بەشێک لە توێژینەوەی کڵاشی کوردی یان شەحاتەی عەرەبی.. ڕێباز شەریف

من لە سەردەمی میرنشین و قازی محمد و پاشا کۆرە نەژیاوم، بەڵام بە ئەزموونی ئێستەیا ئەگەر لێکدانەوە بۆ ڕابردوو بکەین ئەتوانین لەوە تێبگەین کە هەمیشە بەشێکی کوردبوون دژایەتی بەشێکی تری هاوخوێن و هاوزمانی خۆیان کردووە و نەیانهێشتووە بە ئامانج بگەن. خیانەت لە نیشتیمان ئەگەر لە ناو میلەتانی تر وەک حاڵەت سەیربکرێت ،لەناو کورددا دیاردەیەکی گەورەو بەر بڵاوە، تەنانەت زۆر بە ڕوونی لە پەندی پێشینان و شیعری شاعیراندا دیارە.

لە هەر قۆناغێک لە قۆناغەکانی مێژوو، باسی ھەر شکستێکی کورد بکەین، پێویستە بۆ دەستێکی ناوخۆی بگەڕێیت کە خیانەتی کردوە.

ڕوداوەکانی ئەم دواییەی سوریا دەرگایەکی گەورەی بەڕووی کوردی ڕۆژئاوادا کردۆتەوە، ئێستە ڕۆژئاوا لەژێر هەڕەشەو مەترسی گەورەدایە، ئەگەر چی کچان و کوڕانی ڕۆژئاوا بە گیانی خۆیان بەرگری لە خاکی پیرۆزی کوردستان دەکەن، ئەوان ئەوەندە بڕوایان بە دۆزی کورد هەیە لە لێواری کەوتنەوە، لە هەناسەکانی کۆتایی کەوتنی کۆبانی یەوە هەستانەوە سەرپێ و کچانی خۆر مێژوویان دژی تاریکپەرستی تۆمار کرد، هیچ کوردێک نیە گومانی لە بەهێزی باهۆزەکانی ڕۆژئاوا هەبێت، ئەوەی کە ڕەنگە لاوازیان بکات خیانەتی ناوخۆیە، خیانەتی کوردانی بەشەکانی تری کوردستان, دەستێکی ڕەشە کە وەک بوکەڵە بە دەستی دوژمنەوەیە و یاریان پێدەکات.

هێزی ڕۆژ و ئەنەکەسە کە دروستکراوی پارتی دیموکراتی کوردستانن بە پشتگیری تورکیا چاویان بە سەرکەوتنی ڕۆژئاوا هەڵنایەت

ئیخوان موسلیمین کە زۆرینەیان لە باشور و باکوری کوردستانن بە پشتگیری تورکیا چاویان بە سەرکەوتنی ڕۆژئاوا هەڵنایەت

پاشماوەکانی داعش و فیکری سەلەفیزم و بزوتنەوەی ئیسلامی کوردستان بە پشتبەستن بە ئایدۆلۆژیای دین چاویان بە سەرکەوتنی ڕۆژئاوا هەڵنایەت
تاکی کوردی کۆیلەی حیزبەکانی دەسەڵات چاویان بە سەرکەوتنی ڕۆژئاوا هەڵنایەت.

کوێر بێت ئەو چاوەی نایەوێت سەرکەوتنی گەلەکەی خۆی ببینێت، بشکێت ئەودەستەی لە بری هاوکاری و یارمەتیدانی هاوزمان و هاونیشتیمانی خۆی یارمەتی دوژمنی کورد دەدات.
ڕوڕەشبێت ئەو تاریکپەرستەی لەپێناو ئایدۆلۆژیای بۆگەنی هانی کوردانی تر دەدات دژایەتی میللەتی خۆیان بکەن.
ئەوانەی کورد ئەکوژن و کورد ئاوارە ئەکەن، دژی ژن،ژیان،ئازادی دروشمی اللەاکبر ئەڵێنەوە.
ئەردۆغان و هاوئاهەنگەکانیان لە سوریا, لە عێراق، لە ئێران و لە تورکیا نایانەوێت کورد بژی.

