Skip to Content

670 Views

وانەی چۆلەکەکان …. عەلی حەمەڕەشید

وانەی چۆلەکەکان …. عەلی حەمەڕەشید

Be First!
by October 31, 2018 General, Kids Literature

ھەر کە چۆلەکەکانی دەبینی ڕۆژانە پوش دەھێنن و بێ ماندوبوون ھەوڵدەدەن بۆ دروستکردنی ھێلانەیەک تا تێدا بحەوێنەوە و ھێلکەی تێدا بکەن و بێچووی زەرنەقوتە ھەڵبھێنن.کار و ھەوڵەکانی خۆی بیردەکەوتەوە .

زۆر جار دەیوت چۆلەکە بەو بچوکییە لە ھەوڵدایە بۆ ئاسودەیی و بەسەربردنی ژیان بەخۆشی و بەجریوە جریو و دەنگەخۆشەکەیشی دڵی ئێمە خۆش دەکات ،ئەی بۆچی منیش ھەوڵی زیاتر نەدەم و ھەوڵەکانم بۆ دابینکردنی پاشەڕۆژێکی ڕوون نەبێت؟بۆچی وانەیەک لە چۆلەکەکانەوە فێر نەبم؟ئەمانە وتە و بیرکردنەوەکانی دارای بچکۆلە بوون،پێشتر زۆرترینی کاتەکانی بە یاریکردن لەگەڵ ھاوڕێکانی و گەڕان و تەماشاکردنی تەلەفزیۆن و ئایپاد بەسەر دەبرد،بۆیە لە قوتابخانە ھەمیشە نمرەی کەمی دەھێنا و مامۆستاکانیشی گلەییان لێی ھەبوو.ئیتر کەوتە خۆ و بە بڕوا بەخۆبوونێکی زۆرەوە بڕیاری دا کە ھەموو ئەو کارانە کەم بکاتەوە و لەمەودوا زیاتر خۆی بە کۆششکردنەوە ماندوو بکات.

بەردەوام بوو لەسەر ئەو کارە بۆیە ھەستی کرد کە ڕۆژانە ھەنگاوەکانی بەرەو سەرکەوتن و ئاسودەیی دەبەن و ڕەزامەندی مامۆستاکانیش لێی و دەستخۆشی کردنیان بوو بە گەورەترین پاڵپشت و ھاندەر بۆی…دارای بچکۆلە دوای ئەوەی کە بووە قوتابییەکی کارا و ھاوکاری ھاوڕێکانیشی دەکرد..زۆر جار لەبەر خۆیەوە دەیوت واباشە ھەمیشە مرۆڤ کار و ھەوڵەکانی ئامانجداربن و لەگەڵ سەرنجدان و وردبوونەوەی ورد بۆ دەوروبەر ، بەخۆداچوونەوەیشی ھەبێت..

٢/٢/٢٠١٨

Previous
Next

Leave a Reply