Skip to Content

هەموو شتێک لە پێناوی دژایەتی کۆمۆنیزمدایە!.. بزووتنەوەی مارکسیستی کرێکاران

هەموو شتێک لە پێناوی دژایەتی کۆمۆنیزمدایە!.. بزووتنەوەی مارکسیستی کرێکاران

Closed
by ته‌مموز 19, 2021 General


١١ سیبتمبر وەرچەرخانێکی مێژوویی جیهانی سیاسەتی ئیمپریالیستی ئەمریکایی بوو بە ڕووی جیهاندا .
کە خۆی لە هاوکێشەیەکدا ئەبینێتەوەو جیهانی خستە بەردەم دوو ئاڵتەرناتیڤەوە؛
ئەویش هەڵبژاردنی یەکێک لەم ئاڵتەرناتیڤانە ؛ (یان پاڵپشتی دیمۆکراسی ئیمپریالیستی ئەمریکی ئەکەن یان لەگەڵ تیرۆریزمی قاعیدەو ئیسلامیدا ئەمێننەوە ) !
ئالتەرناتیڤی سێیەم کە کۆمۆنیزم و شۆڕشی کۆمەڵایەتی جەماوەری کرێکاران و ومارکسیزمە (پێویستە لە جیهاندا دژایەتی بکرێت و نابێت بوار بدرێت کە ببێت بە ئاڵتەرناتیڤێکی کۆمەڵایەتی و سیاسی لە کۆمەڵگادا ).
کۆمەڵگای جیهانی بوو بە بازنەیکی داخراو کەلە نێوان ئەم دوو سیاسەتەدا ئاڵوگۆڕکێ ئەکات ؛
یان کۆمەڵگا ئەبێت لە ژێر سایەی دیکتاتۆریەتکی ڕەشدا بێت ، یان لە ژێر سایەی میلیشیایی ئاینی و قەومی کۆنەپەرستانەو حوکومەتی ئاینی و مەزهەبیدا بناڵێنێت ، یان ملکەچبوونە بە سیاسەتەکانی ئیمپریالیزمی ئەمریکی و جیهانی .
لە عێراق بە درێژایی زیاد لە ٣٠ ساڵ لە ژێر سایەی دیکتاتۆریەتێکی ڕەشی حوکومەتی بەعسیدا ژیان بەڕێکرا ، وە دوای ئەوە بۆ نزیکەی ٣٠ ساڵ زیاترە لە ژێر سایەی میلیشیایی ئاینی و قەومی کۆنەپەرستانەدا لە ناوچە عەرەب نشین کورد نشینەکاندا بەڕێوە ئەچێت .
لەئەفغانستان ( طالیبانیەکانیان) دوستکرد بۆ دژایەتی یەکێتی شورەوەی ، دوای ئەوە هێرشی سەربازی جیهانی ئیمپریالیستی داگیرکارانەی ئەمریکاو ڕۆژئاوا کە ٢٠ ساڵی خایاند . سە رەتا طالیبانیان کرد بە بیانوو بە هێرشکرنە سەر ئەو ووڵاتە ، ئێستا هەمان سیاسەت دووبارە ئەکەنەوە بە پێچەوانەوە .
ڕێگەدان بە طالیبان بۆ گۆڕینی کۆمەڵگا بە دزەخی ئاینی و شەریعەتی و بۆگەنترین و کۆنەپەسترین دەسەڵات لە جیهاندا ، لە پێناو زەمینەخۆشکرن بۆ گەڕانەوەی هێزەکانی ئەمریکاو ئیمپریالیزمی ڕۆژئاوایی دوای چەندین ساڵیتر .
ئەلگۆی حوکومڕانی خوازراو لە عێراقدا دوای دیکتاتۆریزمی مەکەزی حیزبەی بەعسی قەومی گۆڕدرا بە حوکومەتی میلیشیایی و چەکداری ئاینی جۆراو جۆر لە لایەک وە ئەلگۆی بنەماڵەیی و عەشیرەتی و خێڵەکی لە ناوچە کوردیەکان کە گونجاوترین ئەلگۆیەکە بۆ حوکمڕانی جۆری ئیماراتی و ناوچەیی لە دەڤەرەدا .
تانوپۆی عەشیرەتی و خێڵەکی لە ڕێگەی خەرجکردنی سەدان هەزار ملیار دۆلارەوە زیندووکرانەوە وە خرانەوە سەر ڕێچکەی کۆنی سەت ساڵی لەمەوبەری خۆیان .