ئاین وەک سەراب وایە، شێوەیەکی ڕاستەقینەی هەیە و خۆی دەکاتە جێگرەوەی پێویستەکانی تۆ، بە جۆرێک یاری بە مێشکی مرۆڤ دەکات کە ئاشتی بەرقەرار دەکات، بەڵام لە هەمان کات تفەنگێک یان شمشێرێکت پی هەڵدەگرێت کە براکەی خۆتی پێ بکوژیت.

ترسناکی ئاین لەوەدانیە کە ئایدۆلۆژیایەکی دیاریکراوە بۆ لە قاڵبدانی یەک جۆریی کۆمەڵگا و یەکجۆری ئینسان، بەڵکو ترسناکی ئاین لەوێوە دەستپێدەکات کە بەناوی هێزێکی خوداییەوە دێتە کۆمەڵگاوە بۆ ئاڕاستەکردنی بۆچونی کۆمەڵایەتیی، سیاسیی، کولتووریی لەسەر خەتێکی باریک بۆ بەدیهێنانی ئامانجێکی خودایی

زۆرینەی ئاینەکانی لە زمانی خوداوە ڕێگەت پێدەدات ژیانی خۆت و ئەوانیتریش وێران بکەیت، بێ ئەوەی گرنگی بە ژیانی خۆت بدەیت.

ئاین دەبێتە دەستێک جلی تایبەت و هەر چەشنە جلێکی ترت لی یاساغ دەکات، زمان و کلتور و بیری نیشتیمانیت لێ یاساغ دەکات و ڕێگە دەدات بە تەنها لە بازنەی دیندا ئازادبیت و لە هەرچیەک لەگەڵ دین یەکنەگرێتەوە بۆت نیە توخنی بکەویت.

دین دەبێت بە پەنجەرەیەک بۆ کەسی بڕوادار و بەتەنها بۆی هەیە لەو پەنجەرەوە لە ژیان بڕوانێت و یەک سەرچاوەی هەیە بۆ لێکدانەوەی هەرچیەک لە پەنجەرەکەوە دەیبینێت، مرۆڤی بڕوادار خەونی ڕەنگاوڕەنگی نیە بۆ ژیان و تەنانەت خەونەکانیشی سنوردار دەکات.

ئاین بە تەنها مەترسی نیە بۆ سەر زمان و کلتور و بیری نەتەوەی، کێشەی ئاین هەر ئەوە نیە کە وەک شیشی و کۆنکرێت لە قاڵبت دەدات، بەڵکو دەست ئەبات بۆ خۆشبەختی مرۆڤیش، لە ڕوانگەی ئاینەوە تۆ ئەگەر کاتەکانت بۆ خوداپەرستی تەرخان نەکەیت ئەوە تۆ کەسێکی دۆڕاویت، یاری تاوڵە و دۆمینەو دوگۆڵی و پلەیستەیشن و کڵاوێن و هەرچیەک بۆ ماوەیەکی کاتیش سەرقاڵت بکات دەبێتە هەڕەشە بۆسەر ئیمانەکەت.
بە درێژایی مێژوو هەموو گەل و نەتەوەیەک خواستی بوەوهەوڵی داوە کە بنچینەی خۆی بناسێت و بیپارێزێت، بەجۆرێک هەڵگری هەر دین و بیروباوەڕێک بووبن هەوڵیانداوە بیخەنە خزمەتی نیشتیمانەوە، لەبەر ئەوەی درکیان بەوە کردووە کە ئەوەی تاکی کۆمەڵەکەیانی پێ دەناسرێتەوە ناسنامەی گەلەکەیەتی نەک ناسنامەی ئاینی.
گەلی کورد کەوتۆتە مابەینی ٤ وڵآتی ئیسلامی و خودی نەتەوەی کوردیش زۆرینە موسوڵمانن، بەڵام ئەمە نەبۆتە ڕێگر لەبەردەم وڵاتانی دراوسێ کە واز لە کوشتارو قەتڵوعامی کوردەکان بهێنن. لەڕاستیدا ڕێژەی ئەو کوردانەی بە درێژایی مێژوو کوژراون بە دەستی وڵاتانی ئیسلامی ڕێژەکەیان زۆر لەوە زیاترە کە کۆمەڵیەکی جیاواز لە ئیسلام کوردی کوشتبێت.
تەنانەت ئەو ڕوداوە تراژیدیە مێژووییانەی بەسەر کوردا هاتوون بە نمونە وەک کیمیا بارانکردنی هەڵەبجە و ئەنفال و هتد نەیتوانی ئەوەندە کاریگەری لەسەر مەلاکان و وڵاتانی ئیسلامی بکات کە هەر هێچ نەبێت بەیاننامەیەک دژی ئەوکارە قێزەونە دەربکەن و ئیدانەی بکەن، لەهەمان کات ئەنفالیش و کیمیابارانیش بە پشتبەستن بە سورەتەکانی قورئان کران و هەستی نیشتیمانی واینەکرد کەس دژی بوەستێتەوە. لە هەمان کات کاتی بەگژداچوونی کوردەکانی ئێران لەلایەن پازدارانی ئێرانەوە، خەڵکی گوندەکان دەگێڕنەوە کە مەلا و خەڵکی ئاوایی زۆرجار قورئانیان بۆ ئەو هێزانە بەرزکردۆتەوە بۆ ئەوەی ئازاریان نەدەن و گوندەکەیان کاول نەکەن، بەڵام ئەمە نەک هەر ڕاینەگرتوون بەڵکو مەلا و دانیشتوانی گوندەکانیان داواتە بەر شەق و تەنانەت قورئانەکانیشیان سوتاندووە و مزگەوتەکانیشیان وێران کردووە.

ئەم چیرۆکە ئەوەمان پێدەڵێت کە ئەو هێزەی دەسەڵاتی هەیە پارێزگاری لە خاک و ئەو لایەنە دەکات کە پشتگیری دەکات نەک دین.
جیاوازیەکە ئەوەیە زانا و پڕۆفیسۆر و کەسانی شارەزایی وڵاتانی دراوسێ نیشتیمانیان خستۆتە پێش دین و لە هەر بوارێکدا شارەزاییان هەبێت خزمەتی وڵاتی خۆیانی پێدەکەن، بەڵام لە لایەکی ترەوە زانایان و مامۆستایانی ئاینی و بەشێکی زۆر لە لایەنگری حیزبەکانی دەسەڵات لە باشوری کوردستان بوون بە خائین و نۆکەری دەوڵەتانی دراوسێ و تەنانەت دژی بزوتنەوەکانی ڕزگاری لە پارچەکانی تری کوردستان بەیاننامە دەردەکەن و دین ئەکەن بە ئامڕاز بۆ بەگژداچونەوەیان و پێیان وایە موسوڵمانان هەموویان بران و بە ئاشکرا شانازی بە بینین و وێنەکانیانەوە دەکەن کە لەگەڵ دوژمنانی کورد گرتوویانە. تەنانەت زۆرینەی مەلاکانی باشوری کوردستان دژی سرودی نیشتیمانی ئەی ڕەقیبن و پێیان وایە کە کوفرە ئەو سرودە بوترێتەوە
لە هەمان کات دکتۆر عەبدل واحد کە دکتۆ و بانگخوازی ئایینیە بەم دواییانە لە گوتارێکیدا بە بێ سڵ کردنەوە لە مێژوو خاکی پیرۆزی کوردستان ئاماژەی بەوەکرد کە مەککە لە کوردستان پیرۆزترە، ئەم جۆرە لە گوتار بۆ خەڵکی کوردستان کە زۆرینەی پەیڕەوکاری دینی ئیسلامن مەترسیەکی جددی دروست دەکات لەسەر داهاتووی کلتور و نیشتیمان و تەنانەت خاکی پیرۆزی کوردستان بە جۆرێک ئینتیمای نەتەوەی کاڵ دەکاتەوە و ئینتیمای دین ڕاستەوخۆ پێش خاک دەکەوێت لەلای پەیڕەوکارانی دینەکە.

بە تێڕوانین لەو باردۆخەی دروست بووە و وردبوونەوە لە پەیامەکانی هەندێک لە مامۆستایانی ئاینی و حیزبە ئیسلامەیەکان، ئەتوانین بگەینە ئەو دەرئەنجامەی کە ئیسلامی سیاسی مەترسیەکی گەورەیە و بە شێوەیەکی ڕاستەوخۆ کاریگەری دەکاتە سەر کلتور و کۆمەڵگا، لەبەر ئەوەی هەمیشە پەیامەکانیان ڕێژەیەکی زۆر کەم وکوڕی و تێبینی گەورەی لەسەرە و پێویست بەوە دەکات هەڵوێستەی لەسەر بکرێت و شیبکرێتەوە بۆ ئەوەی بەشێکی کەمیش بێت لە شوێنکەوتوانی دینەکە بەرچاویان ڕونبێتەوە و کاریگەری دین لەسەر کلتور و پێشکەوتن و پێکەوەژیانی کۆمەڵگەکەمان کەم بکەینەوە.

[1] چەمکی نەتەوەیی و ئاینی، عەبدولقادر خان و جاشمەلای کورد! (n.d.). https://www.kurdistanpost.nu/?mod=news&id=93114
[2] بەرەو قورئان 2. (2022, August 11). بەڵێ مەککە پیرۆزترە لە کوردستان !! د.عبدالواحد [Video]. YouTube. https://www.youtube.com/watch?v=TNui4SY8KNw
[٣] وتاری مامۆستا کوڕی پاک سەبارەت بە سروودی نیشتیمانی ئەیڕەقیب
[٤] ڕونکردنەوەی ئەندامی سەرکردایەتی بزوتنەوەی ئیسلامی کوردستان ” مونیرە عەلی عەبدولعەزیز سەبارەت بە سوریا و پەیوەندی کۆنیان لەگەل محمد جۆلانی.

ڕێباز شەریف
بەشێک لە توێژینەوەی کڵاشی کوردی یان شەحاتەی عەرەبی

ڕێباز شەریف
بەشێک لە توێژینەوەی کڵاشی کوردی یان شەحاتەی عەرەبی

من لە سەردەمی میرنشین و قازی محمد و پاشا کۆرە نەژیاوم، بەڵام بە ئەزموونی ئێستەیا ئەگەر لێکدانەوە بۆ ڕابردوو بکەین ئەتوانین لەوە تێبگەین کە هەمیشە بەشێکی کوردبوون دژایەتی بەشێکی تری هاوخوێن و هاوزمانی خۆیان کردووە و نەیانهێشتووە بە ئامانج بگەن. خیانەت لە نیشتیمان ئەگەر لە ناو میلەتانی تر وەک حاڵەت سەیربکرێت ،لەناو کورددا دیاردەیەکی گەورەو بەر بڵاوە، تەنانەت زۆر بە ڕوونی لە پەندی پێشینان و شیعری شاعیراندا دیارە.

لە هەر قۆناغێک لە قۆناغەکانی مێژوو، باسی ھەر شکستێکی کورد بکەین، پێویستە بۆ دەستێکی ناوخۆی بگەڕێیت کە خیانەتی کردوە.

ڕوداوەکانی ئەم دواییەی سوریا دەرگایەکی گەورەی بەڕووی کوردی ڕۆژئاوادا کردۆتەوە، ئێستە ڕۆژئاوا لەژێر هەڕەشەو مەترسی گەورەدایە، ئەگەر چی کچان و کوڕانی ڕۆژئاوا بە گیانی خۆیان بەرگری لە خاکی پیرۆزی کوردستان دەکەن، ئەوان ئەوەندە بڕوایان بە دۆزی کورد هەیە لە لێواری کەوتنەوە، لە هەناسەکانی کۆتایی کەوتنی کۆبانی یەوە هەستانەوە سەرپێ و کچانی خۆر مێژوویان دژی تاریکپەرستی تۆمار کرد، هیچ کوردێک نیە گومانی لە بەهێزی باهۆزەکانی ڕۆژئاوا هەبێت، ئەوەی کە ڕەنگە لاوازیان بکات خیانەتی ناوخۆیە، خیانەتی کوردانی بەشەکانی تری کوردستان, دەستێکی ڕەشە کە وەک بوکەڵە بە دەستی دوژمنەوەیە و یاریان پێدەکات.

