڕاستگۆیه‌، به‌ڵام هێزی تیرۆریستی دووفاق له‌ پشت په‌رده‌ تیرۆر ده‌كا و له‌ سه‌ره‌وه‌ش ئیدیعای دیموكراسییه‌ت ده‌كا.
هه‌ڵبه‌ته‌ دیاره‌ تیرۆركردنی كه‌سێكی وه‌ك مه‌لا هۆشیار تیرۆركردنێكی سیاسییه‌: ئه‌و كه‌ ڕه‌خنه‌ له‌ واقیعی باو و له‌ ده‌سه‌ڵات ده‌گرێ، تیرۆر ده‌كرێ.
×××
تاوانی كوشتنی كه‌سێكی وه‌ك ئه‌م مامۆستایه‌ هه‌ر ئه‌وه‌ نییه‌، كه‌ كه‌سێك له‌ ڕووی جه‌سته‌ییه‌وه‌ تیرۆر ده‌كرێ و كۆتایی به‌ ژیانی ده‌هێندرێ؛ به‌ڵكو تراژیدیای ئه‌م جۆره‌ تیرۆره‌ ئه‌وه‌یه‌، كه‌ ماڵێك (ژیانی چه‌ند كه‌سێكیش له‌ خێزانه‌كه‌ی) وێران ده‌بێ؛ گه‌وره‌ترین تاوان ئه‌وه‌یه‌، كه‌ منداڵه‌كانی له‌ سه‌رپه‌رشتی و سۆزی باوكیان بێ به‌ش ده‌بن؛ به‌ڵام ئایا كارای (ده‌سه‌ڵات و حزب و لایه‌ن و سه‌ركرده‌ی) فاشی و دیكتاتۆر، باكی به‌ ژیانی مرۆڤ هه‌یه‌؟ هه‌ڵبه‌ته‌ نه‌خێر! ‌

Previous
Next

Leave a Reply