Skip to Content

وڵاتی بێ ھاوڵاتی … نەوزاد بەندی

وڵاتی بێ ھاوڵاتی … نەوزاد بەندی

Closed
by تشرینی یه‌كه‌م 6, 2019 General, Poems

حەقە
مناڵبون قەدەغە بکرێ
بەکاری چی دێ مناڵێ ،
نان و ڕزقی لێرە نەبێ ..؟
کە ھاواریش کا :برسیمە..
بیکوژن و
پێی بڵێن گێرە شێوێنە ..؟

ئەم وڵاتە
وێستگەی ووزەی مافیاکانە ،
خەڵکەکەی ڕۆژ بە ڕۆژ زیاتر
بێ ڕێز و دەستەمۆ ئەکرێن..
بە ھەزار و یەک ڕێگا
قەڵاچۆ ئەکرێن ..

ئەم وڵاتە
وڵاتێکە بێ ھاوڵاتی ..
دانشتووانی وەکو
بزن و مەڕ و سابرێن
لەلایەن کۆمەڵێ گورگ و چەقەڵەوە
(بە حیساب) بەڕێوە ئەبرێن ..

لە نەھاتیەوە بۆ نەھاتی..
ئەرێ ئێوە
وڵاتتان دیوە
بێ حوکمەت و ھاوڵاتی ؟!!!

نەوزاد بەندی

Previous
Next
Kurdish