هێزی ڕۆژ و ئەنەکەسە کە دروستکراوی پارتی دیموکراتی کوردستانن بە پشتگیری تورکیا چاویان بە سەرکەوتنی ڕۆژئاوا هەڵنایەت

ئیخوان موسلیمین کە زۆرینەیان لە باشور و باکوری کوردستانن بە پشتگیری تورکیا چاویان بە سەرکەوتنی ڕۆژئاوا هەڵنایەت

پاشماوەکانی داعش و فیکری سەلەفیزم و بزوتنەوەی ئیسلامی کوردستان بە پشتبەستن بە ئایدۆلۆژیای دین چاویان بە سەرکەوتنی ڕۆژئاوا هەڵنایەت
تاکی کوردی کۆیلەی حیزبەکانی دەسەڵات چاویان بە سەرکەوتنی ڕۆژئاوا هەڵنایەت.

کوێر بێت ئەو چاوەی نایەوێت سەرکەوتنی گەلەکەی خۆی ببینێت، بشکێت ئەودەستەی لە بری هاوکاری و یارمەتیدانی هاوزمان و هاونیشتیمانی خۆی یارمەتی دوژمنی کورد دەدات.
ڕوڕەشبێت ئەو تاریکپەرستەی لەپێناو ئایدۆلۆژیای بۆگەنی هانی کوردانی تر دەدات دژایەتی میللەتی خۆیان بکەن.
ئەوانەی کورد ئەکوژن و کورد ئاوارە ئەکەن، دژی ژن،ژیان،ئازادی دروشمی اللەاکبر ئەڵێنەوە.
ئەردۆغان و هاوئاهەنگەکانیان لە سوریا, لە عێراق، لە ئێران و لە تورکیا نایانەوێت کورد بژی.

ئاین وەک سەراب وایە، شێوەیەکی ڕاستەقینەی هەیە و خۆی دەکاتە جێگرەوەی پێویستەکانی تۆ، بە جۆرێک یاری بە مێشکی مرۆڤ دەکات کە ئاشتی بەرقەرار دەکات، بەڵام لە هەمان کات تفەنگێک یان شمشێرێکت پی هەڵدەگرێت کە براکەی خۆتی پێ بکوژیت.

ترسناکی ئاین لەوەدانیە کە ئایدۆلۆژیایەکی دیاریکراوە بۆ لە قاڵبدانی یەک جۆریی کۆمەڵگا و یەکجۆری ئینسان، بەڵکو ترسناکی ئاین لەوێوە دەستپێدەکات کە بەناوی هێزێکی خوداییەوە دێتە کۆمەڵگاوە بۆ ئاڕاستەکردنی بۆچونی کۆمەڵایەتیی، سیاسیی، کولتووریی لەسەر خەتێکی باریک بۆ بەدیهێنانی ئامانجێکی خودایی

زۆرینەی ئاینەکانی لە زمانی خوداوە ڕێگەت پێدەدات ژیانی خۆت و ئەوانیتریش وێران بکەیت، بێ ئەوەی گرنگی بە ژیانی خۆت بدەیت.

ئاین دەبێتە دەستێک جلی تایبەت و هەر چەشنە جلێکی ترت لی یاساغ دەکات، زمان و کلتور و بیری نیشتیمانیت لێ یاساغ دەکات و ڕێگە دەدات بە تەنها لە بازنەی دیندا ئازادبیت و لە هەرچیەک لەگەڵ دین یەکنەگرێتەوە بۆت نیە توخنی بکەویت.