وێڕای چینێکی بەرین لە خەڵکی چەوساوە بە کرێکارو وخەڵکی دەستەنگ و جوتیارانی هەژارەوە ، بەڵام حاکمیەتی چینایەتی ئەوان بە گوێرەی یاساکانی سەرۆک عەشیرەت و خێڵ کە لە لایەن حیزبە قەومیەکانەوە نمایەندەیی ئەکرێن بەڕێوە ئەچێت .
وەک هەر سەرمایەدارێکی تری جیهانی کرێکاران و جەماوەر ئەچەوسێننەوە بەڵام لە بەرگی ئاغاو شێخ و سەرۆک عەشیرەت و خێڵ و دەربەگی خاوەن موڵک و زەوی و زارەوە ، هەبۆیە کۆمەڵگای کوردی هیچ بنەمایەکی ئابووری و سیاسی و کۆمەڵایەتی و فەرهەنگی تێدا نیە کە بتوانێت ببێتە خاوەن یەک بڕیاڕی سیاسی یەکگرتووی بۆرژوازی کوردی لە یەک ناوچەشدا ، ئەمەش لەپێناوی ئەوەدایە کە چینی بەرینی کۆمەڵانی چەوساوەی کورد لە بەرامبەر هێزێکی ڕێکخراوی دەوڵەتی مەرکەزیدا خۆیان هیچ کات وەک چینێکی یەکگرتوو نەناسێنن وە هەمیشە لە ئاستی شەڕەچەقۆی گەڕەکێک و شارێک و ناوچەیەکدا خۆیان ببیننەوە وە هەمیشە بەوە کاڵفام بکرێن کە بە عەنتەریاتی خێڵەکی وگۆڕینی دەمو چاوەکان ڕزگاریان ئەبێت .
بێگومان فاکتۆری سەرەکی لە ڕاگرتنی ئەم هەلومەرجە عەشیرەتگەریە بەکرێگیراوبوونی دەسەڵاتدارانی ئەو ناوچەیە بۆ سیاسەتی ئیمپریالیزمی ئەمریکی و غەربە ، وە فاکتۆری لاوەکیش پاشکۆبوونی چەپێکە بۆ خودی سیاسەتی حوکومەتێکی تائیفی لە بەغداو لە هەولێر و لە سلێمانی و هەوڵدان بۆ گەیشتن بە چاکسازی و باشترکردنی ژیانی خەڵکە لە ژێرسایەی ئەم ئەلگۆی حوکمڕانیەی عەشیرەتی و خێڵەکیەی کوردان و میلیشیا ئیسلامیەکانی بەشەکانی تری عێراق ، کە خۆی لە خۆیدا خۆڵکردنە چاوی چینێکی بەرین لە چەوساوەکانی ئەو کۆمەڵگایە کە لەچوارچێوەی ئەم زەللکاوی میلیشیایی و خێڵەکیدا بمێننەوە.
هیچ هێزێکی کۆمەڵایەتی و سیاسی توانای گۆڕینی ئەم سیستەمی حوکومڕانی و ئەم زەلکاوە بۆگەنەی حوکومڕانی میلیشیایی چەکدارە ئیسلامی و چەکداری عەشیرەتگەری کوردانی نیە لە چوارچیوەی هەمان بازنەی ئەم زەلکاوەدا .
گێڕانەوی ئیرادەی شۆڕشگێڕانەی چینکی پێشێلکراوو و چەوساوە لە گرەوی دەرچوونە لە هەموو ئەم سیاسەتە لۆکاڵیە کۆنەپەرستانەو ڕیفۆرمیستیانەدا،
پەیوەستبوونی خەباتی لێرەو لەوێ و پەڕژو بڵاوی کۆمۆنیستەکان بە خەباتێکی بەرفراوانتری جیهانی و ناوچەیەیی وە گردبوونەوە لە چواردەوری سیاسەتێکی شۆڕشگێڕانەی مارکسیستی بە دوور لە هەموو ئەو ڕیفۆرمیستە پۆخڵەواتانەی کە تائێستا چەپی ووردە بۆرژوازی بە ناوی جۆراو جۆرەو خۆیان بە چینی کرێکارو مارکسیزمەوە هەڵواسیوە.

بزووتنەوەی مارکسیستی کرێکاران
١٨ / ٧ / ٢٠٢١

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish