Skip to Content

لە مشتەکۆڵەوە بۆ تێڵا ، کەی زەماوەند بکەین ؟ … نەوزاد بەندی

لە مشتەکۆڵەوە بۆ تێڵا ، کەی زەماوەند بکەین ؟ … نەوزاد بەندی

Closed
by October 12, 2020 General, Poems


عاجز مەبن
کە شیعرم کەم کردۆتەوە ..
داگیرکەر لەم هەرێمەدا
ئاگرێکی کردۆتەوە ..
بە شیعر ناکوژێتەوە ..
کۆلارەیەک کە پچڕاوە
بە شیعر ناگیرێتەوە ..
عاجز مەبن
لە شەقامەکە دەرمەچن ..
لە ئێستاوە ..
بۆ شارەکەمان ئەگەڕێم ،
لە بەر باخەڵی کێدایه ؟
ئاخر دەمێکە دزراوە ..
مافیا ،
بە شیعر ناپێکرێ ..
وەرن با هەڵمەتێ ببەین ،
لەگەڵ گەل هیچی پێناکرێ ..
عاجز مەبن ..
شیعرم ناردۆتە ماڵەوە ..
کەی ئازادی دێ بە شنەی شەماڵەوە ؟

  • نەوزاد بەندی
Previous
Next