دین دەبێت بە پەنجەرەیەک بۆ کەسی بڕوادار و بەتەنها بۆی هەیە لەو پەنجەرەوە لە ژیان بڕوانێت و یەک سەرچاوەی هەیە بۆ لێکدانەوەی هەرچیەک لە پەنجەرەکەوە دەیبینێت، مرۆڤی بڕوادار خەونی ڕەنگاوڕەنگی نیە بۆ ژیان و تەنانەت خەونەکانیشی سنوردار دەکات.

ئاین بە تەنها مەترسی نیە بۆ سەر زمان و کلتور و بیری نەتەوەی، کێشەی ئاین هەر ئەوە نیە کە وەک شیشی و کۆنکرێت لە قاڵبت دەدات، بەڵکو دەست ئەبات بۆ خۆشبەختی مرۆڤیش، لە ڕوانگەی ئاینەوە تۆ ئەگەر کاتەکانت بۆ خوداپەرستی تەرخان نەکەیت ئەوە تۆ کەسێکی دۆڕاویت، یاری تاوڵە و دۆمینەو دوگۆڵی و پلەیستەیشن و کڵاوێن و هەرچیەک بۆ ماوەیەکی کاتیش سەرقاڵت بکات دەبێتە هەڕەشە بۆسەر ئیمانەکەت.
بە درێژایی مێژوو هەموو گەل و نەتەوەیەک خواستی بوەوهەوڵی داوە کە بنچینەی خۆی بناسێت و بیپارێزێت، بەجۆرێک هەڵگری هەر دین و بیروباوەڕێک بووبن هەوڵیانداوە بیخەنە خزمەتی نیشتیمانەوە، لەبەر ئەوەی درکیان بەوە کردووە کە ئەوەی تاکی کۆمەڵەکەیانی پێ دەناسرێتەوە ناسنامەی گەلەکەیەتی نەک ناسنامەی ئاینی.
گەلی کورد کەوتۆتە مابەینی ٤ وڵآتی ئیسلامی و خودی نەتەوەی کوردیش زۆرینە موسوڵمانن، بەڵام ئەمە نەبۆتە ڕێگر لەبەردەم وڵاتانی دراوسێ کە واز لە کوشتارو قەتڵوعامی کوردەکان بهێنن. لەڕاستیدا ڕێژەی ئەو کوردانەی بە درێژایی مێژوو کوژراون بە دەستی وڵاتانی ئیسلامی ڕێژەکەیان زۆر لەوە زیاترە کە کۆمەڵیەکی جیاواز لە ئیسلام کوردی کوشتبێت.
تەنانەت ئەو ڕوداوە تراژیدیە مێژووییانەی بەسەر کوردا هاتوون بە نمونە وەک کیمیا بارانکردنی هەڵەبجە و ئەنفال و هتد نەیتوانی ئەوەندە کاریگەری لەسەر مەلاکان و وڵاتانی ئیسلامی بکات کە هەر هێچ نەبێت بەیاننامەیەک دژی ئەوکارە قێزەونە دەربکەن و ئیدانەی بکەن، لەهەمان کات ئەنفالیش و کیمیابارانیش بە پشتبەستن بە سورەتەکانی قورئان کران و هەستی نیشتیمانی واینەکرد کەس دژی بوەستێتەوە. لە هەمان کات کاتی بەگژداچوونی کوردەکانی ئێران لەلایەن پازدارانی ئێرانەوە، خەڵکی گوندەکان دەگێڕنەوە کە مەلا و خەڵکی ئاوایی زۆرجار قورئانیان بۆ ئەو هێزانە بەرزکردۆتەوە بۆ ئەوەی ئازاریان نەدەن و گوندەکەیان کاول نەکەن، بەڵام ئەمە نەک هەر ڕاینەگرتوون بەڵکو مەلا و دانیشتوانی گوندەکانیان داواتە بەر شەق و تەنانەت قورئانەکانیشیان سوتاندووە و مزگەوتەکانیشیان وێران کردووە.

