Skip to Content

42 Views

دوو پارچە جیھانی وێران … نەوزاد بەندی

دوو پارچە جیھانی وێران … نەوزاد بەندی

Be First!
by October 26, 2019 General
image_print

ئەمە بانگەشەی بێدەسەڵاتیی ڕەھای مرۆڤ نییە ،بەڵام ڕاستیەکی حاشا ھەڵنەگرە کە ئێمەی مرۆڤ ھەزاران جەبھەی چۆڵ و ھۆڵمان ھەیە کە یەک سەربازیشی تێدا نییە و لە ھەر ھەموویشیانەوە خوای گەورە ئەتوانێ ھێرشمان بۆ بکات ئەوەی کە سێکولارەکان پێی ئەڵێن سروشت یان تەبیعەت ..
جەبھەی کارەساتە سروشتیەکانی وەک بومەلەرزە و لافاو و زریان و ..کارەساتە دەسکردەکانی مرۆڤ وەک ئوتومبیل و چەکی کوشندە و جەنگ و ….جەبھەکانی نەخۆشییە جەستەییەکانی وەک شێرپەنجە و جەڵتەی دڵ و مێشک و ..نەخۆشیە دەمارییەکانی وەک ئۆتیزم و شیزۆڤرینیا و خەمۆکی و شێتی و ..چەندەھا جەبھەی دیار و نادیاری تر کە لەھەر چرکەیەکدا ڕێی تێ دەچێ ھێرشمان بۆ بکرێ و لەناو ببرێین یان بریندار و شپرزە بکرێین ..
گەلێ پیاوی دەوڵەمەند و خاوەن ھێز و حیمایە و دەسەڵاتمان بینی کە پێش مرۆڤە بێ دەسەڵات و ھەژارەکان فەوتان و ..ئەو ھەموو ملیار دۆلار و سەدان ھەزار سەرباز و پزیشک و زانا و دانایە نەیانتوانی فریایان بکەون و وایان لێ بکەن لە کاروانی ژیان بەردەوام بن ..
ئەوروپا کە بەھۆی پشت بەستن بە دەسەڵاتی تێکنۆکرات و تەکنۆلۆژیا و زانست ، بە حیسابی خۆی چارەسەری بۆ ھەموو کێشەکان دۆزیوەتەوە و مرۆڤێکی بەختەوەری ڕەھای بەرھەم ھێناوە ،بێ ئاگا لەوەی لە جەبھەی خڕۆکە سپیەکانەوە و خڕۆکەی تی لیمفۆسایتەوە کە سەرکردەی بڕیاردەری بەرگریی لەشە ،ھێرشی بۆ دەکرێت لەلایەن ڤایرۆسێکەوە کە پێی دەووترێ ڤایرۆسی نەھێشتنی بەرگری HIV و ملیۆنەھا تاکی ئەوروپی گرفتار ئەبن ..
بێ ئاگا لەوەی کە لە جەبھەی دەمارە خانەکانەوە ھێرشی بۆ دەکرێت و ..دەیەھا نەخۆشی دەروونیی سەرھەلدەدەن و خۆکوشتن دەبێتە دیاردەیەکی ئاشکرا و بێ چارەسەر لە کۆمەڵگای ئەوروپا و ئامریکادا ..
ئەمە بۆ ؟
ئەمە لەبەر پشت گوێخستنی بەھا ڕۆحیەکانی مرۆڤە و ..سەرقاڵکردنی مرۆڤە بە شێوەیەکی ڕەھا بەمادە و دەسکەوتە مادییەکانەوە ، بە بێ حیسانکردن بۆ ئاین و دەروون و شعور و ویژدان و ھیوا و دووربینی و مەسەلەی دوای مەرگ و پاداشت و سزا کە زۆر لە مادە زیاتر قەبارەی ھەست و نەستی مرۆڤ داگیردەکەن..
پزیشکی خاوەن خەڵاتی نۆبڵ ،ئەلێکسیس کاریل کە ووتی : مرۆڤی نوێ لە بواری ئەنسرۆپۆلۆجیدا ( مرۆڤزانیدا ) زۆر داماو و دەستەوسان و نەزانە ، شارستانیی نوێ تاوانباریان کرد بە شێتی و تێکچوونی دەروونیی ، کەم و زۆریش ئەو بیریار و زانا دانایانەی کە قوڵبوونەتەوە و حیسابێکیان بۆ بەھا ڕۆحی و ئاینییەکان کردووە بە لەڕێلادراو و دەروون نەخۆش حیسابیان بۆ کردوون وەک تۆڵستۆی و ئیحسان تەبەری و نیکۆلای گۆگۆڵ و کۆستۆ و ڕۆجێ گارودی و چەندانی تر..
بە ھەمان شێوە زۆربەی ئەوانەی کە پابەندن بە بەھا ڕۆحییەکانەوە ، دنیا و زانست و تەکنۆلۆژیایان پشتگوێ خستووە و خۆیان بۆ بەھەشتی بێ کۆتا و پڕ لە حۆریی ئامادە کردووە ،ئەمەیش وایکرد جیھانێکی ئیسلامیی پڕ لە نەخۆشی و برسێتی و ھەژاری و تەمەڵیی بێتە دی ، کە بە تەمای خودای باڵادەستە کاروبارەکانی بۆ ڕاپەڕێنێ و فریشتەکان بێنرێ مافە زەوتکراوەکانی بۆ وەربگرنەوە و دیکتاتۆرەکانی بۆ ڕیسوا بکەن و وەک تیمی پزیشکیش چارەسەری دەرد و نەخۆشیەکانی بکات ، ئەم تەرزە بیرکردنەوەیەیش کۆمەڵگاگەلێکی دواکەوتووی وای لێکەوتەوە کە لە جیھانە سێکولارەکە زیاتر قوڕی کرد بەسەر بەھا ڕۆحی و ئاینییەکاندا و ..مرۆڤ و بەھاکانی وێرانتر کرد

نەوزاد بەندی

Previous
Next

Leave a Reply