Skip to Content

199 Views

جه‌نه‌ڕاڵی به‌زیو … به‌ختیار محه‌مه‌د

جه‌نه‌ڕاڵی به‌زیو … به‌ختیار محه‌مه‌د

Be First!
by October 29, 2017 General
image_print

ژانێك له‌ ناخم ده‌چۆڕێ
سپی
وه‌ك شمشێره‌كه‌ی ئیمامی عه‌لی و معاویه‌.
زه‌رد
وه‌ك لاپه‌ڕه‌ی زه‌ردی مه‌سحه‌فی
مێژووی خیانه‌تی ئێمه‌.
ڕه‌ش
وه‌ك ناخی ڕه‌شی
سه‌ركرده‌كانی تیاترۆخانه‌ی كوردایه‌تی.
ته‌ڵخ
وه‌ك ئاوێنه‌ی شكاوی ته‌ڵخی عه‌قڵی
جه‌نه‌ڕاڵه‌ به‌زیوه‌كانی ڕیفراندۆم.
ئه‌و جه‌نه‌ڕاڵانه‌ی
به‌رله‌وه‌ی ‌گورگی بیابان بكوژن
كارمامزی مێژووی شاخیان كوشت.
من ئێستا هه‌تیوێكی پێ په‌تیم
له‌ شه‌قامه‌ پیسه‌كانی سیاسه‌تی جیهاندا
وه‌ك سواڵكه‌رێك
ڕاده‌كه‌م و ڕاوم ده‌نێن.
من ئێستا له‌ ماڵه‌ كاوله‌كه‌ی خۆمدا
هه‌تیوێكی بێ كه‌سی سوڵكه‌ری ده‌ستبه‌سه‌رم.
من ئێستا نه‌ته‌وه‌یێكی زۆڵی مێژووم
نه‌ دایكم هه‌یه‌ نه‌ باوك
هیچ كه‌سێك له‌ هه‌تیوخانه‌كانی
به‌زه‌یی خۆشی وه‌رمناگرێ.
من ئێستا باوكم مه‌لای خه‌تێیه‌ و
دایكم فاتیمه‌ی ژنی عه‌لییه‌ و
مێژووشم بووكی ئوممه‌ی عه‌ره‌بییه‌.

به‌ختیار محه‌مه‌د

Previous
Next

Leave a Reply