ئەم چیرۆکە ئەوەمان پێدەڵێت کە ئەو هێزەی دەسەڵاتی هەیە پارێزگاری لە خاک و ئەو لایەنە دەکات کە پشتگیری دەکات نەک دین.
جیاوازیەکە ئەوەیە زانا و پڕۆفیسۆر و کەسانی شارەزایی وڵاتانی دراوسێ نیشتیمانیان خستۆتە پێش دین و لە هەر بوارێکدا شارەزاییان هەبێت خزمەتی وڵاتی خۆیانی پێدەکەن، بەڵام لە لایەکی ترەوە زانایان و مامۆستایانی ئاینی و بەشێکی زۆر لە لایەنگری حیزبەکانی دەسەڵات لە باشوری کوردستان بوون بە خائین و نۆکەری دەوڵەتانی دراوسێ و تەنانەت دژی بزوتنەوەکانی ڕزگاری لە پارچەکانی تری کوردستان بەیاننامە دەردەکەن و دین ئەکەن بە ئامڕاز بۆ بەگژداچونەوەیان و پێیان وایە موسوڵمانان هەموویان بران و بە ئاشکرا شانازی بە بینین و وێنەکانیانەوە دەکەن کە لەگەڵ دوژمنانی کورد گرتوویانە. تەنانەت زۆرینەی مەلاکانی باشوری کوردستان دژی سرودی نیشتیمانی ئەی ڕەقیبن و پێیان وایە کە کوفرە ئەو سرودە بوترێتەوە
لە هەمان کات دکتۆر عەبدل واحد کە دکتۆ و بانگخوازی ئایینیە بەم دواییانە لە گوتارێکیدا بە بێ سڵ کردنەوە لە مێژوو خاکی پیرۆزی کوردستان ئاماژەی بەوەکرد کە مەککە لە کوردستان پیرۆزترە، ئەم جۆرە لە گوتار بۆ خەڵکی کوردستان کە زۆرینەی پەیڕەوکاری دینی ئیسلامن مەترسیەکی جددی دروست دەکات لەسەر داهاتووی کلتور و نیشتیمان و تەنانەت خاکی پیرۆزی کوردستان بە جۆرێک ئینتیمای نەتەوەی کاڵ دەکاتەوە و ئینتیمای دین ڕاستەوخۆ پێش خاک دەکەوێت لەلای پەیڕەوکارانی دینەکە.

بە تێڕوانین لەو باردۆخەی دروست بووە و وردبوونەوە لە پەیامەکانی هەندێک لە مامۆستایانی ئاینی و حیزبە ئیسلامەیەکان، ئەتوانین بگەینە ئەو دەرئەنجامەی کە ئیسلامی سیاسی مەترسیەکی گەورەیە و بە شێوەیەکی ڕاستەوخۆ کاریگەری دەکاتە سەر کلتور و کۆمەڵگا، لەبەر ئەوەی هەمیشە پەیامەکانیان ڕێژەیەکی زۆر کەم وکوڕی و تێبینی گەورەی لەسەرە و پێویست بەوە دەکات هەڵوێستەی لەسەر بکرێت و شیبکرێتەوە بۆ ئەوەی بەشێکی کەمیش بێت لە شوێنکەوتوانی دینەکە بەرچاویان ڕونبێتەوە و کاریگەری دین لەسەر کلتور و پێشکەوتن و پێکەوەژیانی کۆمەڵگەکەمان کەم بکەینەوە.

[1] چەمکی نەتەوەیی و ئاینی، عەبدولقادر خان و جاشمەلای کورد! (n.d.). https://www.kurdistanpost.nu/?mod=news&id=93114
[2] بەرەو قورئان 2. (2022, August 11). بەڵێ مەککە پیرۆزترە لە کوردستان !! د.عبدالواحد [Video]. YouTube. https://www.youtube.com/watch?v=TNui4SY8KNw
[٣] وتاری مامۆستا کوڕی پاک سەبارەت بە سروودی نیشتیمانی ئەیڕەقیب
[٤] ڕونکردنەوەی ئەندامی سەرکردایەتی بزوتنەوەی ئیسلامی کوردستان ” مونیرە عەلی عەبدولعەزیز سەبارەت بە سوریا و پەیوەندی کۆنیان لەگەل محمد جۆلانی.

ڕێباز شەریف