Skip to Content

46 Views

هەلوو تەنیایی هەلوو …  زانا سامان

هەلوو تەنیایی هەلوو … زانا سامان

Be First!
by October 6, 2019 General, Poems
image_print

من لە وجوودی خۆمدا
عاریفێک بووم …
تەنیا …
بۆیە خودا
لە دەرگەی دڵمی دا و
عاشقی کردم،
لە خۆمدا ونببووم و کەچی
لە بەرەبەیانی عیشقێکدا
هاتمەوە سەر خۆم،
من وابووم …
دەبوو تەنیایی غەرقی خۆیم بکات و
لێنەگەڕێ ..
وەک ساوایەک
گڕوگانی ڕاکردن بکەم،
نەیەڵێت ..
ئەلف و بێی شیعرم
بچزێت بە عیشقێکی ئەبەدیدا
ڕێگە نەدا غلۆر ببمەوە
تا بارین
لەتوێی ڕامووسانێکی ئەبەدیدا،
بەڵام هات ….
مەعشووقێک
بەخۆی و کۆشێک موحیبەتەوە
بەخۆی و داڕشتنێکی نوێوە
بە خۆی و خۆیەوە هات،
هات و وەک بڵێی چەمێکی ڕژاو
یان بارانێکی بەلێزمە بێت
هاتوو لێرە .. لە سینەمدا
وەک دیلبەرێک …
هەناسەمی هەڵمژیی.

زانا سامان

Previous
Next

Leave a Reply